ತುಮಕೂರು: ಹಾವು ಇನ್ನೊಂದು ಹಾವನ್ನು ನುಂಗಿರುವುದನ್ನು ಕೇಳಿರುವುದು, ನೋಡಿರುವುದು ತುಂಬಾ ಕಡಿಮೆ. ಆದರೆ ಅಂತಹ ಅಪರೂಪದ ಘಟನೆ ತುಮಕೂರಿನಲ್ಲಿ ನಡೆದಿದ್ದು, ಹಾವನ್ನೇ ಇನ್ನೊಂದು ಹಾವು ನುಂಗಿದೆ.
ತುಮಕೂರು ನಗರದ ಶಿರಾ ರಸ್ತೆಯ ಲಿಂಗಾಪುರ ಸರ್ವೀಸ್ ರಸ್ತೆಯಲ್ಲಿ ಘಟನೆ ನಡೆದಿದ್ದು, ಸುಮಾರು ಮೂರು ಅಡಿ ಉದ್ದದ ನಾಗರಹಾವು ನಾಲ್ಕು ಅಡಿ ಉದ್ದದ ಜೋರು ಪೋತ ಎನ್ನುವ ಹಾವನ್ನು ನುಂಗಿದ ಘಟನೆ ನಡೆದಿದೆ. ಇದನ್ನೂ ಓದಿ: ಮೇಕೆದಾಟು ಯೋಜನೆ ಸ್ಥಗಿತಗೊಂಡ್ರೆ ಕಾಂಗ್ರೆಸ್ ಪಕ್ಷದವರೇ ನೇರ ಹೊಣೆ: ಭೈರತಿ ಬಸವರಾಜ್
ವಿಷಯ ತಿಳಿದು ಸ್ಥಳಕ್ಕೆ ತಕ್ಷಣ ವಾರಂಗಲ್ ಸಂಸ್ಥೆಯ ದಿಲೀಪ್ ಬಂದಿದ್ದಾರೆ. ಎರಡು ಹಾವುಗಳನ್ನು ಸೂಕ್ಷ್ಮವಾಗಿ ಗಮನಿಸಿ ಸುರಕ್ಷಿತವಾಗಿ ಸೆರೆಹಿಡಿದಿದ್ದಾರೆ. ನಂತರ ಎರಡೂ ಹಾವುಗಳನ್ನು ಅರಣ್ಯಕ್ಕೆ ಬಿಟ್ಟಿದ್ದಾರೆ. ಈ ಅಪರೂಪದ ದೃಶ್ಯ ನೋಡಿದ ಗ್ರಾಮಸ್ಥರು ಅಚ್ಚರಿಗೊಂಡಿದ್ದು, ಏನಿದು ವಿಚಿತ್ರ ಎಂಬ ರೀತಿಯಲ್ಲಿ ಜನರು ಬೆರಗಾಗಿ ಈ ದೃಶ್ಯವನ್ನು ವೀಕ್ಷಿಸುತ್ತಿದ್ದರು.