Latest

ನಾನು ತಪ್ಪು ಮಾಡಿಲ್ಲ, ಇನ್ನೊಬ್ಬರ ಭಿಕ್ಷೆಯಲ್ಲಿ ಬದುಕಬೇಕಿಲ್ಲ: ಉಮಾಪತಿ

Published

on

ನಾನು ತಪ್ಪು ಮಾಡಿಲ್ಲ, ಇನ್ನೊಬ್ಬರ ಭಿಕ್ಷೆಯಲ್ಲಿ ಬದುಕಬೇಕಿಲ್ಲ: ಉಮಾಪತಿ
Share this

ಮೈಸೂರು: ನಾನು ತಪ್ಪು ಮಾಡಿಲ್ಲ, 2 ದಿನ ಟೈಮ್ ಬೇಕು ಅಂತಾ ಹೇಳಿದ್ದೇನೆ. ಪೊಲೀಸ್ ಠಾಣೆಗೆ ದೂರು ನೀಡಿದ್ದು, ತನಿಖೆ ನಡೆಯುತ್ತಿದೆ ಎಂದು ರಾಬರ್ಟ್ ಚಿತ್ರದ ನಿರ್ಮಾಪಕ ಉಮಾಪತಿ ಹೇಳಿದ್ದಾರೆ.

25 ಕೋಟಿ ರೂ. ವಂಚನೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ಪಬ್ಲಿಕ್ ಟಿವಿ ಜೊತೆ ಮಾತನಾಡಿದ ಅವರು, ಹರ್ಷ ನನಗೆ ಗೊತ್ತಿರುವ ಸ್ನೇಹಿತರಲ್ಲ. ನನಗೆ ದರ್ಶನ್ ಸರ್‍ರಿಂದ ಪರಿಚಯವಾಗಿದ್ದಾರೆ. ಶ್ಯೂರಿಟಿ ವಿಚಾರವಾಗಿ ನಾನು ದರ್ಶನ್ ಅವರು ಮಾತನಾಡಿಕೊಂಡು ದಾಖಲೆ ಪರಿಶೀಲನೆ ಮಾಡಲು ಮಹಿಳೆಯನ್ನು ಕರೆದಾಗ ಇದು ನಕಲಿ ಎನ್ನುವುದು ಗೊತ್ತಾಯಿತು. ಬಳಿಕ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದೇವೆ. ನಿನ್ನೆ ಕೆಲವು ಮಾಹಿತಿಗಳನ್ನು ಕೊಟ್ಟು ಬಂದಿದ್ದೇನೆ ಎಂದು ಉಮಾಪತಿ ತಿಳಿಸಿದರು. ಇದನ್ನೂ ಓದಿ:  ಯಾರನ್ನೂ ಬಿಡುವ ಪ್ರಶ್ನೆಯೇ ಇಲ್ಲ – ಗುಡುಗಿದ ದರ್ಶನ್

ನಾನು ತಪ್ಪು ಮಾಡಿಲ್ಲ, ನನಗೆ ಯಾರು ಟೈಮ್ ಕೊಡಬೇಕಿಲ್ಲ, 2 ದಿನ ಟೈಮ್ ಬೇಕು ಅಂತಾ ಹೇಳಿದ್ದೇನೆ. ಜಯನಗರ ಪೊಲೀಸ್ ಠಾಣೆಗೆ ದೂರು ನೀಡಿದ್ದು, ತನಿಖೆ ನಡೆಯುತ್ತಿದೆ. ಜನ ಸಾವಿರ ಹೇಳುತ್ತಾರೆ. ಆದರೆ ಪೊಲೀಸ್ ಇಲಾಖೆ ತೀರ್ಮಾನ ಮಾಡುತ್ತದೆ ಎಂದು ಹೇಳಿದರು.

ವಾಟ್ಸಾಪ್ ಚಾಟ್ ಅನ್ನು ನಾನು 17 ರಂದೇ ನಾನು ದರ್ಶನ್ ಸರ್‍ಗೆ ಕಳುಹಿಸಿದ್ದೇನೆ. ಹಾಗಾಗಿ ನಾನು ಕದ್ದು ಮುಚ್ಚಿ ಮಾಡೋದು ಏನಿದೆ? ನನಗೆ ಏನು ಗುಂಡಿಟ್ಟು ಸಾಯಿಸುತ್ತಾರಾ? ನಾನೇನು ಮಾಡಿದ್ದೇನೆ? ಕಾನೂನು ಇದೆ, ಭಗವಂತ ಇದ್ದಾನೆ. 24 ಗಂಟೆಯಲ್ಲಿ ಈವರೆಗೆ ಬಂದಿದೆ ಇನ್ನು ಉಳಿದದ್ದು ತನಿಖೆ ಮೂಲಕ ಬರುತ್ತದೆ ಎಂದು ತಿಳಿಸಿದರು.

ದರ್ಶನ್ ಸರ್ ನನ್ನ ಸ್ನೇಹ ಹಾಗೆ ಇದೆ. ನಿನ್ನೆಯಿಂದ ನಾವು ಸಂಪರ್ಕದಲ್ಲೇ ಇದ್ದೇವೆ. ಅವರು ನೇರವಾಗಿ ಮಾತನಾಡುತ್ತಾರೆ. ನನಗೆ ದೇವರು ಎಲ್ಲಾ ಕೊಟ್ಟಿದ್ದಾನೆ. ನಾನೇ ಕಾನೂನು ಮೂಲಕ ಹೋರಾಟ ಮಾಡಬೇಕು. ಇನ್ನೊಬ್ಬರ ಭಿಕ್ಷೆಯಲ್ಲಿ ನಾನು ಬದುಕಬೇಕಿಲ್ಲ. ನನಗೆ ಕುಡಿಯೋದು, ಪಬ್ ಚಟ ಇಲ್ಲ. ಈ ಪ್ರಕರಣದಲ್ಲಿ ನನ್ನ ಸಿಕ್ಕಿಸುವ ಪ್ರಯತ್ನ ನಡೆಸಲಾಗುತ್ತಿದೆ. ನನ್ನದೇನು ತಪ್ಪಿಲ್ಲ. ನಾವು ದೂರು ಕೊಟ್ಟಿದ್ದೇವೆ, ತನಿಖೆಯಲ್ಲಿ ಎಲ್ಲಾ ಬಯಲಾಗುತ್ತದೆ ಎಂದು ಹೇಳಿದ್ದಾರೆ.

ಸ್ಟೇಷನ್‍ಗೆ ಹೋದಾಗ ಮಹಿಳೆ ಕೂತಿದ್ದರು. ದರ್ಶನ್ ಸರ್ ಮುಂದೆ ಉಮಾಪತಿ ಮಾಡಿಸಿದ್ದು, ಅಂತಾ ಅರುಣಾ ಕುಮಾರಿ ಹೇಳಿದ್ದಾರೆ. ಆದರೆ ಇದನ್ನು ದರ್ಶನ್ ಸರ್ ನಂಬಿಲ್ಲ, ಇದನ್ನ ಸೂಕ್ಷ್ಮವಾಗಿ ಹ್ಯಾಂಡಲ್ ಮಾಡೋಣ ಎಂದು ದರ್ಶನ್ ಸರ್ ಹೇಳಿರುವುದಾಗಿ ತಿಳಿಸಿದರು.

Click to comment

Leave a Reply

Your email address will not be published. Required fields are marked *

Advertisement
Advertisement