Connect with us

Crime

ತಲೆಕೂದಲಿನಲ್ಲಿ ಡ್ರಗ್ಸ್ ಮರೆಮಾಚಿ ಸಾಗಿಸುತ್ತಿದ್ದ ಮಹಿಳೆ ಅರೆಸ್ಟ್!

Published

on

– ಮಹಿಳೆ ಸಿಕ್ಕಿಬಿದ್ದಿದ್ದು ಹೇಗೆ

ಉಜ್ಜಯಿನಿ: ಮಹಿಳೆಯೊಬ್ಬಳು ತನ್ನ ಕೂದಲಿನಲ್ಲಿ 200 ಗ್ರಾಂ ಡ್ರಗ್ಸ್ ಮರೆಮಾಚಿಕೊಂಡು ಸಾಗಿಸುತ್ತಿದ್ದ ವೇಳೆ ಪೊಲೀಸರಿಗೆ ಸಿಕ್ಕಿಬಿದ್ದಿರುವ ಘಟನೆ ಉಜ್ಜಯಿನಿಯಲ್ಲಿ ನಡೆದಿದೆ.

ಮಾದಕ ವಸ್ತುವನ್ನು ಸಾಗಿಸುತ್ತಿದ್ದ ಮಹಿಳೆಯನ್ನು ಕಾಂತಬಾಯಿ ಎಂದು ಗುರುತಿಸಲಾಗಿದೆ. ಮಾದಕ ವಸ್ತುವನ್ನು ತನ್ನ ಕೂದಲಿನಲ್ಲಿ ಮರೆ ಮಾಚಿ ಬೇರೆ ಕಡೆ ಸಾಗಿಸುತ್ತಿದ್ದ ವೇಳೆ ಪೊಲೀಸರಿಗೆ ಸಿಕ್ಕಿ ಬಿದ್ದಿದ್ದಾಳೆ.

200 ಗ್ರಾಂ ಮಾದಕ ವಸ್ತುಗಳನ್ನು ಮಹಿಳೆ ತನ್ನ ತಲೆ ಕೂದಲಿನಲ್ಲಿ ಮರೆಮಾಚಿಕೊಂಡು ಹೋಗುತ್ತಿರುವುದನ್ನು ಪತ್ತೆ ಮಾಡಿ ದೇವಾಸ್‍ಗೇಟ್‍ನಲ್ಲಿ ಬಂಧಿಸಿದ್ದೇವೆ. ಮಾದಕವಸ್ತುಗಳನ್ನು ಮರೆಮಾಚಲು ವಿಶಿಷ್ಟ ವಿಧಾನವನ್ನು ಮಹಿಳೆ ಅಳವಡಿಸಿಕೊಂಡಿದ್ದಾಳೆ. ಅವಳ ಹೇರ್‍ಪಿನ್‍ನಲ್ಲಿ ಬಟ್ಟೆಯ ಚೀಲದಲ್ಲಿ ಡ್ರಗ್ಸ್ ಇಟ್ಟು ಮರೆಮಾಡಿದ್ದಳು. ಆಗ ಪೊಲೀಸರ ಬಲೆಗೆ ಬಿದ್ದಿದ್ದಾಳೆ. ಮಹಿಳೆಗೆ ಮಾದಕವಸ್ತು ಮಾರಾಟ ಮಾಡಿದ ಮಾಂಡ್‍ಸೌರ್‍ನ ಮೌವಾರ್ ಗ್ರಾಮದ ವಂಚಕನನ್ನೂ ಬಂಧಿಸಿದ್ದೇವೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಮಹಿಳೆ ದೇವಾಸ್ಗೇಟ್ ಪ್ರದೇಶದಲ್ಲಿ ಮಾದಕ ವಸ್ತುಗಳನ್ನು ಮಾರಾಟ ಮಾಡುತ್ತಿದ್ದಳು. ಆಕೆಯ ಬಳಿಯಿಂದ 200 ಗ್ರಾಂ ಮಾದಕ ವಸ್ತುವನ್ನು ವಶಪಡಿಸಿಕೊಂಡಿದ್ದೇವೆ. ಅಂತಾರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಸುಮಾರು 20 ಲಕ್ಷ ರೂಪಾಯಿ ಬೆಲೆ ಬಾಳುತ್ತದೆ. ಮೂರು ವರ್ಷಗಳ ಹಿಂದೆ ಡ್ರಗ್ಸ್ ಮಾರಾಟ ಮಾಡಿದ ಪ್ರಕರಣದಲ್ಲಿ ಆರೋಪಿ ಮಹಿಳೆಯ ಮಗಳನ್ನು ಪೊಲೀಸರು ಬಂಧಿಸಿದ್ದಾರೆ ಎಂದು ಎಸ್‍ಟಿಎಫ್ ಟಿಐ ದೀಪಿಕಾ ಶಿಂಧೆ ತಿಳಿಸಿದ್ದಾರೆ.

Click to comment

Leave a Reply

Your email address will not be published. Required fields are marked *

www.publictv.in