Wednesday, 18th September 2019

Recent News

ಐ ಲವ್ ಯೂ: ಕೆಜಿಎಫ್ ನಂತರ ಪರಭಾಷೆಯಲ್ಲೂ ಕನ್ನಡದ ಅಬ್ಬರ!

ಬೆಂಗಳೂರು: ಯಶ್ ಅಭಿನಯದ ಕೆಜಿಎಫ್ ಚಿತ್ರ ಪರಭಾಷಾ ಚಿತ್ರರಂಗದ ಮಂದಿಯೂ ಕನ್ನಡ ಚಿತ್ರರಂಗದತ್ತ ಬೆರಗಿನಿಂದ ನೋಡುವಂತೆ ಮಾಡಿದೆ. ಹೀಗೆ ಪರಭಾಷೆಗಳಲ್ಲಿಯೂ ಹರಡಿಕೊಂಡಿರೋ ಕನ್ನಡ ಚಿತ್ರರಂಗದ ಘನತೆಯನ್ನು ಮುಂದುವರೆಸೋ ಇರಾದೆಯೊಂದಿಗೆ ಐ ಲವ್ ಯೂ ಚಿತ್ರ ಬಿಡುಗಡೆಗೆ ರೆಡಿಯಾಗಿದೆ. ಆರ್ ಚಂದ್ರು ಈ ದಿಸೆಯಲ್ಲಿ ಮಹತ್ವದ ಹೆಜ್ಜೆಯಿಟ್ಟಿದ್ದಾರೆ.

ಯಾವುದೇ ಚಿತ್ರ ಒಂದು ಭಾಷೆಯಲ್ಲಿ ರೆಡಿಯಾಗೋದೇ ಕಷ್ಟ. ಅಂಥಾದ್ದರಲ್ಲಿ ಎರಡೆರಡು ಭಾಷೆಗಳಲ್ಲಿ ಕನ್ನಡ ಚಿತ್ರವನ್ನು ರೂಪುಗೊಳ್ಳುವಂತೆ ಮಾಡೋದು ನಿಜಕ್ಕೂ ಸಾಹಸ. ಅಂಥಾ ಸಾಹಸವನ್ನು ದೊಡ್ಡ ಮಟ್ಟದ ರಿಸ್ಕನ್ನು ಮೈ ಮೇಲೆಳೆದುಕೊಂಡೇ ಆರ್ ಚಂದ್ರು ಮಾಡಿ ಮುಗಿಸಿದ್ದಾರೆ. ಹೇಳಿ ಕೇಳಿ ಈ ಲವ್ ಯೂ ಚಿತ್ರಕ್ಕೆ ನಿರ್ಮಾಪಕರೂ ಅವರೇ. ಆದರೆ ಈ ಎರಡು ಜವಾಬ್ದಾರಿಗಳ ನಡುವೆಯೂ ಈ ಚಿತ್ರವನ್ನವರು ಕನ್ನಡ ಮತ್ತು ತೆಲುಗು ಭಾಷೆಗಳಲ್ಲಿ ಸಿದ್ಧಗೊಳಿಸಿದ್ದಾರೆ.

 

ಈಗಾಗಲೇ ಈ ಚಿತ್ರ ತೆಲುಗಿನಲ್ಲಿಯೂ ಟಾಕ್ ಕ್ರಿಯೇಟ್ ಮಾಡಿದೆ. ಜೂನ್ 8ರಂದು ಐ ಲವ್ ಯೂ ಚಿತ್ರದ ತೆಲುಗು ಅವತರಣಿಕೆಯ ಆಡಿಯೋ ರಿಲೀಸ್ ಆಗಿದೆ. ವಿಶಾಖಪಟ್ಟಣಂನಲ್ಲಿ ನಡೆದ ಈ ಸಮಾರಂಭದಲ್ಲಿ ತೆಲುಗು ಮಾಧ್ಯಮ ಮಂದಿ ದೊಡ್ಡ ಸಂಖ್ಯೆಯಲ್ಲಿ ಹಾಜರಿದ್ದರು.

ಒಟ್ಟಾರೆಯಾಗಿ ಕನ್ನಡ ಚಿತ್ರವೊಂದು ತೆಲುಗು ಭಾಷೆಯಲ್ಲಿಯೂ ಬಿಡುಗಡೆಯಾಗುತ್ತಿರೋದು ಮತ್ತು ಆ ಚಿತ್ರದ ಬಗ್ಗೆ ಪರಭಾಷಾ ಪ್ರೇಕ್ಷಕರೂ ಆಕರ್ಷಿತರಾಗಿರೋದು ನಿಜಕ್ಕೂ ಸಕಾರಾತ್ಮಕ ಬೆಳವಣಿಗೆ. ತೆಲುಗು ನಾಡಿನಲ್ಲಿ ಐ ಲವ್ ಯೂ ಬಗ್ಗೆ ಹುಟ್ಟಿಕೊಂಡಿರೋ ಹವಾ ನೋಡಿದರೆ ಅಲ್ಲಿಯೂ ಚಂದ್ರು ಮತ್ತು ಉಪ್ಪಿ ಜೋಡಿ ಜಯಭೇರಿ ಭಾರಿಸುವ ಲಕ್ಷಣಗಳೇ ದಟ್ಟವಾಗಿವೆ.

Leave a Reply

Your email address will not be published. Required fields are marked *