Friday, 23rd August 2019

Recent News

ನನ್ನ ವಾಂಟೆಡ್ ಪೋಸ್ಟರ್‌ಗೆ 15 ಸಾವಿರ ಲೈಕ್ ಕೊಡಿಸಿ – ಪೊಲೀಸರಿಗೆ ಆರೋಪಿ ಸವಾಲು

ವಾಷಿಂಗ್ಟನ್: ತನ್ನ ವಾಂಟೆಡ್ ಪೋಸ್ಟರ್‌ಗೆ 15 ಸಾವಿರ ಲೈಕ್ ಕೊಡಿಸಿ. ನಾನೇ ಬಂದು ಶರಣಾಗುತ್ತೇನೆ ಎಂದು ಆರೋಪಿಯೊಬ್ಬ ಪೊಲೀಸರಿಗೆ ಬೇಡಿಕೆ ಇಟ್ಟಿರುವ ವಿಚಿತ್ರ ಪ್ರಸಂಗವೊಂದು ಅಮೆರಿಕದಲ್ಲಿ ನಡೆದಿದೆ.

ಈ ಘಟನೆ ಟೊರಿಂಗ್ಟನ್ ಎಂಬ ನಗರದಲ್ಲಿ ನಡೆದಿದೆ. ಇಲ್ಲಿನ ಪೊಲೀಸರು ಆರೋಪಿಯನ್ನು ಬಂಧಿಸುವ ಸಲುವಾಗಿ ಜೋಸ್ ಸಿಮ್ಸ್ (29) ಆರೋಪಿಯ ವಾಂಟೆಡ್ ಪೋಸ್ಟರ್ ಅನ್ನು ತನ್ನ ಅಧಿಕೃತ ಫೇಸ್‍ಬುಕ್ ಖಾತೆಯಲ್ಲಿ ಹಂಚಿಕೊಂಡಿತ್ತು.

Regardless of the number of "Likes" this post receives, we will continue to utilize the resources we have available to…

Posted by City of Torrington Police Department on Wednesday, 22 May 2019

ಆದರೆ ಇದಕ್ಕೆ ಯಾರು ಕೂಡ ಲೈಕ್ ಮಾಡಿರಲಿಲ್ಲ. ಇದನ್ನು ಕಂಡ ಆರೋಪಿ ಜೋಸ್ ಸಿಮ್ಸ್ ಫೇಸ್‍ಬುಕ್ ಮೂಲಕವೇ ಟೊರಿಂಗ್ಟನ್ ಪೊಲೀಸರನ್ನು ಸಂಪರ್ಕಿಸಿ, ನನ್ನ ವಾಂಟೆಡ್ ಪೋಸ್ಟರ್‌ಗೆ ನೀವು 15 ಸಾವಿರ ಲೈಕ್ ಕೊಡಿಸಿದರೆ ನಾನೇ ಬಂದು ಶರಣಾಗುತ್ತೇನೆ ಎಂದು ಸವಾಲು ಹಾಕಿದ್ದಾನೆ.

ಇದಕ್ಕೆ ಒಪ್ಪಿಕೊಂಡಿರುವ ಟೊರಿಂಗ್ಟನ್ ಪೊಲೀಸರು ಮತ್ತೆ ತಮ್ಮ ಖಾತೆಯಲ್ಲಿ ಜೋಸ್ ಸಿಮ್ಸ್‍ನ ವಾಂಟೆಡ್ ಪೋಸ್ಟರ್ ಅನ್ನು ಹಾಕಿ ಇದಕ್ಕೆ ಸಾರ್ವಜನಿಕರು ಲೈಕ್ ಕೊಡಬೇಕು ಎಂದು ಮನವಿ ಮಾಡಿಕೊಂಡಿದ್ದಾರೆ. ಜೋಸ್ ವಿರುದ್ಧ ಏಳು ವಾರೆಂಟ್ ದಾಖಲಾಗಿದ್ದು, ಹಲವಾರು ಅಪಹರಣ ಪ್ರಕರಣಗಳಲ್ಲಿ ಭಾಗಿಯಾಗಿದ್ದಾನೆ.

ಈಗ ಜೋಸ್ ಸಿಮ್ಸ್ ವಾಂಟೆಡ್ ಪೋಸ್ಟರ್ ಗೆ 24 ಸಾವಿರ ಲೈಕ್ ಮತ್ತು 26 ಸಾವಿರ ಪ್ರತಿಕ್ರಿಯೆಗಳು ಬಂದಿದೆ. ಆದರೆ ಆರೋಪಿ ಇನ್ನೂ ಪೊಲೀಸರಿಗೆ ಶರಣಾಗಿಲ್ಲ. ಈ ಮಧ್ಯೆ ಕೆಲವರು ಅವನನ್ನು ಫೇಸ್‍ಬುಕ್ ಮೂಲಕ ಸಂಪರ್ಕಿಸಿದ್ದಾರೆ. ಈ ವೇಳೆ ಅವನು ನಾನೊಬ್ಬ ಪ್ರಚಾರಪ್ರಿಯ ಎಂದು ಹೇಳಿಕೊಂಡಿದ್ದಾನೆ.

Leave a Reply

Your email address will not be published. Required fields are marked *