Monday, 22nd April 2019

Recent News

ಆರ್‌ಸಿಬಿ ಸೋತ್ರೂ ಲವ್ವಲ್ಲಿ ಕಪ್ ನಮ್ದೇ ಅಂತು ಪಡ್ಡೆಹುಲಿ!

ಕೆಲ ದಿನಗಳ ಹಿಂದಷ್ಟೇ ಪಡ್ಡೆ ಹುಲಿ ಚಿತ್ರದ ಹಾಡುಗಳ ಜ್ಯೂಕ್ ಬಾಕ್ಸ್ ಬಿಡುಗಡೆಯಾಗಿದೆ. ಪ್ರೇಕ್ಷಕರು ಅಷ್ಟೂ ಹಾಡುಗಳನ್ನ ಒಟ್ಟೊಟ್ಟಿಗೇ ಕೇಳಿ ಸಂಭ್ರಮಿಸುತ್ತಾ ಪಡ್ಡೆಹುಲಿಯನ್ನು ಟ್ರೆಂಡಿಂಗ್ ನಲ್ಲಿಟ್ಟಿದ್ದಾರೆ. ಈ ಜ್ಯೂಕ್ ಬಾಕ್ಸ್ ನಲ್ಲಿ ಬರೋಬ್ಬರಿ ಹತ್ತು ಹಾಡುಗಳಿವೆ. ಅದಾಗಲೇ ಅದಕ್ಕೆ ಮತ್ತೊಂದು ಹಾಡನ್ನು ಚಿತ್ರತಂಡ ಸೇರಿಸಿ ಬಿಟ್ಟಿದೆ!

ಗುರುದೇಶಪಾಂಡೆ ನಿರ್ದೇಶನದ ಪಡ್ಡೆಹುಲಿಗೆ ನೆನ್ನೆ ನಡೆದ ಐಪಿಎಲ್ ಲೀಗ್ ನಲ್ಲಿ ಆರ್‌ಸಿಬಿ ಸೋತು ಸುಣ್ಣವಾಗಿದ್ದೇ ಸ್ಫೂರ್ತಿಯಾಗಿ ಹೊಸ ಹಾಡೊಂದನ್ನು ರೂಪಿಸಲಾಗಿದೆ. ಈ ಹಾಡು ಇದೀಗ ಭರ್ಜರಿಯಾಗಿಯೇ ಬಿಡುಗಡೆಯಾಗಿದೆ.

ಐಪಿಎಲ್ ಹೋಗಲಿ ಆರ್‌ಸಿಬಿ ಬೀಳಲಿ ಈ ಸಲ ಲವ್ವಲ್ಲಿ ಕಪ್ ನಮ್ದೆ… ಎಂಬ ವೀಡಿಯೋ ಹಾಡೀಗ ಬಿಡುಗಡೆಯಾಗಿದೆ. ಚೂರ್ ಚೂರಾಗಿದೆ ಅನ್ನೋ ಶೀರ್ಷಿಕೆಯ ಈ ಹಾಡಿಗೆ ಅಜನೀಶ್ ಲೋಕನಾಥ್ ಸಂಗೀತ ಸಂಯೋಜನೆ ಮಾಡಿದ್ದಾರೆ. ಅಜನೀಶ್ ಮತ್ತು ಸಿಆರ್ ಬಾಬ್ಬಿ ಈ ಹಾಡನ್ನು ಹಾಡಿದ್ದಾರೆ.

ಎನರ್ಜಿಟಿಕ್ ಆಗಿ ಮೂಡಿ ಬಂದಿರೋ ಈ ವೀಡಿಯೋ ಸಾಂಗ್ ನಲ್ಲಿ ನಾಯಕ ಶ್ರೇಯಸ್ ಕೂಡಾ ಎಂದಿನಂತೆ ಎನರ್ಜಿಟಿಕ್ ಆಗಿಯೇ ಸ್ಟೆಪ್ಸ್ ಹಾಕಿದ್ದಾರೆ. ಸಮ್ಮೋಹಕವಾಗಿ ಮೂಡಿ ಬಂದಿರೋ ಈ ಹಾಡಿಗೆ ನೃತ್ಯ ಸಂಯೋಜನೆ ಮಾಡಿರುವವರು ಜಾನಿ ಮಾಸ್ಟರ್. ರಾಜಕುಮಾರ ಚಿತ್ರದ ಅಪ್ಪು ಡ್ಯಾನ್ಸ್ ಮತ್ತು ನಟಸಾರ್ವಭೌಮ ಚಿತ್ರದ ಓಪನ್ ದ ಬಾಟಲ್ ಮುಂತಾದ ಹಿಟ್ ಹಾಡುಗಳಿಗೆ ನೃತ್ಯ ಸಂಯೋಜನೆ ಮಾಡಿದ್ದು ಇದೇ ಜಾನಿ ಮಾಸ್ಟರ್. ಅಲ್ಲು ಅರ್ಜುನ್, ಪ್ರಭಾಸ್ ಮುಂತಾದವರ ಚಿತ್ರಗಳಿಗೂ ನೃತ್ಯ ಸಂಯೋಜನೆ ಮಾಡಿ ದಕ್ಷಿಣ ಭಾರತೀಯ ಚಿತ್ರರಂಗದಲ್ಲಿ ಬಹು ಬೇಡಿಕೆ ಹೊಂದಿರೋ ಜಾನಿ ಮಾಸ್ಟರ್ ಪಡ್ಡೆಹುಲಿ ಹಾಡಿಗೆ ಚೆಂದದ ನೃತ್ಯ ಸಂಯೋಜನೆ ಮಾಡಿದ್ದಾರೆ.

ಇಂದು ಹನ್ನೊಂದು ಘಂಟೆಗೆ ಬಿಡುಗಡೆಯಾಗಿರೋ ಈ ಹಾಡೂ ಕೂಡಾ ಪಡ್ಡೆಹುಲಿಯ ಹಿಟ್ ಲಿಸ್ಟಿಗೆ ಸೇರಿಕೊಳ್ಳಲಿರೋದು ಪಕ್ಕಾ. ಇದೀಗ ಎಲ್ಲೆಡೆ ಐಪಿಎಲ್ ಜ್ವರ ಏರಿಕೊಂಡಿದೆ. ಆರ್‍ಸಿಬಿ ಸೋತಿರೋದು ಎಲ್ಲರಿಗೂ ನಿರಾಸೆ ತಂದಿದೆ. ಇದೇ ಹೊತ್ತಿನಲ್ಲಿ ಬಿಡುಗಡೆಯಾಗಿರೋ ಈ ಹಾಡು ಪಡ್ಡೆಹುಲಿಯನ್ನು ಮತ್ತಷ್ಟು ಜನರಿಗೆ ತಲುಪಿಸೋದರಲ್ಲಿ ಯಾವುದೇ ಸಂಶಯಗಳಿಲ್ಲ.

Leave a Reply

Your email address will not be published. Required fields are marked *