Connect with us

Cinema

ಹಿತವಾಗಿದೆ ‘ನಿನ್ನ ಸನಿಹಕೆ’ ಟೈಟಲ್ ಟ್ರ್ಯಾಕ್ – ಮತ್ತೆ ಮೋಡಿ ಮಾಡಿದ ರಘು ದೀಕ್ಷಿತ್ ಸಂಗೀತ

Published

on

ಒಂದೊಂದೇ ಹಾಡುಗಳ ಮೂಲಕ ಎಲ್ಲರ ಮನಸ್ಸಿಗೂ ಹತ್ತಿರವಾಗುತ್ತಿರುವ ಬಹು ನಿರೀಕ್ಷಿತ ಚಿತ್ರ ‘ನಿನ್ನ ಸನಿಹಕೆ’. ಇದೀಗ ಚಿತ್ರತಂಡ ಮತ್ತೊಂದು ಮೆಲೋಡಿ ಹಾಡನ್ನು ಬಿಡುಗಡೆ ಮಾಡಿ ಕೇಳುಗ ಪ್ರಿಯರ ಮನಸೂರೆ ಮಾಡಿದೆ. ಚಿತ್ರದ ನಿನ್ನ ಸನಿಹಕೆ ಟೈಟಲ್ ವಿಡಿಯೋ ಹಾಡು ಬಿಡುಗಡೆಯಾಗಿ ಎಲ್ಲರ ಮನಸೂರೆಗೊಳ್ಳುತ್ತಿದೆ.

ರಘು ದೀಕ್ಷಿತ್ ಮ್ಯೂಸಿಕ್ ಮ್ಯಾಜಿಕ್‍ನಲ್ಲಿ ಅರಳಿರೋ ನಿನ್ನ ಸನಿಹಕೆ ಟೈಟಲ್ ಟ್ರ್ಯಾಕ್ ಕೇಳುಗರ ಮನಸ್ಸಿಗೆ ಬಹಳ ಹತ್ತಿರವಾಗಿದ್ದು, ಸಿನಿಮಾಟೋಗ್ರಾಫರ್ ಅಭಿಲಾಶ್ ಕಲತಿ ಅಷ್ಟೇ ಸುಂದರವಾಗಿ ಹಾಡನ್ನು ಸೆರೆ ಹಿಡಿದಿದ್ದಾರೆ. ವಾಸುಕಿ ವೈಭವ್ ಸಾಹಿತ್ಯ ಕೃಷಿಯಲ್ಲಿ ಅರಳಿರುವ ಈ ಹಾಡಿಗೆ ಸಂಜಿತ್ ಹೆಗ್ಡೆ, ಶೃತಿ.ವಿ.ಎಸ್ ದನಿಯಾಗಿದ್ದಾರೆ.

ಈಗಾಗಲೇ ಬಿಡುಗಡೆಯಾಗಿರುವ ಈ ಚಿತ್ರದ ಎರಡೂ ಹಾಡುಗಳು ಸೂಪರ್ ಹಿಟ್ ಆಗಿದ್ದು, ಟೈಟಲ್ ಟ್ರ್ಯಾಕ್ ಕೂಡ ಎಲ್ಲರ ಗಮನ ಸೆಳೆಯುತ್ತಿದೆ. ಲವ್ ಮಾಕ್ಟೇಲ್ ಚಿತ್ರದಲ್ಲಿ ಒಂದಕ್ಕಿಂತ ಒಂದು ಹಿಟ್ ಸಾಂಗ್ ನೀಡಿ ಕಮಾಲ್ ಮಾಡಿದ್ದ ಸಂಗೀತ ನಿರ್ದೇಶಕ ರಘು ದೀಕ್ಷಿತ್ ನಿನ್ನ ಸನಿಹಕೆ ಚಿತ್ರದ ಮೂಲಕ ಮತ್ತೊಂದು ಸೂಪರ್ ಡೂಪರ್ ಆಲ್ಬಂ ನೀಡೋದ್ರಲ್ಲಿ ಡೌಟೇ ಇಲ್ಲ ಎನ್ನುವಷ್ಟರ ಮಟ್ಟಿಗೆ ಹಾಡುಗಳು ಸೊಗಸಾಗಿ ಮೂಡಿ ಬರುತ್ತಿವೆ.

‘ನಿನ್ನ ಸನಿಹಕೆ’ ರೋಮ್ಯಾಂಟಿಕ್ ಕಾಮಿಡಿ ಸಿನಿಮಾವಾಗಿದ್ದು, ಈ ಚಿತ್ರದ ಮೂಲಕ ನಟ ಸೂರಜ್ ಗೌಡ ನಟನೆ ಜೊತೆ ಸಿನಿಮಾ ನಿರ್ದೇಶಕನಾಗಿಯೂ ಬಡ್ತಿಪಡೆಯುತ್ತಿದ್ದಾರೆ. ಸೂರಜ್ ಗೌಡ ಜೋಡಿಯಾಗಿ ಧನ್ಯ ರಾಮ್‍ಕುಮಾರ್ ಸ್ಕ್ರೀನ್ ಶೇರ್ ಮಾಡಿದ್ದಾರೆ.

ವೈಟ್ ಅಂಡ್ ಗ್ರೇ ಪಿಕ್ಷರ್ಸ್ ಬ್ಯಾನರ್‍ನಡಿ ಅಕ್ಷಯ್ ರಾಜ್ ಶೇಖರ್, ರಂಗನಾಥ್ ಕುಡ್ಲಿ ‘ನಿನ್ನ ಸನಿಹಕೆ’ ಚಿತ್ರಕ್ಕೆ ಬಂಡವಾಳ ಹೂಡಿದ್ದಾರೆ.

Click to comment

Leave a Reply

Your email address will not be published. Required fields are marked *