Connect with us

Cricket

‘ನೀನು ನನ್ನ ಪತ್ನಿಯಂತೆ’- ಮುರಳಿ ವಿಜಯ್ ಜೊತೆಗಿನ ಕೆಮಿಸ್ಟ್ರಿಗೆ ಧವನ್ ಪ್ರತಿಕ್ರಿಯೆ

Published

on

ನವದೆಹಲಿ: ಟೀಂ ಇಂಡಿಯಾ ಅನುಭವಿ ಆಟಗಾರ ಶಿಖರ್ ಧವರ್ ತಮ್ಮ ಹಾಸ್ಯ ಪ್ರವೃತ್ತಿ ಮೂಲಕವೇ ಇತರೇ ಆಟಗಾರರ ನೆಚ್ಚಿನ ಸ್ನೇಹಿತ ಎನಿಸಿಕೊಂಡಿದ್ದಾರೆ. ಡ್ರೆಸ್ಸಿಂಗ್ ರೂಮ್‍ನಲ್ಲೂ ಕೂಡ ಧವನ್ ತಮ್ಮ ಹಾಸ್ಯ ಪ್ರಜ್ಞೆಯೊಂದಿಗೆ ಆಟಗಾರರನ್ನು ಸದಾ ನಗಿಸುತ್ತಿರುತ್ತಾರೆ. ಇದೇ ರೀತಿ ಟೀಂ ಇಂಡಿಯಾ ಆಟಗಾರ ಮುರಳಿ ವಿಜಯ್‍ರೊಂದಿಗೆ ತಮಗಿರುವ ಸ್ನೇಹದ ಬಗ್ಗೆ ಪ್ರತಿಕ್ರಿಯೆ ನೀಡಿರುವ ಧವನ್,’ ನೀನು ನನ್ನ ಪತ್ನಿಯಂತೆ’ ಎಂದು ಹೇಳಿದ್ದಾರೆ.

ಸಾಮಾಜಿಕ ಜಾಲತಾಣ ಇನ್‍ಸ್ಟಾ ವೇದಿಕೆಯಾಗಿ ನಡೆದ ಸಂದರ್ಶನವೊಂದರಲ್ಲಿ ಆರ್.ಅಶ್ವಿನ್ ಬಳಿ ಶಿಖರ್ ಧವನ್ ಮಾತನಾಡುತ್ತಾ ಹಲವು ಸಂಗತಿಗಳ ಕುರಿತು ತಿಳಿಸಿದ್ದಾರೆ. ಇದೇ ವೇಳೆ ಮುರಳಿ ವಿಜಯ್‍ರೊಂದಿಗೆ ಇರುವ ಸ್ನೇಹದ ಬಗ್ಗೆಯೂ ಧವನ್ ಮಾತನಾಡಿದ್ದಾರೆ. 2013ರಲ್ಲಿ ಟೀಂ ಇಂಡಿಯಾ ಪರ ಟೆಸ್ಟ್ ಮಾದರಿಯ ಕ್ರಿಕೆಟ್‍ಗೆ ಪಾದಾರ್ಪಣೆ ಮಾಡಿದ್ದ ಧವನ್, ಮುರಳಿ ವಿಜಯ್‍ರೊಂದಿಗೆ ಪ್ರಾರಂಭಿಸಿದ್ದ ಇನ್ನಿಂಗ್ಸ್ ನಲ್ಲಿ 289 ರನ್ ಗಳಿಸಿದ್ದರು. ವಿಜಯ್‍ರೊಂದಿಗೆ ಇನ್ನಿಂಗ್ಸ್ ಆರಂಭಿಸುವುದು ಇಷ್ಟ. ಆತನೊಂದಿಗೆ ಮತ್ತೆ ಬ್ಯಾಟಿಂಗ್ ಮಾಡಲು ಎದುರು ನೋಡುತ್ತಿದ್ದೇನೆ ಎಂದು ಧವನ್ ಹೇಳಿದ್ದಾರೆ. ಅಂದಹಾಗೇ ಧವನ್-ವಿಜಯ್ ಜೋಡಿ 24 ಟೆಸ್ಟ್ ಪಂದ್ಯಗಳಲ್ಲಿ ಆರಂಭಿಕ ಜೋಡಿಯಾಗಿ ಕಣಕ್ಕೆ ಇಳಿದಿದೆ.

ಮುರಳಿ ವಿಜಯ್‍ರೊಂದಿಗೆ ನನಗೆ ಅತ್ಯುತ್ತಮ ಸ್ನೇಹ ಸಂಬಂಧವಿದೆ. ಆತ ತುಂಬಾ ಉತ್ತಮ ವ್ಯಕ್ತಿತ್ವ ಹೊಂದಿದ್ದು, ನನ್ನ ಪತ್ನಿಯಂತೆಯೇ ಅನ್ನಿಸುತ್ತದೆ. ಬ್ಯಾಟಿಂಗ್ ಮಾಡುವ ಸಂದರ್ಭದಲ್ಲಿ ವಿಕೆಟ್‍ಗಳ ನಡುವೆ ಓಡುವ ವಿಚಾರದಲ್ಲಿ ಜಗಳ ನಡೆಯುತ್ತದೆ. ಆದರೆ ಕೂಡಲೇ ನಾವು ಅದರಿಂದ ಹೊರ ಬರುತ್ತೇವೆ. ಸಹನೆ ಇದ್ದರೇ ಮಾತ್ರ ವಿಜಯ್‍ನನ್ನು ಆರ್ಥೈಸಿಕೊಳ್ಳಲು ಸಾಧ್ಯ ಎಂದು ಧವನ್ ವಿವರಿಸಿದ್ದಾರೆ.

2018ರ ಆಸ್ಟ್ರೇಲಿಯಾ ಟೂರ್ನಿಯಲ್ಲಿ ನೀರಸ ಪ್ರದರ್ಶನ ತೋರಿದ್ದ ಮುರಳಿ ವಿಜಯ್ ತಂಡದಲ್ಲಿ ಸ್ಥಾನ ಕಳೆದುಕೊಂಡಿದ್ದರು. ಆ ಬಳಿಕ ದೇಶೀಯ ಕ್ರಿಕೆಟ್, ಐಪಿಎಲ್‍ನಲ್ಲೂ ಹೇಳುಕೊಳ್ಳುವಂತಹ ಬ್ಯಾಟಿಂಗ್ ಪ್ರದರ್ಶನ ನೀಡಿಲ್ಲ. ಇತ್ತ ಧವನ್ ಕೂಡ ಕಳೆದ ವರ್ಷದಿಂದ ಗಾಯದ ಸಮಸ್ಯೆಯಿಂದ ಬಳಲುತ್ತಿದ್ದು, ಟೆಸ್ಟ್ ಮಾದರಿಯ ಕ್ರಿಕೆಟ್‍ನಿಂದ ದೂರವಾಗಿದ್ದಾರೆ. ಇನ್ನು ಟೀಂ ಇಂಡಿಯಾ ಪರ ಆರಂಭಿಕ ಆಟಗಾರರಾಗಿ ಕಣಕ್ಕೆ ಇಳಿಯಲು ಪೈಪೋಟಿ ನಡೆಯುತ್ತಿದ್ದು, ರೋಹಿತ್ ಶರ್ಮಾ ಯಶಸ್ವಿ ಆರಂಭಿಕ ಆಟಗಾರರಾಗಿ ಹೊರಹೊಮ್ಮುವುದರೊಂದಿಗೆ ಮಯಾಂಕ್, ಪೃಥ್ವಿ ಶಾ, ಶುಭ್‍ಮನ್ ಗಿಲ್‍ರಂತಹ ಯುವ ಆಟಗಾರರು ಧವನ್‍ರೊಂದಿಗೆ ಪೈಪೋಟಿ ನಡೆಸುತ್ತಿದ್ದಾರೆ.