Thursday, 25th April 2019

Recent News

ತಮಾಷೆ ಮಾಡಲು ಹೋಗಿ ತಾನೇ ಸಿಲುಕಿಕೊಂಡ ಸನ್ನಿ ಲಿಯೋನ್: ವಿಡಿಯೋ ನೋಡಿ

ತಿರುವನಂತಪುರಂ: ಬಾಲಿವುಡ್ ಬೆಡಗಿ ಸನ್ನಿ ಲಿಯೋನ್ ತನ್ನ ಚಿತ್ರತಂಡದ ಜೊತೆ ತಮಾಷೆ ಮಾಡಲು ಹೋಗಿ ತಾವೇ ಸಿಕ್ಕಿ ಹಾಕಿಕೊಂಡಿದ್ದಾರೆ. ಸ್ವತಃ ಸನ್ನಿ ಲಿಯೋನ್ ತಾವು ಪ್ರ್ಯಾಂಕ್‍ಗೆ ಒಳಗಾದ ವಿಡಿಯೋವನ್ನು ಇನ್‍ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿದ್ದಾರೆ.

ಸನ್ನಿ ಲಿಯೋನ್ ತನ್ನ ಚಿತ್ರತಂಡದ ಜೊತೆ ಖುಷಿಯ ಕ್ಷಣಗಳನ್ನು ಕಳೆಯುತ್ತಿದ್ದರು. ಈ ವೇಳೆ ಅವರು ತನ್ನ ಸಹೋದ್ಯೋಗಿ ಹಾಗೂ ಮೇಕಪ್ ಆರ್ಟಿಸ್ಟ್ ಗಳನ್ನು ತಮಾಷೆ ಮಾಡಲು ಹೋಗಿದ್ದಾರೆ. ಸನ್ನಿ ಸ್ವಿಮ್ಮಿಂಗ್ ಪೂಲ್ ಬಳಿ ಹೋಗಿ ಚಿತ್ರತಂಡದ ಜೊತೆ ಡ್ಯಾನ್ಸ್ ಮಾಡುತ್ತಿದ್ದರು. ಡ್ಯಾನ್ಸ್ ಮಾಡುತ್ತಿದ್ದಂತೆಯೇ ಅವರು ತನ್ನ ಸ್ನೇಹಿತನನ್ನು ಸ್ವಿಮ್ಮಿಂಗ್ ಪೂಲ್‍ಗೆ ತಳ್ಳಿದ್ದಾರೆ. ಇದನ್ನು ಗಮನಿಸಿದ ಮತ್ತೊಬ್ಬ ಸ್ನೇಹಿತ ಸನ್ನಿ ಅವರನ್ನೇ ಸ್ವಿಮ್ಮಿಂಗ್ ಪೂಲ್‍ಗೆ ತಳ್ಳಿದ್ದಾರೆ. ಈ ಮಸ್ತಿಯ ವಿಡಿಯೋವನ್ನು ಸನ್ನಿ ತಮ್ಮ ಇನ್‍ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿದ್ದಾರೆ.

ಇತ್ತೀಚೆಗೆ ಸನ್ನಿ ಲಿಯೋನ್ ರಂಗೀಲಾ ಚಿತ್ರದ ಚಿತ್ರೀಕರಣದ ವೇಳೆ ಚಿತ್ರತಂಡದ ಜೊತೆ ಡ್ಯಾನ್ಸ್ ಮಾಡಿದ್ದರು. 90ರ ದಶಕದಲ್ಲಿ ನಟ ಗೋವಿಂದ ಹಾಗೂ ನಟಿ ಕರಿಷ್ಮಾ ಕಪೂರ್ ನಟಿಸಿದ `ಕೂಲಿ ನಂ 1′ ಚಿತ್ರದ `ಅ ಜಾನಾ ಅ ಜಾನಾ’ ಹಾಡಿಗೆ ಹೆಜ್ಜೆ ಹಾಕಿದ್ದರು. ಸನ್ನಿ ತಾವು ಚಿತ್ರತಂಡದ ಜೊತೆ ಡ್ಯಾನ್ಸ್ ಮಾಡಿರುವ ವಿಡಿಯೋವನ್ನು ತಮ್ಮ ಇನ್‍ಸ್ಟಾಗ್ರಾಂನಲ್ಲಿ ಹಂಚಿಕೊಂಡು ಅದಕ್ಕೆ, “ತಂಡದ ಜೊತೆ ದಿನಕ್ಕೆ ಸ್ವಲ್ಪವಾದರೂ ಮಸ್ತಿ ಮಾಡಲೇಬೇಕು” ಎಂದು ಬರೆದು ಪೋಸ್ಟ್ ಮಾಡಿದ್ದರು.

ಸನ್ನಿ ಲಿಯೋನ್ ಮಾಲಿವುಡ್ ಚಿತ್ರರಂಗಕ್ಕೆ ಎಂಟ್ರಿ ಕೊಟ್ಟಿದ್ದಾರೆ. ಈಗಾಗಲೇ ಸನ್ನಿ ಮಲಯಾಳಂ ನಟ ಮಮ್ಮುಟಿ ನಟಿಸಿದ `ಮಧುರ ರಾಜ’ ಚಿತ್ರದ ಹಾಡೊಂದರಲ್ಲಿ ಹೆಜ್ಜೆ ಹಾಕಿದ್ದಾರೆ. ಈಗ ಸನ್ನಿ ಸಂತೋಷ್ ನಾಯರ್ ನಿರ್ದೇಶಿಸುತ್ತಿರುವ `ರಂಗೀಲಾ’ ಚಿತ್ರದ ಚಿತ್ರೀಕರಣವನ್ನು ಶುರು ಮಾಡಿದ್ದಾರೆ. ರಂಗೀಲಾ ಚಿತ್ರದ ಶೂಟಿಂಗ್ ಗೋವಾದಲ್ಲಿ ನಡೆಯುತ್ತಿದೆ. ಈ ಚಿತ್ರದಲ್ಲಿ ಸಲೀಂ ಕುಮಾರ್, ಸುರಜ್ ವೆಂಜರಮ್ಮೂಡು, ರಮೇಶ್ ಪಿಶಾರೋಡಿ ಹಾಗೂ ಅಜು ವರ್ಗಿಸ್ ಪ್ರಮುಖ ಪಾತ್ರದಲ್ಲಿ ನಟಿಸುತ್ತಿದ್ದಾರೆ.

ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv , ಪಬ್ಲಿಕ್ ಟಿವಿ ಆ್ಯಪ್ ಡೌನ್‍ಲೋಡ್ ಮಾಡಿ: play.google.com/publictv

Leave a Reply

Your email address will not be published. Required fields are marked *