Connect with us

Bengaluru City

ನವರಾತ್ರಿ ಹಬ್ಬಕ್ಕೆ ನಮ್ಮ ಮನೆಗೆ ಹೊಸ ಅತಿಥಿಯ ಆಗಮನ – ಸುಂದರ್ ರಾಜ್

Published

on

ಬೆಂಗಳೂರು: ಮೇಘನಾರಾಜ್ ಗಂಡು ಮಗುವಿಗೆ ಜನ್ಮ ನೀಡಿದ್ದು ಮೇಘನಾ ತಂದೆ ಸುಂದರ್ ರಾಜ್ ಪಬ್ಲಿಕ್ ಟಿವಿ ಜೊತೆ ಸಂತಸ ಹಂಚಿಕೊಂಡಿದ್ದಾರೆ.

ತಾತನಾಗಿ ಬಡ್ತಿ ಸಿಕ್ಕಿರುವುದು ತುಂಬಾ ಸಂತೋಷವನ್ನು ತಂದಿದೆ. ಮೇಘನಾ ಇಂದು ಬೆಳಗ್ಗೆ 11 ಗಂಟೆ 7 ನಿಮಿಷಕ್ಕೆ ಗಂಡು ಮಗುವಿಗೆ ಜನ್ಮ ನೀಡಿದ್ದಾಳೆ. ಮೇಘನಾಗೆ ನಾರ್ಮಲ್ ಡೆಲಿವರಿಯಾಗಿದೆ. ನವರಾತ್ರಿ ಹಬ್ಬದ ದಿನ ನಮ್ಮ ಮನೆಗೆ ಹೊಸ ಅತಿಥಿಯ ಆಗಮನವಾಗಿದೆ. ಮಗು ನೋಡಲು ಚಿರುವಿನಂತೆ ಇದೆ. ತಾಯಿ ಮಗು ಇಬ್ಬರು ಆರೋಗ್ಯವಾಗಿದ್ದಾರೆ ಎಂದು ಸಂತೋಷ ವ್ಯಕ್ತಪಡಿಸಿದರು.

ನನಗೆ ನನ್ನ ಪತ್ನಿಗೆ ಅಜ್ಜಿ ತಾತನಾಗಿರುವ ಖುಷಿ ಒಂದೆಡೆಯಾದರೆ ಅರ್ಜುನ್ ಸರ್ಜಾ ಮತ್ತು ಅವರ ತಾಯಿಗೆ ಮರಿ ಮೊಮ್ಮಗನನ್ನು ನೋಡಿದ ಸಂತೋಷ. ಎರಡು ಕುಟುಂಬಕ್ಕೆ ಆಗಿರುವ ಖುಷಿಗಿಂತ ಮಿಗಿಲಾದದ್ದು ಕರ್ನಾಟಕ ಜನತೆ, ಪ್ರತಿಯೊಬ್ಬ ಹೆಣ್ಣು ಮಗಳು ಸಂಭ್ರಮಿಸುವ ದಿನವಾಗಿದೆ. ಎಲ್ಲಾ ತಂದೆ ತಾಯಿಯರ ಆಶಿರ್ವಾದ ನಮಗೆ ಬೇಕು ಎಂದು ಹೇಳಿದರು.

ಚಿರುಸರ್ಜಾ ಅಂತಿಮ ಯಾತ್ರೆಯಿಂದ ಇಲ್ಲಿಯವರೆಗೂ ಕನ್ನಡ ಜನತೆ ನಮ್ಮೊಂದಿಗೆ ತುಂಬಾ ಪ್ರೀತಿ ವಿಶ್ವಾಸದಿಂದ ಕಷ್ಟಕಾಲದಲ್ಲಿಯು ನಮ್ಮೊಂದಿಗೆ ನಿಂತುಕೊಂಡಿದ್ದಾರೆ. ಪ್ರತಿಯೊಬ್ಬರಿಗೂ ಧನ್ಯವಾದ ಹೇಳುತ್ತೇನೆ. ಈ ಸಮಯದಲ್ಲಿ ಚಿರು ಇಲ್ಲದಿರುವುದು ತುಂಬಾ ಬೇಸರದ ಸಂಗತಿ. ಆದರೆ ಜೀವನ ಮುಂದೆ ಸಾಗಬೇಕು. ನಮ್ಮ ಜನರ ಪ್ರೀತಿ ವಿಶ್ವಾಸದಿಂದ ಮಾತ್ರ ಅದು ಸಾಧ್ಯವಾಗಿದೆ ಮತ್ತು ಮುಂದೆಯೂ ಸಾಧ್ಯವಾಗುತ್ತದೆ ಎಂದು ಹೇಳಿದರು.

ಚಿರು ಕಳೆದುಕೊಂಡಾಗಿನಿಂದ ಯಾರೊಂದಿಗೂ ಮಾತನಾಡಿಲ್ಲ. ಇದೇ ಮೊದಲ ಬಾರಿಗೆ ಪಬ್ಲಿಕ್ ಟಿವಿಯೊಂದಿಗೆ ಮೊಮ್ಮಗ ಹುಟ್ಟಿರುವ ಸಂತೋಷವನ್ನು ಹಂಚಿಕೊಳ್ಳುತ್ತಿದ್ದೇನೆ ಎಂದು ಸುಂದರ್ ರಾಜ್ ಸಂತೋಷ ವ್ಯಕ್ತ ಪಡಿಸಿದರು.

Click to comment

Leave a Reply

Your email address will not be published. Required fields are marked *