Connect with us

Crime

ಅಂತರ್ಜಾತಿ ವಿವಾಹವಾಗಿದ್ದ ಮಗಳನ್ನು ಕಲ್ಲಿನಿಂದ ಜಜ್ಜಿ ಕೊಲೆ ಮಾಡಿದ ತಾಯಿ

Published

on

ಪುಣೆ: ಅಂತರ್ಜಾತಿ ವಿವಾಹವಾಗಿದ್ದ 19 ವರ್ಷದ ಮಗಳನ್ನು ತಾಯಿ ಕಲ್ಲಿನಿಂದ ಜಜ್ಜಿ ಕೊಲೆ ಮಾಡಿರುವ ಘಟನೆ ಮಹಾರಾಷ್ಟ್ರದ ಪುಣೆಯಲ್ಲಿ ಮಂಗಳವಾರ ನಡೆದಿದೆ.

ಬಾರಾಮತಿ ನಗರದ ಪ್ರಗತಿನಗರದಲ್ಲಿ 34 ವರ್ಷದ ಸಂಜೀವಿನಿ ಬೊಭೇತೆ ತನ್ನ ಮಗಳಾದ ಋತುಜಾಳನ್ನು ಕಲ್ಲಿನಿಂದ ಹೊಡೆದು ಕೊಲೆ ಮಾಡಿದ್ದಾಳೆ.

ಕೊಲೆಯಾದ ಋತುಜಾ ಪೋಷಕರ ಒಪ್ಪಿಗೆ ಇಲ್ಲದೆ ಕಳೆದ ವರ್ಷ ಬೇರೆ ಜಾತಿಯ ಹುಡುಗನನ್ನು ಮದುವೆಯಾಗಿದ್ದಳು. ಅದರೆ ಮದುವೆಯಾದ ಕೆಲ ತಿಂಗಳ ನಂತರ ಅವರು ಇಬ್ಬರ ನಡುವೆ ಜಗಳವಾಗಿ ಯುವತಿ ಗಂಡನ ಮನೆ ಬಿಟ್ಟು ಮರಳಿ ಪೋಷಕರ ಬಳಿ ಬಂದಿದ್ದಳು. ಪೋಷಕರು ಆಕೆಯ ಗಂಡನ ಜೊತೆ ರಾಜಿ ಮಾಡಿಸಲು ನೋಡಿದ್ದಾರೆ. ಅದರೆ ಇದಕ್ಕೆ ಅವಳ ಗಂಡ ಒಪ್ಪಿರಲಿಲ್ಲ. ಇದರಿಂದ ಕೋಪಗೊಂಡ ಋತುಜಾ ಅತ್ಯಾಚಾರದ ಆರೋಪ ಮಾಡಿ ಪತಿಯನ್ನು ಜೈಲಿಗೆ ಕಳುಹಿಸಿದ್ದಳು.

ಆದರೆ ದಿನ ಕಳೆದಂತೆ ನಾನು ಮತ್ತೆ ಗಂಡನ ಮನೆಗೆ ಹೋಗಬೇಕು ರಾಜಿಮಾಡಿಸಿ ನನ್ನನ್ನು ಕಳುಹಿಸಿಕೊಂಡಿ ಎಂದು ಹೇಳಿದ್ದಾಳೆ. ಮತ್ತೆ ಅಳಿಯನ ಬಳಿ ಹೋಗಿ ನಾವು ದೂರನ್ನು ವಾಪಾಸ್ ತೆಗೆದುಕೊಳ್ಳುತ್ತೇವೆ ನಮ್ಮ ಮಗಳನ್ನು ಮನೆಗೆ ಕರೆದುಕೊಂಡು ಹೋಗಿ ಎಂದು ಬೇಡಿಕೊಂಡಿದ್ದಾರೆ ಅದರೆ ಇದಕ್ಕೆ ಅಳಿಯ ಒಪ್ಪಿರಲಿಲ್ಲ.

ಇದೇ ವಿಚಾರಕ್ಕೆ ದಿನ ಮನೆಯಲ್ಲಿ ಮಗಳು ಪೋಷಕರ ಜೊತೆ ವಾದಮಾಡುತ್ತಾ ನಿಂದಿಸುತ್ತಿದ್ದಳು. ಹೀಗೆ ಮಂಗಳವಾರ ವಾದ ಮಾಡುತ್ತಿರುವಾಗ ಮಾತಿಗೆ ಮಾತು ಬೆಳೆದು ತಾಯಿ ತನ್ನ ಮಗಳಿಗೆ ದೊಡ್ಡ ಕಲ್ಲಿನಿಂದ ತಲೆಗೆ ಹೊಡೆದ ಕಾರಣ ಮಗಳು ಮೃತಪಟ್ಟಿದ್ದಾಳೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಈ ಸಂಬಂಧ ವಿವಿಧ ಐಪಿಸಿ ಸೆಕ್ಷನ್ ಅಡಿ ಪ್ರಕರಣ ದಾಖಲಾಗಿದ್ದು, ಸಂಜೀವಿನಿ ಬೊಭೇತೆಯನ್ನು ಪೊಲೀಸರು ಬಂಧಿಸಿ ವಿಚಾರಣೆ ನಡೆಸುತ್ತಿದ್ದಾರೆ.