Wednesday, 21st November 2018

Recent News

ಮೂಷಿಕ ವರ್ಸಸ್ ನಾಗರಾಜ: ಇಬ್ಬರ ನಡುವಿನ ಫೈಟ್ ನಲ್ಲಿ ಗೆದ್ದಿದ್ಯಾರು? ವಿಡಿಯೋ ನೋಡಿ

ಬೀಜಿಂಗ್: ಹಾವು ಮತ್ತು ಮಂಗೂಸಿ ಒಂದನ್ನೊಂದು ಕಂಡರೆ ಒಂದಕ್ಕೆ ಆಗುವುದಿಲ್ಲ ಎಂದು ಸಾಕಷ್ಟು ಕಥೆಗಳಲ್ಲಿ ಕೇಳಿದ್ದೇವೆ. ಇನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಮುಂಗೂಸಿ ಮತ್ತು ಹಾವುಗಳ ನಡುವೆಯ ರೋಚಕ ಕಾದಾಟವನ್ನು ನೋಡಿರುತ್ತೇವೆ. ಕಳೆದ ಒಂದು ವಾರದಿಂದ ಇಲಿ ಮತ್ತು ನಾಗರ ಹಾವಿನ ಮಧ್ಯೆ ಕಾದಾಟ ನಡೆದಿರುವ ವಿಡಿಯೋ ಫೇಸ್ ಬುಕ್, ಯೂಟ್ಯೂಬ್ ಸೇರಿದಂತೆ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ.

ಹೌದು, ಜುಲೈ 2 ರಂದು ಚೀನಾದ ಪುನಿಂಗ್ ಎಂಬಲ್ಲಿ ಈ ಘಟನೆ ನಡೆದಿದೆ. ವಿಡಿಯೋದಲ್ಲಿ ಇಲಿ ತನ್ನ ಶಕ್ತಿ ಮೀರಿ ಹಾವಿನೊಂದಿಗೆ ಸೆಣಸಾಟ ನಡೆಸುವುದನ್ನು ಕಾಣಬಹುದಾಗಿದೆ. ಆದ್ರೆ ಹಾವು ತನ್ನ ಶತ್ರು ಇಲಿಯ ವಿರುದ್ಧ ಸೋಲು ಒಪ್ಪಿಕೊಂಡಂತೆ ಚಲನಾ ರಹಿತವಾಗಿ ಬಿದ್ದಿದೆ.

ಇಲಿ ತನ್ನ ಬಾಯಿಯಿಂದ ಹಾವಿನ ಬಾಯಿಯನ್ನು ಕಚ್ಚುತ್ತಾ ಅತ್ತಿಂದಿತ್ತ ಎಳೆದಾಡುತ್ತಿದೆ. ಕೊನೆಗೆ ಹಾವಿನ ಬಾಯಿಯಿಂದ ಸ್ವಲ್ಪ ರಕ್ತ ಬಂದಿದೆ. ಇದನ್ನು ನಾವು ವಿಡಿಯೋದಲ್ಲಿ ಕಾಣಬಹುದಾಗಿದೆ. ಕೊನೆಗೆ ಇಲಿ ತನ್ನ ಛಲ ಬಿಡದೇ ಹಾವನ್ನು ಪೊದೆಯೊಳಗೆ ಎಳೆದುಕೊಂಡು ಹೋಗಲು ಪ್ರಯತ್ನಿಸಿದೆ. ಭಯಬೀತವಾದ ಹಾವು ಕೂಡಲೇ ತಪ್ಪಿಸಿಕೊಳ್ಳುವ ಪ್ರಯತ್ನವನ್ನು ಮಾಡಿದೆ. ಆದ್ರೆ ಇಲಿ ಹಾವನ್ನು ಪೊದೆಯೊಳಗೆ ಎಳೆದುಕೊಂಡು ಹೋಗಿದೆ.

ಈ ವಿಡಿಯೋವನ್ನು ಚೀನಾದ ಫೇಸ್ ಬುಕ್ ಪೇಜಿನಲ್ಲಿ ಅಪ್ಲೋಡ್ ಮಾಡಲಾಗಿದ್ದು, 9,800 ಕ್ಕೂ ಅಧಿಕ ವ್ಯೂವ್ ಗಳನ್ನು ಪಡೆದಿದೆ. 2017ರಲ್ಲಿ ಎಸಿಯಿಂದ ಹೊರ ಬಂದ ಹಾವು ಮನೆಯಲ್ಲಿರುವ ಇಲಿಯನ್ನು ನುಂಗುವ ವಿಡಿಯೋ ವೈರಲ್ ಆಗಿತ್ತು. ಆದರೆ ಅದಕ್ಕೆ ತದ್ವಿರುದ್ಧವಾದ ವಿಡಿಯೋ ವೈರಲ್ ಆಗಿದೆ.

What a fight!

What a fight!

PearVideoさんの投稿 2018年7月2日月曜日

Leave a Reply

Your email address will not be published. Required fields are marked *