Connect with us

Bengaluru City

‘ಕಿಚ್ಚ’ ಅನ್ನೋ ಗುರುತು ನೀವು ಕೊಟ್ಟ ಗಿಫ್ಟ್, ಕೊನೆವರೆಗೂ ಕಾಪಾಡಿಕೊಳ್ತೀನಿ: ಸುದೀಪ್

Published

on

– ಅಭಿಮಾನಿಗಳಿಗೆ ಅಭಿನಯ ಚಕ್ರವರ್ತಿ ಧನ್ಯವಾದ

ಬೆಂಗಳೂರು: ಸ್ಯಾಂಡಲ್‍ವುಡ್ ಅಭಿನಯ ಚಕ್ರವರ್ತಿ ಸುದೀಪ್ ಅವರು ಇಂದು ತಮ್ಮ ಅಭಿಮಾನಿಗಳಿಗೆ ಧನ್ಯವಾದ ತಿಳಿಸಿದ್ದಾರೆ.

ನಟನ ಅಭಿಮಾನಿಯೊಬ್ಬರು, ಸುದೀಪ್ ಅವರ ಫೋಟೋವೊಂದನ್ನು ಬ್ಲ್ಯಾಕ್ ಆ್ಯಂಡ್ ವೈಟ್ ಮಾಡಿ ಅದರ ಮೇಲೆ ‘ಕಿಚ್ಚ ಫಾರೆವರ್’ ಎಂದು ಇಂಗ್ಲಿಷ್ ನಲ್ಲಿ ಬರೆದುಕೊಂಡಿದ್ದಾರೆ. ಈ ಫೋಟೋವನ್ನು ಅಭಿಮಾನಿ ತಮ್ಮ ಟ್ವಿಟ್ಟರ್ ಅಕೌಂಟ್ ನಲ್ಲಿ ಅಪ್ಲೋಡ್ ಮಾಡಿಕೊಂಡು ಕಿಚ್ಚ ಸುದೀಪ್ ಅವರ ಹೊಸ ಪ್ರೊಫೈಲ್ ಫೋಟೋ ಎಂದು ಬರೆದುಕೊಂಡಿದ್ದಾನೆ.

ಈ ಟ್ವೀಟ್ ಅನ್ನು ಸಂತಸದಿಂದಲೇ ಶೇರ್ ಮಾಡಿಕೊಂಡಿರುವ ಸುದೀಪ್, ”ಹೌದು. ಕಿಚ್ಚ ಎನ್ನುವುದು ನನ್ನ ಗುರುತಾಗಿದ್ದು, ಈ ಗುರುತನ್ನು ನೀವೇ ನನಗೆ ಕೊಟ್ಟಿದ್ದೀರಿ. ಈ ಗಿಫ್ಟ್ ಅನ್ನು ಕೊನೆಯವರೆಗೂ ಕಾಪಾಡಿಕೊಳ್ಳುತ್ತೇನೆ. ನೀವೆಲ್ಲ ನನ್ನನ್ನು ಕಿಚ್ಚ ಎಂದು ಪ್ರೀತಿಯಿಂದ ಕರೆಯುತ್ತಿದ್ದೀರಿ. ಹಾಗಾಗಿ ನಾನು ಕೂಡ ಕಿಚ್ಚನಾಗಿಯೇ ನಿಮ್ಮಲ್ಲರನ್ನೂ ಪ್ರೀತಿಸುತ್ತೇನೆ. ಹಾಗೆಯೇ ಈ ಪೋಸ್ಟರ್ ಡಿಸೈನ್ ಮಾಡಿದವರಿಗೆ ಧನ್ಯವಾದ” ಎಂದು ಬರೆದುಕೊಂಡಿದ್ದಾರೆ. ಅಲ್ಲದೆ ಅದೇ ಫೋಟೋವನ್ನು ತಮ್ಮ ಟ್ವಿಟ್ಟರ್ ಖಾತೆಯ ಪ್ರೊಫೈಲ್ ಫೋಟೋ ಆಗಿ ಮಾಡಿಕೊಂಡಿದ್ದಾರೆ.

ಸುದೀಪ್ ಅವರಿಗೆ ‘ಹುಚ್ಚ’ ಚಿತ್ರದ ‘ಕಿಚ್ಚ’ ಪಾತ್ರ ಕನ್ನಡ ಚಿತ್ರರಂಗದಲ್ಲಿ ಬಹುದೊಡ್ಡ ಜನಪ್ರಿಯತೆಯನ್ನು ತಂದುಕೊಟ್ಟಿತ್ತು. ಆ ಬಳಿಕ ‘ಕಿಚ್ಚ’ ಎಂಬ ಹೆಸರಿನ ಚಿತ್ರ ಕೂಡ ನಿರ್ಮಾಣವಾಯಿತು. ಬಳಿಕದಿಂದ ಸುದೀಪ್ ಕಿಚ್ಚ ಎಂಬ ಹೆಸರಿನಿಂದಲೇ ಪ್ರಸಿದ್ಧಿಯಾದರು. ಸದ್ಯ ಸುದೀಪ್ ತಮ್ಮ ‘ಫ್ಯಾಂಟಮ್’ ಚಿತ್ರದಲ್ಲಿ ಬ್ಯುಸಿಯಾಗಿದ್ದು, ಹೈದರಾಬಾದ್‍ನ ಅನ್ನಪೂರ್ಣ ಸ್ಟುಡಿಯೋದಲ್ಲಿ ಚಿತ್ರದ ಶೂಟಿಂಗ್ ನಡೆಯುತ್ತಿದೆ.

Click to comment

Leave a Reply

Your email address will not be published. Required fields are marked *