Connect with us

Karnataka

2021ರ ಬಜೆಟ್ ನಂತರ ಸಿಗಲಿದೆ ರೈಲಿನಲ್ಲಿಯೂ ಆಹಾರ ಸೇವೆ

Published

on

ನವದೆಹಲಿ: ಮುಂಬರುವ 2021-2022 ಕೇಂದ್ರ ಬಜೆಟ್‍ನಲ್ಲಿ ರೈಲ್ವೆ ಸಚಿವಾಲಯವು ಐಆರ್ ಸಿಟಿಸಿ ಮೂಲಕ ಆದಾಯವನ್ನು ಮತ್ತಷ್ಟು ಕೆಲವು ವಿಚಾರಗಳನ್ನು ಪ್ರಸ್ತಾಪಿಸಬಹುದು. ಈ ಬಾರಿ ಭಾರತೀಯ ರೈಲ್ವೆಯು ಪ್ರವಾಸೋದ್ಯಮ ಮತ್ತು ಅಡುಗೆ ವಿಭಾಗವನ್ನು ಯೋಜಿಸುವುದರ ಮೂಲಕ ತನ್ನ ಆದಾಯವನ್ನು ಹೆಚ್ಚಿಸಿಕೊಳ್ಳಲು ಮತ್ತೊಂದು ಹೆಜ್ಜೆ ಮುಂದಿಡಲು ಸಜ್ಜಾಗಿದೆ.

ನೂತನ ಯೋಜನೆಯು ವಿಮಾನಯಾನದಲ್ಲಿ ದೊರೆಯುವ ಆಹಾರ ಸೇವೆಯ ರೀತಿ ರೈಲ್ವೆಯಲ್ಲಿಯೂ ಪ್ರಯಾಣಿಕರಿಗೆ ಸೇವಿಸಲು ಆಹಾರ ಸೇವೆ ಕಲ್ಪಸಿಕೊಡಲಾಗಿದೆ. ಈ ಯೋಜನೆಯನ್ನು ಕಾರ್ಯಗತಗೊಳಿಸಲು ಐಆರ್ ಸಿಟಿಸಿಯು, ಹಲ್ದಿರಾಮ್, ಐಟಿಸಿ, ಎಂಟಿಆರ್, ವಾಘ್ ಬಕ್ರಿ ಮತ್ತು ದೊಡ್ಡ ದೊಡ್ಡ ಆಹಾರ ಬ್ರಾಂಡ್ ಗಳ ಜೊತೆ ಕೈ ಜೋಡಿಸಲಿದೆ. ಒಮ್ಮೆ ಈ ಯೋಜನೆ ಕಾರ್ಯಗತಕ್ಕೆ ಬಂದರೆ ರೈಲಿನಲ್ಲಿ ಪ್ರಯಾಣಿಸುವ ಪ್ರಯಾಣಿಕರು ಹಲ್ದಿರಾಮ್, ಐಟಿಸಿ, ಎಂಟಿಆರ್, ವಾಘ್ ಬಕ್ರಿ ದೊಡ್ಡ ಆಹಾರ ಬ್ರಾಂಡ್ ಗಳನ್ನು ಸವಿದು ಆನಂದಿಸಬಹುದು.

ಈಗಾಗಲೇ ಕೋವಿಡ್-19 ನಿಂದ ಆಗಿರುವ ನಷ್ಟವನ್ನು ಸರಿದೂಗಿಸಲು ಭಾರತೀಯ ರೈಲ್ವೆ ಪ್ರವಾಸೋದ್ಯಮ ಮತ್ತು ಅಡುಗೆ ವ್ಯಾಪಾರವನ್ನು ಮಾಡುವ ಈ ಹೊಸ ಯೋಜನೆಯನ್ನು ಜಾರಿ ತರಲು ಮುಂದಾಗುತ್ತಿದೆ. ವಿಮಾನಯಾನದಲ್ಲಿ ಈಗಾಗಲೇ ಆಹಾರ ಸೇವೆ ಯೋಜನೆ ಯಶಸ್ವಿಯಾದ ಹಿನ್ನೆಲೆ ರೈಲ್ವೆಯಲ್ಲಿಯೂ ಈ ಮಾರ್ಗವನ್ನು ಅನುಸರಿಸಲು ಸರ್ಕಾರ ಜಾರಿಗೆ ತರಲಿದೆ. ಈ ಯೋಜನೆಯನ್ನು ಶೀಘ್ರದಲ್ಲಿ ರೈಲ್ವೆ ಸಚಿವರು ಜಾರಿಗೆ ತರಲಿದ್ದಾರೆ ಎಂದು ವರದಿಯಾಗಿದೆ.

ಈ ಯೋಜನೆಯನ್ನು ಅನುಷ್ಠಾನಗೊಳಿಸಿದ ಬಳಿಕ ಒಪ್ಪಂದದ ಮೂಲಕ ಪ್ಯಾಂಟ್ರಿ ವ್ಯವಸ್ಥೆಯನ್ನು ಹೊಂದಿರುವ ರೈಲುಗಳಲ್ಲಿ ಪ್ರಯಾಣಿಕರಿಗೆ ಸುರಕ್ಷಿತ ಆಹಾರ ಸೇವೆ ಒದಗಿಸುವ ಸಂಪೂರ್ಣ ಜವಾಬ್ದಾರಿಯನ್ನು ಐಆರ್ ಸಿಟಿಸಿ ವಹಿಸಿದೆ.

Click to comment

Leave a Reply

Your email address will not be published. Required fields are marked *

www.publictv.in