Connect with us

Bollywood

ಬಾಲಿವುಡ್ ಮಿಷನ್ ಮಜ್ನು ಸೇರಿದ ಸಾನ್ವಿ ಟೀಚರ್

Published

on

ಬೆಂಗಳೂರು: ಕೊಡಗಿನ ಚೆಲುವೆ, ನ್ಯಾಷನಲ್ ಕ್ರಶ್ ರಶ್ಮಿಕಾ ಮಂದಣ್ಣ ಬಿಟೌನ್‍ಗೆ ಮಿಷನ್ ಮಜ್ನು ಮೂಲಕ ಎಂಟ್ರಿ ಕೊಡಲಿದ್ದಾರೆ. ಇಂದು ಚಿತ್ರದ ಫಸ್ಟ್ ಲುಕ್ ಔಟ್ ಆಗಿದ್ದು, ಸಿದ್ಧಾರ್ಥ ಮಲ್ಹೋತ್ರಾಗೆ ಸಾನ್ವಿ ಟೀಚರ್ ನಾಯಕಿಯಾಗಲಿದ್ದಾರೆ.

ಕಿರಿಕ್ ಪಾರ್ಟಿ ಮೂಲಕ ಕನ್ನಡಕ ತೊಟ್ಟು ಬಣ್ಣದ ದುನಿಯಾಗೆ ಬಂದ ಮುದ್ದು ಮುಖದ ರಶ್ಮಿಕಾ ಮಂದಣ್ಣ ಮುಟ್ಟಿದೆಲ್ಲಾ ಚಿನ್ನವಾಗ ತೊಡಗಿದೆ. ಕೇವಲ ಚಂದನವನ ಮಾತ್ರವಲ್ಲದೇ ಟಾಲಿವುಡ್ ನಲ್ಲಿ ಬೇಡಿಕೆಯ ನಟಿಯರಲ್ಲಿ ರಶ್ಮಿಕಾ ಮಂದಣ್ಣ ಸಹ ಒಬ್ಬರು. ಸಾಲು ಸಾಲು ಸಿನಿಮಾಗಳಲ್ಲಿ ಬ್ಯುಸಿಯಾಗಿರುವ ರಶ್ಮಿಕಾ ಬ್ಯಾಗ್ ನಲ್ಲಿ ಮಿಷನ್ ಮಜ್ನು ಸೇರಿಕೊಂಡಿದೆ. ಯಶ್ ರಾಜ್ ಫಿಲಂಸ್ ನಿರ್ಮಿಸುತ್ತಿರುವ ರ್ಯಾಪರ್ ಬಾದ್‍ಶಾ ಅಲ್ಬಂ ಹಾಡಿನಲ್ಲಿಯೂ ರಶ್ಮಿಕಾ ನಟಿಸಿದ್ದಾರೆ. ಹಾಡಿನ ಶೂಟಿಂಗ್ ಫೋಟೋಗಳು ಸೋಶಿಯಲ್ ಮೀಡಿಯಾದಲ್ಲಿ ಸೌಂಡ್ ಮಾಡುತ್ತಿವೆ.

1970ರಲ್ಲಿ ನಡೆದ ನೈಜ ಘಟನೆ ಆಧಾರಿತ ಸಿನಿಮಾ ಇದಾಗಿದ್ದು, ಶಾಂತೂನು ಬಾಗ್ಚಿ ಆ್ಯಕ್ಷನ್ ಕಟ್ ಹೇಳಲಿದ್ದಾರೆ. ರೊನ್ನಿ ಸ್ಕ್ರೀವಲ್, ಅಮರ್ ಬುಟಾಲಾ ಮತ್ತು ಗರಿಮಾ ಮೆಹ್ತಾ ನಿರ್ಮಾಣದಲ್ಲಿ ಮಿಷನ್ ಮಜ್ನು ಮೂಡಿ ಬರಲಿದೆ. ಸಿದ್ಧಾರ್ಥ್ ರಾ ಏಜೆಂಟ್ ಪಾತ್ರದಲ್ಲಿ ನಟಿಸಿದ್ದು, ಪಾಕಿಸ್ತಾನದಲ್ಲಿಯೂ ಚಿತ್ರೀಕರಣ ನಡೆಯಲಿದೆ. ಫೆಬ್ರವರಿಯಲ್ಲಿ ಶೂಟಿಂಗ್ ಆರಂಭವಾಗಲಿದೆ ಎಂದು ಚಿತ್ರತಂಡ ಹೇಳಿದೆ.

Click to comment

Leave a Reply

Your email address will not be published. Required fields are marked *

www.publictv.in