Connect with us

Latest

ನಮ್ಮ ಕುಟುಂಬದವರು ಪ್ರಧಾನಿಯಾಗಿ 30 ವರ್ಷ ಆಯ್ತು, ಹೇಗೆ ಕುಟುಂಬ ರಾಜಕಾರಣವಾಗುತ್ತೆ- ರಾಹುಲ್ ಪ್ರಶ್ನೆ

Published

on

– ಟ್ರೋಲ್ ಮಾಡುವವರೇ ಮಾರ್ಗದರ್ಶಕರು, ಅವರೇ ದಾರಿ ತೋರಿಸ್ತಾರೆ

ನವದೆಹಲಿ: ನಮ್ಮ ಕುಟುಂಬದವರು ಪ್ರಧಾನಿಯಾಗಿ 30 ವರ್ಷಗಳು ಕಳೆಯಿತು. ಕುಟುಂಬ ರಾಜಕಾರಣ ಹೇಗೆ ಆಗುತ್ತದೆ. ಆದರೆ ಒಬ್ಬ ಮಾಜಿ ಪ್ರಧಾನಿಯ ಮಗನಾಗಿದ್ದುಕೊಂಡು, ನನ್ನ ಸಿದ್ಧಾಂತಗಳ ಮೂಲಕ ರಾಜಕಾರಣ ಮಾಡುತ್ತಿದ್ದೇನೆ. ಹೀಗಿರುವಾಗ ಕುಟುಂಬ ರಾಜಕಾರಣ ಹೇಗೆ ಆಗುತ್ತದೆ ಎಂದು ಕಾಂಗ್ರೆಸ್ ನಾಯಕ ರಾಹುಲ್ ಗಾಂಧಿ ಖಾರವಾಗಿ ಪ್ರಶ್ನಿಸಿದ್ದಾರೆ.

ಚಿಕಾಗೊ ವಿಶ್ವವಿದ್ಯಾಲಯದ ಪ್ರೊಫೆಸರ್ ದೀಪೇಶ್ ಚಕ್ರವರ್ತಿ ಅವರೊಂದಿಗೆ ನಡೆಸಿದ ವಿಡಿಯೋ ಸಂವಾದದಲ್ಲಿ ರಾಹುಲ್ ಗಾಂಧಿ ಕೆಂಡಾಮಂಡಲರಾಗಿದ್ದಾರೆ. ಯಾವುದೋ ವಿಚಾರದ ಕುರಿತು ಸಮರ್ಥಿಸಿಕೊಳ್ಳುವಾಗ ತಂದೆ ರಾಜೀವ್ ಗಾಂಧಿ ಹಾಗೂ ಅಜ್ಜಿ ಇಂದಿರಾ ಗಾಂಧಿ ಅವರನ್ನು ಹತ್ಯೆ ಮಾಡಲಾಯಿತು ಎಂದು ಹೇಳಲು ನನಗೆ ಹೆಮ್ಮೆ ಎನ್ನಿಸುತ್ತದೆ. ಇದರಿಂದಾಗಿ ಅವರನ್ನು ಅರ್ಥ ಮಾಡಿಕೊಳ್ಳಲು ಹಾಗೂ ನನ್ನ ಸ್ಥಾನಮಾನವನ್ನು ಅರಿಯಲು, ಮುಂದೆ ಏನು ಮಾಡಬೇಕು ಎಂಬುದನ್ನು ತಿಳಿಯಲು ಸಹಾಯವಾಗುತ್ತಿದೆ. ಇದರಿಂದ ನನಗೆ ಯಾವುದೇ ವಿಷಾದವಿಲ್ಲ ಎಂದು ಹೇಳಿದ್ದಾರೆ.’

ಸಿದ್ಧಾಂತದ ನೆಲೆಗಟ್ಟಿನಲ್ಲಿ ಹೋರಾಟ ಮುಂದುವರಿದಿದೆ. ಆಲೋಚನೆಗಳ ಯುದ್ಧ ನಡೆಯುತ್ತಿದ್ದು, ಅವುಗಳು ನನ್ನ ಮೇಲೆ ಆಕ್ರಮಣ ಮಾಡುತ್ತಿದ್ದಂತೆ ಅದು ನನ್ನನ್ನು ನಾನೇ ಪರಿಷ್ಕರಿಸಲು ಸಹಾಯ ಮಾಡುತ್ತದೆ. ಟ್ರೋಲ್ ಗಳು ನಾನು ಏನು ಮಾಡಬೇಕು ಎಂಬುದರ ಕುರಿತು ನನ್ನ ಪ್ರಜ್ಞೆಯನ್ನು ಜಾಗೃತಗೊಳಿಸುತ್ತವೆ. ಬಹುತೇಕ ಅವರೇ ಮಾರ್ಗದರ್ಶ ಮಾಡುತ್ತಾರೆ. ನಾನು ಎಲ್ಲಿಗೆ ಹೋಗಬೇಕು ಎಂಬುದರ ಕುರಿತು ಅವರೇ ಹೇಳುತ್ತಾರೆ. ಅಲ್ಲದೆ ಯಾವುದರ ಬೆಂಬಲವಾಗಿ ನಿಲ್ಲಬೇಕು ಎಂಬುದನ್ನೂ ತಿಳಿಸುತ್ತಾರೆ. ಹೀಗಾಗಿ ಇದು ಒಂದು ಪರಿಷ್ಕರಣೆ ಹಾಗೂ ವಿಕಸನದ ದಾರಿಯಾಗಿದೆ ಎಂದು ಟ್ರೋಲ್ ಮಾಡುವವರು ಕುರಿತು ಸಹ ಮಾತನಾಡಿದ್ದಾರೆ.

ನನ್ನ ಕುಟುಂಬದವರು ಪ್ರಧಾನಿಯಾಗಿ 30 ವರ್ಷಗಳೇ ಕಳೆಯಿತು. ಕಳೆದ ಬಾರಿಯ ಯುಪಿಎ ಸರ್ಕಾರದ ಅವಧಿಯಲ್ಲಿ ಸಹ ಬೇರೆಯವರೇ ಪ್ರಧಾನಿತಾಗಿದ್ದಾರೆ. ನನಗೆ ಸೈದ್ಧಾಂತಿಕ ದೃಷ್ಟಿಕೋನವಿದೆ. ಅಂತಹ ಐಡಿಯಾಗಳನ್ನಿಟ್ಟುಕೊಂಡು ನಾನು ಹೋರಾಟ ನಡೆಸಬೇಕಿದೆ. ರಾಜೀವ್ ಗಾಂಧಿಯವರ ಮಗನಾಗಿದ್ದೆರಿಂದ ಅಂತ ಸಿದ್ಧಾಂತಗಳ ವಿರುದ್ಧ ಹೋರಾಡಲು ಆಗುತ್ತಿಲ್ಲ ಎಂದು ನೀವು ಹೇಳುತ್ತೀರಿ. ಆದರೆ ದಯವಿಟ್ಟು ಕ್ಷಮಿಸಿ, ನನ್ನ ತಂದೆ ಯಾರೆಂದು ನನಗೆ ಲೆಕ್ಕವಿಲ್ಲ, ನನ್ನ ಅಜ್ಜ, ಮುತ್ತಜ್ಜನ ಏನೆಂದು ಸಹ ಯೋಚಿಸಲ್ಲ. ಇದೆಲ್ಲಕ್ಕಿಂತ ಹೆಚ್ಚಾಗಿ ನನಗೆ ವಿಚಾರಗಳೇ ಮುಖ್ಯ ಅವುಗಳಿಗಾಗಿ ಹೋರಾಡಲಿದ್ದೇನೆ ಎಂದು ಹೇಳಿದ್ದಾರೆ.

Click to comment

Leave a Reply

Your email address will not be published. Required fields are marked *