Connect with us

Corona

ದೆಹಲಿಯಲ್ಲಿ ಕೊರೊನಾ – ಮಾಸ್ಕ್ ದಂಡ 500 ರಿಂದ 2 ಸಾವಿರಕ್ಕೆ ಏರಿಕೆ

Published

on

ನವದೆಹಲಿ: ಕೊರೊನಾ ಪ್ರಕರಣಗಳ ಸಂಖ್ಯೆ ಹೆಚ್ಚಾಗುತ್ತಿರುವ ಹಿನ್ನೆಲೆ ದೆಹಲಿ ಸರ್ಕಾರ ಮಾಸ್ಕ್ ದಂಡವನ್ನು 500 ರೂಪಾಯಿಯಿಂದ 2 ಸಾವಿರಕ್ಕೆ ಏರಿಕೆ ಮಾಡಿದೆ. ಮುಖ್ಯಮಂತ್ರಿ ಅರವಿಂದ್ ಕೇಜ್ರಿವಾಲ್ ಅನಾವಶ್ಯಕವಾಗಿ ಮನೆಯಿಂದ ಹೊರ ಬಾರದಂತೆ ಮನವಿ ಮಾಡಿಕೊಂಡಿದ್ದಾರೆ.

ಘಠ ಪೂಜೆಯನ್ನ ದೆಹಲಿಯಲ್ಲಿ ಅದ್ಧೂರಿಯಾಗಿ ಮಾಡಲಾಗುತ್ತದೆ. ಆದ್ರೆ ಈ ವರ್ಷ ಕೊರೊನಾದಿಂದಾಗಿ ಜನರು ಮನೆಯಲ್ಲಿ ಘಠ ಪರ್ವವನ್ನ ಆಚರಿಸಿ. ಇದೊಂದು ಪವಿತ್ರ ಹಬ್ಬವಾಗಿದ್ದರೂ, ಮಹಾಮಾರಿ ಹಿನ್ನೆಲೆ ಎಲ್ಲರೂ ಅತ್ಯಂತ ಎಚ್ಚರಿಕೆಯಿಂದಿರಬೇಕು. ಸರ್ಕಾರದ ಆದೇಶದಲ್ಲಿ ಯಾರೂ ರಾಜಕೀಯ ಮಾಡಬಾರದು. ಹಬ್ಬದ ಆಚರಣೆಗೆ ಸರ್ಕಾರದಿಂದ ಯಾವುದೇ ತಡೆ ಇರಲ್ಲ. ಆದ್ರೆ ನದಿ ಅಥವಾ ಕೆರೆಗೆ ಇಳಿಯಲು ಅನುಮತಿ ಇರಲ್ಲ ಎಂದು ಸಿಎಂ ಅರವಿಂದ್ ಕೇಜ್ರಿವಾಲ್ ಹೇಳಿದ್ದಾರೆ.

ನವೆಂಬರ್ ನಲ್ಲಿಯೇ 1.16 ಲಕ್ಷಕ್ಕೂ ಅಧಿಕ ಕೊರೊನಾ ಪ್ರಕರಣಗಳು ವರದಿಯಾಗಿದೆ. 18 ದಿನದಲ್ಲಿ ಕೊರೊನಾದಿಂದ 1,318 ಸೋಂಕಿತರು ಸಾವನ್ನಪ್ಪಿದ್ದಾರೆ. ಕಳೆದ 24 ಗಂಟೆಯಲ್ಲಿ 7,486 ಹೊಸ ಪ್ರಕರಣಗಳು ಬಂದಿದ್ದು, 131 ಮಂದಿ ಸಾವನ್ನಪ್ಪಿದ್ದಾರೆ. ದೆಹಲಿಯಲ್ಲಿ ಒಟ್ಟು ಸೋಂಕಿತರ ಸಂಖ್ಯೆ 5,03,084ಕ್ಕೆ ಏರಿಕೆಯಾಗಿದೆ.

Click to comment

Leave a Reply

Your email address will not be published. Required fields are marked *