Saturday, 15th December 2018

ಹೋಟೆಲ್ ಸಿಬ್ಬಂದಿಯ ಹೀನಕೃತ್ಯಕ್ಕೆ 707 ಕೋಟಿ ರೂ. ಪರಿಹಾರ ಕೇಳಿದ ಮಹಿಳೆ

ನ್ಯೂಯಾರ್ಕ್: ಹೋಟೆಲ್‍ನಲ್ಲಿ ತಂಗಿದ್ದ ಮಹಿಳೆಯ ಸ್ನಾನ ಮಾಡುತ್ತಿರುವ ವಿಡಿಯೋವನ್ನು ಪೋರ್ನ್ ವೆಬ್‍ಸೈಟ್‍ಗೆ ಹಾಕಿದ್ದರ ಪರಿಣಾಮ ಸಂತ್ರಸ್ತ ಮಹಿಳೆ ಪರಿಹಾರವಾಗಿ ಬರೋಬ್ಬರಿ 707 ಕೋಟಿ ರೂಪಾಯಿಗೆ ಬೇಡಿಕೆ ಇಟ್ಟಿದ್ದಾರೆ.

2015ರಲ್ಲಿ ಚಿಕಾಗೋದ ಹಿಲ್ಟನ್ ಹೋಟೆಲ್‍ನಲ್ಲಿ ಸಂತ್ರಸ್ತ ಮಹಿಳೆ ತಂಗಿದ್ದರು. ಈ ವೇಳೆ ಮಹಿಳೆ ನಗ್ನವಾಗಿ ಸ್ನಾನ ಮಾಡುತ್ತಿರುವುದನ್ನು ವಿಡಿಯೋ ಮಾಡಿ, ಪೋರ್ನ್ ವೆಬ್‍ಸೈಟ್‍ಗಳಿಗೆ ಹಾಕಿದ್ದರು. ಇದನ್ನು ಅರಿತ ಮಹಿಳೆ ಹೋಟೆಲ್ ಸಿಬ್ಬಂದಿ ವಿರುದ್ಧ ಮೊಕದ್ದಮೆ ದಾಖಲಿಸಿದ್ದಾರೆ.

ಈ ಕುರಿತು ಸ್ಥಳೀಯ ಪತ್ರಿಕೆಗೆ ಪ್ರತಿಕ್ರಿಯಿಸಿರುವ ಅವರು, ನಾನು ಹಿಲ್ಟನ್ ಹೋಟೆಲ್‍ನಲ್ಲಿ ತಂಗಿದ್ದ ವೇಳೆ, ಸ್ನಾನ ಮಾಡುತ್ತಿರುವ ವಿಡಿಯೋವನ್ನು ಹೋಟೆಲ್ ಸಿಬ್ಬಂದಿಗಳು ರಹಸ್ಯವಾಗಿ ಚಿತ್ರೀಕರಿಸಿದ್ದಾರೆ. ಬಳಿಕ ಆ ವಿಡಿಯೋವನ್ನು ಪೋರ್ನ್ ಸೈಟ್‍ಗಳಿಗೆ ಹಾಕಿದ್ದಾರೆ. 2015ರಲ್ಲಿ ನಡೆದ ಘಟನೆ, ಇತ್ತೀಚೆಗೆ ನನ್ನ ಗಮನಕ್ಕೆ ಬಂದಿತ್ತು. ಇದರಿಂದಾಗಿ ನನಗೆ ಮಾನಸಿಕ ಹಾಗೂ ದೈಹಿಕವಾಗಿ ನೋವಾಗಿದೆ. ಅಲ್ಲದೇ ಪರಿಚಯಸ್ಥರ ಮುಂದೆ ತುಂಬಾ ಅವಮಾನವಾಗಿದೆ. ಹೀಗಾಗಿ ಹೋಟೆಲ್‍ನವರು 100 ಮಿಲಿಯನ್ ಡಾಲರ್ (707 ಕೋಟಿ ರೂ.)ಅನ್ನು ಪರಿಹಾರವಾಗಿ ನೀಡಬೇಕೆಂದು ಆಗ್ರಹಿಸಿದ್ದಾರೆ.

2015ರ ಘಟನೆ ಮಹಿಳೆಗೆ ಗೊತ್ತಾಗಿದ್ದೇಗೆ?
ಇತ್ತೀಚೆಗೆ ಮಹಿಳೆಯ ಸ್ನೇಹಿತ ಪೋರ್ನ್ ವೆಬ್‍ಸೈಟ್‍ನಲ್ಲಿ ಆಕೆಯ ವಿಡಿಯೋವನ್ನು ನೋಡಿ ಗುರುತು ಹಿಡಿದಿದ್ದಾನೆ. ತಕ್ಷಣ ಅದನ್ನು ಮಹಿಳೆಗೆ ಇ-ಮೇಲ್ ಮಾಡಿದ್ದ. ವಿಡಿಯೋವನ್ನು ನೋಡಿದ್ದ ಮಹಿಳೆ ತಾನು ಹಿಲ್ಟನ್ ಹೋಟೆಲ್‍ನಲ್ಲಿ ತಂಗಿದ್ದರ ಕುರಿತು ಜ್ಞಾಪಿಸಿಕೊಂಡು ಹೋಟೆಲ್ ವಿರುದ್ಧ ಕಾನೂನು ಹೋರಾಟಕ್ಕೆ ಮುಂದಾಗಿದ್ದಾರೆ.

ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv , ಪಬ್ಲಿಕ್ ಟಿವಿ ಆ್ಯಪ್ ಡೌನ್‍ಲೋಡ್ ಮಾಡಿ: play.google.com/publictv

Leave a Reply

Your email address will not be published. Required fields are marked *