Connect with us

International

ಕ್ಯಾನ್ಸರ್ ಪೀಡಿತ ಪುತ್ರಿಗೆ ಧೈರ್ಯ ತುಂಬಲು ಕೇಶ ಮುಂಡನ ಮಾಡಿಕೊಂಡ ತಾಯಿ

Published

on

ವಾಷಿಂಗ್ಟನ್: ಕ್ಯಾನ್ಸರ್ ಪೀಡಿತ ಪುತ್ರಿಗೆ ಧೈರ್ಯ ತುಂಬಲು ತಾಯಿ ತಾನೂ ಕೇಶ ಮುಂಡನ ಮಾಡಿಕೊಂಡಿರುವ ಭಾವನಾತ್ಮಕವಾದ ವೀಡಿಯೋ ಒಂದು ಸೋಷಿಯಲ್ ಮೀಡಿಯಾದಲ್ಲಿ ಹರಿದಾಡುತ್ತಿದೆ.

ಜಗತ್ತಿನಲ್ಲಿ ಅಮ್ಮನ ಪ್ರೀತಿಗೆ ಬೇರೆ ಯಾವ ಯಾವ ಪ್ರೀತಿಯೂ ಸಮಾನವಾಗಲೂ ಸಾಧ್ಯವಿಲ್ಲ. ತಾಯಿಯ ವಾತ್ಸಲ್ಯ ಮತ್ತು ಮತ್ತು ಮಮತೆಗೆ ಸಾಕ್ಷಿಯಾಗಿದೆ ಎಂದು ಈ ವೀಡಿಯೋ ನೋಡಿದವರು ಹೇಳುತ್ತಿದ್ದಾರೆ. ಅಲ್ಲದೆ ನೆಟ್ಟಿಗರಿಂದ ಮೆಚ್ಚುಗೆಯ ಮಹಾಪೂರವೇ ಹರಿದು ಬರುತ್ತಿದೆ.

ವೀಡಿಯೋದಲ್ಲಿ ಏನಿದೆ?
ಕ್ಯಾನ್ಸರ್ ಪೀಡಿತ ಪುತ್ರಿಗೆ ತಾಯಿಯೊಬ್ಬರು ಧೈರ್ಯವನ್ನು ತಂಬುತ್ತಿರುವುದು ಭಾವನಾತ್ಮಕವಾಗಿದೆ. ಕಿಮೋಥೆರಪಿಗಾಗಿ ಕೂದಲು ತೆಗೆಯಬೇಕಾಗುತ್ತದೆ. ಕೆಲವು ಸಂದರ್ಭದಲ್ಲಿ ಚಿಕಿತ್ಸೆ ವೇಳೆ ತಲೆಕೂದಲು ಉದುರಿ ಹೋಗುತ್ತದೆ. ಹೀಗಾಗಿ ಮಹಿಳೆ ತನ್ನ ಪುತ್ರಿಗೆ ಆತ್ಮಸ್ಥೈರ್ಯವನ್ನು ತುಂಬಲು ನಿನ್ನ ಕಷ್ಟದಲ್ಲಿ ನಾನಿದ್ದೇನೆ ನಿನ್ನೊಂದಿಗೆ ಎಂದು ಧೈರ್ಯವನ್ನು ತುಂಬಲು ತನ್ನ ತಲೆ ಕೂದಲನ್ನು ಕೂಡ ತೆಗೆದಿದ್ದಾರೆ. ತಾಯಿ ತನ್ನ ತಲೆಕೂದಲನ್ನು ತೆಗೆಯುತ್ತಿರುವುದನ್ನು ಕಂಡ ಮಗಳು ಕಣ್ಣೀರು ಹಾಕುತ್ತಿದ್ದಾಳೆ.

ಈ ವೀಡಿಯೋವನ್ನು ಅಮೆರಿಕದ ಮಾಜಿ ಆಟಗಾರ ರೆಕ್ಸ್ ಚಾಪ್ಮನ್ ತಮ್ಮ ಟ್ವಿಟ್ಟರ್ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ. ತಾಯಿ-ಮಗಳ ಭಾವನಾತ್ಮಕವಾದ ಈ ವೀಡಿಯೋಗೆ ಜನರು ಮೆಚ್ಚಿ ತಾಯಿಯ ಮಮತೆಯನ್ನು ಕಂಡು ಕೊಂಡಾಡುತ್ತಿದ್ದಾರೆ.

Click to comment

Leave a Reply

Your email address will not be published. Required fields are marked *