Connect with us

Cinema

ಬಿಗ್‍ಬಾಸ್ ಮನೆಯಲ್ಲಿ ಶಮಂತ್, ಶುಭಾ ಬಳಸಿದ್ರಾ ಫೋನ್..?

Published

on

ಬಿಗ್‍ಬಾಸ್ ಮನೆ ಜಗಳ, ಟಾಸ್ಕ್, ಚಪಾತಿಗಾಗಿ ಗಲಾಟೆಯನ್ನು ನೋಡಿ ಬೇಸರಗೊಂಡ ವೀಕ್ಷಕರಿಗೆ ಶುಭಾ ಮತ್ತು ಶಮಂತ್ ಕ್ಯೂಟ್ ಆಗಿ ಮನರಂಜನೆಯನ್ನು ನೀಡಿದ್ದಾರೆ. ಬಿಗ್‍ಬಾಸ್ ಮನೆಯಲ್ಲಿ ಮೊಬೈಲ್‍ಗಳನ್ನು ತರಲು ಅನುಮತಿ ಇಲ್ಲ ಆದರೂ ಶಮಂತ್ ಮತ್ತು ಶುಭಾ ಫೋನ್‍ನಲ್ಲಿ ಮಾತನಾಡುವ ಮೂಲಕವಾಗಿ ಸುದ್ದಿಯಾಗಿದ್ದಾರೆ.

ಶಮಂತ್… ಅಲ್ಲಿಯೇ ಇದ್ದ ಶುಭಾ ಅವರಿಗೆ ಫೋನ್ ಮಾಡುವಂತೆ ನಟಿಸುತ್ತಾ..ನಾನು ನಿಮ್ಮ ಅಪ್ಪಟ ಅಭಿಮಾನಿ ಎಂದು ಹೇಳಿದ್ದಾರೆ. ಓ.. ಹೌದಾ ಹಾಗಾದ್ರೆ ನೀವು ನನ್ನ ಅಭಿಮಾನಿನಾ. ಜೋರಾಗಿ ಗಾಳಿ ಬೀಸಿ ಮಳೆ ಬರುವ ಹಾಗೇ ಮಾಡಿದ್ದೀರಾ. ಮಳೆಯನ್ನು ಸುರಿಸಿ ನಮಗೆ ಸಂತೋಷವಾಗುತ್ತದೆ ಎಂದು ಶುಭಾ ಹೇಳಿದ್ದಾರೆ. ಈ ವೇಳೆ ಹೌದಾ.. ನಾನು ಮಳೆಯನ್ನು ಸುರಿಸಿದರೆ ನನಗೆ ಏನನ್ನು ಕೋಡುತ್ತೀಯಾ ದೇವಿ ಎಂದು ಶಮಂತ್ ಕೇಳಿದಾಗ.. ಅಲ್ಲಿಯೇ ಇದ್ದ ಮಂಜು ನಾನು ನಾಮಿನೇಶನ್ ನಿಂದ ಪಾರು ಮಾಡುತ್ತೇನೆ ಎಂದು ಹೇಳಿ ತಮಾಷೆ ಮಾಡಿದ್ದಾರೆ.

ಮಳೆ ಬಂದರೆ ನಾನು ಹಣವನ್ನು ಕೋಡುತ್ತೇನೆ ಎಂದು ಶುಭಾ ಹೇಳಿದ್ದಾರೆ. ಹಾಗಾದ್ರೆ 10, 20 ಎಷ್ಟು ರೂಪಾಯಿಯ ಮಳೆ ಬೇಕು ಎಂದು ಶಮಂತ್ ಕೇಳಿದಾಗ.. ಶುಭಾ ನನಗೆ 120 ರೂಪಾಯಿ ಮಳೆ ಬೇಕು ನಾನು ನಿಮಗೆ ಹಣವನ್ನು ಗೂಗಲ್ ಪೇ ಮಾಡುತ್ತೇನೆ ಎಂದಿದ್ದಾರೆ. ನನ್ನ ಕ್ಯೂಆರ್ ಕೋಡ್ ಮೇಲೆ ಇದೆ.. ನಾನು ಮೂನ್ ಮೇಲೆ ಕ್ಯೂಆರ್ ಸ್ಟಿಕ್ಕರ್ ಹಾಕಿದ್ದೇನೆ. ಮೂನ್ ವಾಕಿಂಗ್ ಹೋಗಿದೆ, ಬಂದ ಮೇಲೆ ಹಣವನ್ನು ಕಳುಹಿಸು ಎಂದು ಶಮಂತ್ ಹೇಳಿದ್ದಾರೆ. ನಗುತ್ತಾ ಶುಭಾ ಆಯಿತು ಮಾಡುತ್ತೇನೆ ಎಂದು ಹೇಳಿದ್ದಾರೆ.

ನಿಮಗೆ ಇಲ್ಲಿಯಂತೂ ಹುಡುಗಿ ಸಿಗಲಿಲ್ಲ. ಅಲ್ಲಿ ಹೇಗಿದೆ ಎಂದು ಶುಭಾ ಕೇಳಿದಾಗ ಶಮಂತ್, ಇಲ್ಲ ನಮಗೆ ಬೇಡಾ ನಾವು ಹೊರಗಡೆ ಹೋಗಿ ಹುಡುಕಿಕೊಳ್ಳುತ್ತೇವೆ ಎಂದಿದ್ದಾರೆ. ಹಾಗಾದರೆ ನೀವು ಬಿಗ್‍ಬಾಸ್ ಮನೆಯಿಂದ ಹೊರಗೆ ಹೋಗಬೇಕು ಅಲ್ಲವೇ ಎಂದು ಕ್ಯೂಟ್ ಆಗಿ ಹೇಳುತ್ತಾ ತಮಾಷೆ ಮಾಡಿದ್ದಾರೆ.

ಟಾಸ್ಕ್ ಅಂತಾನೇ ದಿನ ಪೂರ್ತಿಯಾಗಿ ಕಳೆದ ಸ್ಪರ್ಧಿಗಳು ಮನರಂಜನೆಗಾಗಿ ಏನಾದರೂ ಮಾಡುತ್ತಲೇ ಇರುತ್ತಾರೆ. ಶಮಂತ್ ಮತ್ತು ಶುಭಾ ತಮ್ಮ ಕೈಗಳನ್ನು ಫೋನಿನಂತೆ ಹಿಡಿದು ಮಾತನಾಡುತ್ತಾ ಸಖತ್ ಮಜಾ ಕೊಟ್ಟಿದ್ದಾರೆ. ಶುಭಾ ಮನೆಯಲ್ಲಿರುವ ಅತ್ಯಂತ ಕ್ಯೂಟ್ ಮತ್ತು ಮುಗ್ಧ ಸ್ಪರ್ಧಿಯಾಗಿದ್ದಾರೆ. ಸದಾ ನಗುತ್ತಾ ಸಣ್ಣ ಮಕ್ಕಳಂತೆ ಬಿಗ್‍ಬಾಸ್ ಮನೆಯಲ್ಲಿ ಮನರಂಜನೆ ನೀಡುತ್ತಿದ್ದಾರೆ.

Click to comment

Leave a Reply

Your email address will not be published. Required fields are marked *