Connect with us

Latest

ಬಡ ತಾಯಿಯಿಂದ 15 ಸಾವಿರ ರೂ. ಡೀಸೆಲ್ ಹಾಕಿಸಿಕೊಂಡ ಪೊಲೀಸರು

Published

on

– ಮಗಳನ್ನ ಹುಡುಕಿಕೊಡಿ ಎಂದು ಠಾಣೆ ಮುಂದೆ ತಾಯಿ ಕಣ್ಣೀರು
– ಡೀಸೆಲ್ ಹಾಕಿಸಿಕೊಂಡು ತಾಯಿಯನ್ನ ನಿಂದಿಸಿದ್ರು

ಲಕ್ನೋ: ಮಗಳನ್ನ ಹುಡುಕಿಕೊಡಿ ಎಂದು ಠಾಣೆಗೆ ಬಂದ ಮಹಿಳೆಯಿಂದ ಪೊಲೀಸರು 15 ಸಾವಿರ ರೂ. ಮೌಲ್ಯದಷ್ಟು ಡೀಸೆಲ್ ತುಂಬಿಸಿಕೊಂಡಿದ್ದಾರೆ.

ತಿಂಗಳ ಹಿಂದೆ ಠಾಣೆಗೆ ಬಂದ ಅಂಗವಿಕಲೆ ಗುಡಿಯಾ, ತನ್ನ ಅಪ್ರಾಪ್ತ ಮಗಳನ್ನ ಠಾಕೂರ್ ಎಂಬಾತ ಅಪಹರಿಸಿದ್ದಾನೆ ಎಂದು ದೂರು ದಾಖಲಿಸಿದ್ದರು. ದೂರಿನನ್ವಯ ಪ್ರಕರಣ ದಾಖಲಿಸಿಕೊಂಡ ಪೊಲೀಸರು, ತನಿಖೆಗೆ ತೆರಳಲು ತಮ್ಮ ವಾಹನಗಳಿಗೆ ಮಹಿಳೆ ಹಣದಿಂದ ಡೀಸೆಲ್ ತುಂಬಿಸಿಕೊಂಡಿದ್ದಾರೆ. ತಿಂಗಳಾದ್ರೂ ಮಗಳು ಪತ್ತೆಯಾಗದಿದ್ದಾಗ ಪ್ರಶ್ನೆ ಮಾಡಿದ್ದಕ್ಕೆ ಗುಡಿಯಾರನ್ನ ನಿಂದಿಸಿ, ಅವಮಾನಿಸಿದ್ದಾರೆ.

ಪೊಲೀಸರ ವರ್ತನೆಗೆ ಬೇಸತ್ತ ಗುಡಿಯಾ ಎಸ್‍ಪಿ ಕಚೇರಿಗೆ ತೆರಳಿ ದೂರು ಸಲ್ಲಿಸಿದ್ದಾರೆ. ಮಗಳ ಹುಡುಕಾಟಕ್ಕಾಗಿ ಪೊಲೀಸರ ವಾಹನಗಳಿಗೆ ಇಂಧನ ತುಂಬಿಸಲು 15 ಸಾವಿರ ರೂ. ಖರ್ಚು ಮಾಡಿದ್ದೇನೆ ಎಂದು ಗುಡಿಯಾ ಆರೋಪಿಸಿದ್ದಾರೆ.

ಈ ಕುರಿತು ಪ್ರತಿಕ್ರಿಯಿಸಿರುವ ಎಸ್‍ಪಿ ಬ್ರಜೇಶ್ ಕುಮಾರ್ ಶ್ರೀವಾಸ್ತವ್, ಮಹಿಳೆಯ ಮಗಳನ್ನ ಪತ್ತೆ ಮಾಡುವಂತೆ ಆದೇಶಿಸಲಾಗಿದೆ. ಹಾಗೆ ಪ್ರಕರಣ ದಾಖಲಿಸಿಕೊಂಡು ಬೇಜಾವಾಬ್ದಾರಿ ತೋರಿರುವ ಸಿಬ್ಬಂದಿ ವಿರುದ್ಧ ಕ್ರಮ ಕೈಗೊಳ್ಳಲಾಗುವುದು ಎಂದು ತಿಳಿಸಿದ್ದಾರೆ.

Click to comment

Leave a Reply

Your email address will not be published. Required fields are marked *