Connect with us

Cinema

ಹೊಸ ಉದ್ಯಮದತ್ತ ಮುಖ ಮಾಡಿದ ಪ್ರಿಯಾಂಕಾ ಚೋಪ್ರಾ

Published

on

ಮುಂಬೈ: ಬಾಲಿವುಡ್‍ನ ಖ್ಯಾತ ನಟಿ ಪ್ರಿಯಾಂಕಾ ಚೋಪ್ರಾ ನಟನೆಯೊಂದಿಗೆ ಇದೀಗ ಹೋಟೆಲ್ ಉದ್ಯಮದತ್ತ ಮುಖ ಮಾಡಿದ್ದಾರೆ. ಪ್ರಿಯಾಂಕಾ ಸೋನಾ ಎಂಬ ನಾಮಂಕಿತ ರೆಸ್ಟೊರೆಂಟ್ ಒಂದನ್ನು ಅಮೆರಿಕಾದಲ್ಲಿ ತೆರೆಯಲು ತಯಾರಿ ನಡೆಸಿದ್ದಾರೆ.

ಪ್ರಿಯಾಂಕ 2019ರಲ್ಲಿ ತನ್ನ ಪತಿ ಸಿಂಗರ್ ನಿಕ್ ಜೋನಸ್ ಹಾಗೂ ತಾಯಿ ಮಧು ಚೋಪ್ರಾ ಜೊತೆಗೆ ರೆಸ್ಟೊರೆಂಟ್ ಪೂರ್ವ ತಯಾರಿಯ ಭೂಮಿ ಪೂಜೆಯ ಫೋಟೋವನ್ನು ಇದೀಗ ಸಾಮಾಜಿಕ ಜಾಲತಾಣದಲ್ಲಿ ಶೇರ್ ಮಾಡಿ ಇನ್ನು ಕೆಲವೇ ದಿನಗಳಲ್ಲಿ ಸೋನಾ ಎಂಬ ಹೆಸರಿನ ರೆಸ್ಟೊರೆಂಟ್ ಶುಭಾರಂಭಗೊಳ್ಳಲಿದೆ ಎಂದು ಬರೆದುಕೊಂಡಿದ್ದಾರೆ.

ಅಮೆರಿಕಾದಲ್ಲಿ ಭಾರತೀಯ ಮಾದರಿಯ ಅಡುಗೆ ತಯಾರಿಸಲು ರೆಸ್ಟೊರೆಂಟ್ ನಲ್ಲಿ ಪ್ರಸಿದ್ಧ ಶೆಫ್ ಹರಿ ನಾಯಕ್ ಅವರನ್ನು ಹೆಡ್ ಶೆಫ್ ಆಗಿ ನೇಮಿಸಿಕೊಳ್ಳಲಾಗಿದೆ. ಭಾರತದ ಖಾದ್ಯಗಳನ್ನು ಇಲ್ಲಿ ತಯಾರಿಸಿ ಇಲ್ಲಿನ ಜನರಿಗೆ ಉಣಬಡಿಸಲು ನಾವು ತಯಾರಾಗಿದ್ದೇವೆ. ಹೊಸ ಮಾದರಿಯ ರುಚಿ ಹಾಗೂ ಸ್ವಾದಭರಿತ ನೂತನ ಮೆನು ಕಾರ್ಡ್‍ನ್ನು ನಮ್ಮ ಪ್ರಸಿದ್ಧ ಶೆಫ್ ಹರಿ ನಾಯಕ್ ಅವರು ತಯಾರಿಸಲಿದ್ದಾರೆ ಎಂದು ವಿವರಿಸಿದ್ದಾರೆ.

ಸೋನಾವನ್ನು ತೆರೆಯಲು ನಾನು ಕಾತರಳಾಗಿದ್ದು ಈ ರೆಸ್ಟೊರೆಂಟ್ ಸಿದ್ಧಗೊಳ್ಳಲು ನನ್ನ ಉತ್ತಮ ಸ್ನೇಹಿತರಾದ ಮನೀಶ್ ಗೋಯಲ್ ಮತ್ತು ಡೇವಿಡ್ ರಾಬಿನ್ ಅವರ ನಾಯಕತ್ವ ಮುಖ್ಯವಾಗಿತ್ತು ಅವರಿಗೆ ಕೃತಜ್ಞತೆಗಳು ಎಂದಿದ್ದಾರೆ.

ಈ ಹಿಂದೆ ಪ್ರಿಯಾಂಕಾ ಕೊದಲು ಆರೈಕೆ ಗಾಗಿ ಆ್ಯನೋಮಲಿ ಎಂಬ ಬ್ರ್ಯಾಂಡ್ ನ್ನು ಬಿಡುಗಡೆಗೊಳಿಸಿದ್ದರು. ಇದೀಗ ಹೋಟೆಲ್ ಉದ್ಯಮದತ್ತ ಕಣ್ಣಾಯಿಸುತ್ತಿದ್ದಾರೆ.

Click to comment

Leave a Reply

Your email address will not be published. Required fields are marked *