Wednesday, 20th March 2019

Recent News

ಅವಸಾನದ ದೇಗುಲ, ಪುಷ್ಕರಣಿಗಳಿಗೆ ಕಾಯಕಲ್ಪ ನೀಡ್ತಿದ್ದಾರೆ ಕಲಬುರಗಿಯ ಯುವತಂಡ

ಕಲಬುರಗಿ: ಪುರಾತನ ದೇವಾಲಯಗಳ ರಕ್ಷಣೆಗೆ ಸಂಬಂಧಿಸಿದಂತೆ ಇಲಾಖೆಯದ್ದು ನಿರ್ಲಕ್ಷ್ಯವೇ ಜಾಸ್ತಿ. ಆದರೆ ಕಲಬುರಗಿಯ ಯುವಕರ ತಂಡ ಇದುವರೆಗೂ 30ಕ್ಕೂ ಹೆಚ್ಚು ದೇವಾಲಯ-ಪುಷ್ಕರಣಿಗಳಿಗೆ ಕಾಯಕಲ್ಪ ನೀಡಿ, ಶಿಲ್ಪಕಲಾ ವೈಭವವನ್ನು ಎತ್ತಿ ಹಿಡಿಯುತ್ತಿದ್ದಾರೆ. ಇವರೇ ನಮ್ಮ ಪಬ್ಲಿಕ್ ಹೀರೋ.

ಕಲಬುರಗಿ ಜಿಲ್ಲೆ ಬರೀ ತೊಗರಿ ಕಣ ಅಂತ ಮಾತ್ರ ಪ್ರಸಿದ್ಧಿ ಅಲ್ಲ. ಈ ನೆಲ ಐತಿಹಾಸಿಕ ಶಿಲ್ಪಕಲೆಗೂ ಖ್ಯಾತಿ ಪಡೆದಿದೆ. ಇದರ ಮಹತ್ವ ಅರಿಯದ ಇಲ್ಲಿನ ಜನರಿಂದಾಗಿ ಸುಂದರ ಶಿಲ್ಪಕಲೆಯ ಅನೇಕ ದೇವಾಲಯಗಳನ್ನು ಪಾಳು ಬೀಳಲು ಬಿಟ್ಟಿದ್ದಾರೆ.

ಕಲಬುರಗಿಯ ಪ್ರಜ್ಞಾವಂತ ಯುವಕರು ತಮ್ಮದೇ ಒಂದು ತಂಡ ರಚಿಸಿ, ಪ್ರತಿ ಭಾನುವಾರ ಬೆಳಗ್ಗೆ 6 ಗಂಟೆಗೆ ಒಂದೊಂದು ದೇವಸ್ಥಾನಕ್ಕೆ ಕಾಯಕಲ್ಪ ನೀಡುತ್ತಿದ್ದಾರೆ. ದಿನವಿಡೀ ಕೆಲಸ ಮಾಡಿ ದೇವಾಲಯದ ಗತ ವೈಭವವನ್ನು ಮರುಕಳಿಸುತ್ತಿದ್ದಾರೆ. ಈ ತಂಡದಲ್ಲಿ ವೈದ್ಯರು, ಸರ್ಕಾರಿ ನೌಕರರು, ಖಾಸಗಿ ಕಂಪನಿಗಳ ಉನ್ನತ ಹುದ್ದೆಯಲ್ಲಿ ಕೆಲಸ ಮಾಡುವವರು ಇದ್ದಾರೆ ಎಂದು ಸರ್ಕಾರಿ ನೌಕರ ನಾಗರಾಜ್ ಹೇಳಿದ್ದಾರೆ.

ಸದ್ಯ ಈ ತಂಡ ಕಲಬುರಗಿಯ ಅತನೂರ, ಮರಗುತ್ತಿ, ಕಾಳಗಿ, ಗೊಬ್ಬುರ ಗ್ರಾಮ ಸೇರಿದಂತೆ ಸುತ್ತಮುತ್ತ 30ಕ್ಕೂ ಹೆಚ್ಚು ಅವಸಾನದಲ್ಲಿದ ದೇವಸ್ಥಾನ ಹಾಗು ಹಲವು ಪುಷ್ಕರ್ಣಿಗಳನ್ನು ಸ್ವಚ್ಛ ಮಾಡಿದ್ದಾರೆ. ಕಳೆದ 2 ವರ್ಷದಿಂದ ತಾವೇ ಹಣ ಹಾಕಿಕೊಂಡು ಈ ಕಾಯಕದಲ್ಲಿ ನಿರತರಾಗಿದ್ದಾರೆ ಎಂದು ನಿವಾಸಿ ಬಂಟಿ ಹೇಳಿದ್ದಾರೆ.

ಪ್ರವಾಸೋದ್ಯಮ ಇಲಾಖೆ ಅಥವಾ ಸರ್ಕಾರ ಒಂದಿಷ್ಟು ಸಹ ಸಹಾಯ ಮಾಡಿದರೆ ಇಲ್ಲಿನ ಅನೇಕ ಐತಿಹಾಸಿಕ ಶಿಲ್ಪಕಲೆಯನ್ನು ಉಳಿಸುತ್ತೇವೆ ಎಂದು ತಂಡದ ಸದಸ್ಯರು ತಿಳಿಸಿದ್ದಾರೆ.

ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv , ಪಬ್ಲಿಕ್ ಟಿವಿ ಆ್ಯಪ್ ಡೌನ್‍ಲೋಡ್ ಮಾಡಿ: play.google.com/publictv

Leave a Reply

Your email address will not be published. Required fields are marked *