Connect with us

Karnataka

ಚೊಚ್ಚಲ ಹೆರಿಗೆಯಲ್ಲಿ ನಾಲ್ಕು ಮಕ್ಕಳಿಗೆ ಜನ್ಮಕೊಟ್ಟ ಮಹಿಳೆ

Published

on

ತಿರುವನಂತಪುರಂ: ಚೊಚ್ಚಲ ಹೆರಿಗೆಯಲ್ಲಿ ನಾಲ್ಕು ಗಂಡು ಮಕ್ಕಳಿಗೆ ಜನ್ಮನೀಡಿ ಸುದ್ದಿಯಾಗಿರುವ ಘಟನೆ ಕೇರಳದ ಮಲಪ್ಪುರಂನಲ್ಲಿ ನಡೆದಿದೆ.

ಪಲಕ್ಕಾಡ್‍ನ ಛಲಾವರ ಮೂಲದ ದಂಪತಿ ಮುಸ್ತಫ ಮತ್ತು ಮಬೀನಾ ಅವರಿಗೆ ಚೊಚ್ಚಲ ಹೆರಿಗೆಯಲ್ಲಿ ನಾಲ್ಕು ಗಂಡು ಮಕ್ಕಳು ಜನಿಸಿವೆ. ಮಬೀನಾ ಕಳೆದ ವರ್ಷ ಮುಸ್ತಫ ಅವರನ್ನು ಮದುವೆಯಾಗಿದ್ದರು. ಗರ್ಭಿಣಿಯಾದ ಬಳಿಕ ವೈದ್ಯರಲ್ಲಿ ಹೋದಾಗ ಅವರು ನಿಮಗೆ ನಾಲ್ಕು ಮಕ್ಕಳು ಜನಿಸುತ್ತವೆ ಎಂದು ಹೇಳಿದ್ದರು.

ಮಬೀನಾಗೆ ಮಕ್ಕಳು ಅರೋಗ್ಯವಾಗಿ ಹುಟ್ಟಿದರೆ ಸಾಕು ಎನ್ನುವ ಭಯ ಇತ್ತು. ಗರ್ಭಧರಿಸಿದ ದಿನದಿಂದ ಮಹಿಳೆ ಪೆರಿಂಥಲ್ ಮನ್ನದ ಮೌಲಾನಾ ಆಸ್ಪತ್ರೆಗೆ ಸ್ತ್ರೀರೋಗತಜ್ಷರಾದ ಡಾ. ಅಬ್ದುಲ್ ವಾಹಾಬ್ ಅವರ ಬಳಿ ಚಿಕಿತ್ಸೆ ಪಡೆಯುತ್ತಿದ್ದರು.

8 ತಿಂಗಳ ನಂತರ ಸರ್ಜರಿ ಮೂಲಕವಾಗಿ ನಾಲ್ಕು ಮಕ್ಕಳಿಗೆ ಜನ್ಮ ನೀಡಿದ್ದಾರೆ. ನಾಲ್ಕು ಮಕ್ಕಳು 1.100 ರಿಂದ 1.600 ಗ್ರಾಂ ತೂಕವನ್ನು ಹೊಂದಿವೆ. ಮಕ್ಕಳು ಆರೋಗ್ಯವಾಗಿವೆ. ನವಜಾತ ಶಿಶುಗಳಾಗಿದ್ದರಿಂದ ಸಣ್ಣ ಪುಟ್ಟ ಚಿಕಿತ್ಸೆಯನ್ನು ನೀಡುತ್ತಿದ್ದೇವೆ ಎಂದು ವೈದ್ಯರು ತಿಳಿಸಿದ್ದಾರೆ.

Click to comment

Leave a Reply

Your email address will not be published. Required fields are marked *