Connect with us

Crime

ಅಮ್ಮನ ಕತ್ತು ಹಿಸುಕಿ ಕೊಂದು, 118 ಬಾರಿ ಇರಿದ-ಪೊಲೀಸರಿಗೆ ಹೆಣ ಒಯ್ಯಲು ಬ್ಯಾಗ್ ತನ್ನಿ ಅಂದ!

Published

on

– ಮೂರು ತಿಂಗಳ ಬಳಿಕ ಮಗನ ಸಾವು
– ಪೊಲೀಸ್ರು ಬರೋವರೆಗೂ ಶವದ ಪಕ್ಕದಲ್ಲೇ ಕುಳಿತಿದ್ದ!

ಲಂಡನ್: 17 ವರ್ಷದ ಮಗ ತಾಯಿಯ ಕತ್ತು ಹಿಸುಕಿ ಕೊಂದ ನಂತರ ಚಾಕುವಿನಿಂದ 118 ಬಾರಿ ಇರಿದಿದ್ದಾನೆ. ಕೊಲೆ ಬಳಿಕ ಪೊಲೀಸರಿಗೆ ಕರೆ ಮಾಡಿ ನಾನು ನನ್ನ ತಾಯಿಯನ್ನ ಕೊಂದಿದ್ದೇನೆ. ಹೆಣ ತೆಗೆದುಕೊಂಡು ಹೋಗಲು ಬ್ಯಾಗ್ ತನ್ನಿ ಎಂದು ಹೇಳಿ ಅವರು ಬರೋವರೆಗೂ ಶವದ ಪಕ್ಕದಲ್ಲಿಯೇ ಕುಳಿತಿದ್ದ.

ಖಾಸಗಿ ಶಾಲೆ ಶಿಕ್ಷಕಿ ಜೋವಾನಾ ಥಾಮಪ್ಸನ್ (50), ಮಗ ರೊವನ್ ಥಾಮಪ್ಸನ್ ನಿಂದ ಕೊಲೆಯಾದ ಮಹಿಳೆ. ಈ ಕೊಲೆ ಅಕ್ಟೋಬರ್ 2019ರಂದು ನಡೆದಿದ್ದು, ಸೋಮವಾರ ಈ ಪ್ರಕರಣ ನ್ಯಾಯಾಲಯದಲ್ಲಿ ವಿಚಾರಣೆಗೆ ಬಂದಿತ್ತು. ಈ ವೇಳೆ ಪ್ರಕರಣಕ್ಕೆ ಸಂಬಂಧಿಸಿದ ಹಲವು ಸತ್ಯಗಳು ಹೊರ ಬಂದಿವೆ. ಇಂಗ್ಲೆಂಡ್ ನ ಹೈಂಪಶಾಯರ್ ನಲ್ಲಿ ಈ ಕೊಲೆ ನಡೆದಿತ್ತು. ಇನ್ನೂ ಮಗ ರೋವನ್ ಘಟನೆ ಬಳಿಕ ಮೂರು ತಿಂಗಳ ನಂತ್ರ ಅನಾರೋಗ್ಯದಿಂದ ಸಾವನ್ನಪ್ಪಿದ್ದಾನೆ.

ಅಂದು ನಡೆದಿದ್ದೇನು?: ಜೋವಾನಾ ಎಂದಿನಂತೆ ಬೆಳಗಿನ ವಾಕ್ ಮುಗಿಸಿ ಮನೆಗೆ ಹಿಂದಿರುಗಿ ಹಾಲ್ ನಲ್ಲಿ ವಿಶ್ರಾಂತಿ ಪಡೆದುಕೊಳ್ಳುತ್ತಿದ್ದರು. ತಂದೆಯ ಜೊತೆಯಲ್ಲಿದ್ದ ರೊವನ್ ಕೆಲ ದಿನಗಳ ಹಿಂದೆಯಷ್ಟೇ ತಾಯಿ ಬಳಿ ಬಂದಿದ್ದನು. ವಿಶ್ರಾಂತಿ ಪಡೆಯುತ್ತಿದ್ದ ತಾಯಿಯ ಕತ್ತು ಹಿಸುಕಿ ಕೊಲೆ ಮಾಡಿದ್ದಾನೆ. ನಂತ್ರ ಕಿಚನ್ ನಲ್ಲಿದ್ದ ವಿವಿಧ ಬಗೆಯ ಚಾಕುಗಳಿಂದ 118 ಬಾರಿ ಇರಿದಿದ್ದಾನೆ. ಕೊಲೆಯ ಬಳಿಕ ಪೊಲೀಸ್ ಸಹಾಯವಾಣಿಗೆ ಕರೆ ಮಾಡಿದ್ದ ರೊವನ್, ಇದೀಗ ನನ್ನ ತಾಯಿಯ ಕತ್ತು ಹಿಸುಕಿ, ಚಾಕುಗಳಿಂದ ಇರಿದು ಕೊಲೆ ಮಾಡಿದ್ದೇನೆ. ಶವ ತೆಗೆದುಕೊಂಡು ಹೋಗಲು ಬ್ಯಾಗ್ ಮತ್ತು ಅಂಬುಲೆನ್ಸ್ ಜೊತೆ ಬನ್ನಿ ಎಂದು ಮಾಹಿತಿ ನೀಡಿದ್ದಾನೆ.

ಘಟನಾ ಸ್ಥಳಕ್ಕೆ ಹೋದಾಗ ಶವದ ಪಕ್ಕದಲ್ಲಿಯೇ ರೊವನ್ ತುಂಬಾ ಶಾಂತನಾಗಿ ಕುಳಿತಿದ್ದನು. ತನಿಖೆ ವೇಳೆ ರೊವನ್ ಓರ್ವ ಮಾನಸಿಕ ರೋಗಿ ಎಂದು ತಿಳಿದು ಬಂದಿತ್ತು. ತಂದೆಯಿಂದ ಪ್ರತ್ಯೇಕವಾಗಿ ವಾಸಿಸುತ್ತಿದ್ದ ತಾಯಿಯನ್ನು ನೋಡಲು ರೊವನ್ ಬಂದಿದ್ದನು. ಇದಕ್ಕೂ ಮೊದಲು ಆತ ಮೆಂಟಲ್ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಸಹ ಪಡೆದುಕೊಂಡಿದ್ದನು ಎಂದು ತನಿಖಾಧಿಕಾರಿ ನ್ಯಾಯಾಲಯಕ್ಕೆ ತಿಳಿಸಿದ್ದಾರೆ.

 

Click to comment

Leave a Reply

Your email address will not be published. Required fields are marked *