Connect with us

Cinema

ಪ್ರಶಾಂತ್ ಬಿಗ್ ಬಾಸ್ ಚೆನ್ನಾಗಿ ಆಡಿ ಗೆಲ್ಲೋ ಮಂಗ್ಯ

Published

on

ಬಿಗ್‍ಬಾಸ್‍ಮನೆಯಲ್ಲಿ ಹೆಚ್ಚು ಸುದ್ದಿಯಲ್ಲಿರುವ ಪ್ರಶಾಂತ್ ಸಂಬರ್ಗಿ ಬಂದ ಮೊದಲ ದಿನದಿಂದಲೂ ಒಂದಲ್ಲಾ ಒಂದು ವಿಚಾರವಾಗಿ ಸುದ್ದಿಯಾಗುತ್ತಾ ಇದ್ದರು. ಇವರಿಗೆ ಕ್ಯಾಪ್ಟನ್ ಆಗುವ ಹಂಬಲ ಇತ್ತು. ಹೀಗಾಗಿ ಏನೆಲ್ಲಾ ಕಸರತ್ತುಗಳನ್ನು ಮಾಡುತ್ತಿದ್ದರು. ಈ ವಾರದ ಕ್ಯಾಪ್ಟನ್ ಆಗಿದ್ದಾರೆ. ಈ ವಿಚಾರವಾಗಿ ಮನೆಮಂದಿಗೆ ಕೊಂಚ ಬೇಸರವಾಗಿದೆ ಆದರೆ ನಗು ಮುಖದಿಂಲೇ ಸಂಬರ್ಗಿಗೆ ಶುಭ ಕೋರಿದ್ದಾರೆ.

ಕ್ಯಾಪ್ಟನ್ಸಿ ಟಾಸ್ಕ್ ಗೆದ್ದು ಪ್ರಶಾಂತ್ ಸಂಬರ್ಗಿ ಅವರು ಈ ವಾರದ ಕ್ಯಾಪ್ಟನ್ ಆಗಿದ್ದಾರೆ. ಹೀಗಾಗಿ ಅವರನ್ನು ಯಾರೂ ಎಲಿಮಿನೇಶನ್ ವೇಳೆ ನಾಮಿನೇಟ್ ಮಾಡುವಂತಿಲ್ಲ. ಪ್ರಶಾಂತ್ ಕ್ಯಾಪ್ಟನ್ ಆಗಿದ್ದು ಬಿಗ್ ಬಾಸ್ ಕನ್ನಡ ಸೀಸನ್ 8ರ ಮನೆಯ ಅನೇಕ ಸದಸ್ಯರಿಗೆ ಹಾಗೂ ವೀಕ್ಷಕರಿಗೆ ಶಾಕ್ ಆಗಿದೆ.

ಪ್ರಶಾಂತ್ ಸಂಬರ್ಗಿ ಅವರು ಕ್ಯಾಪ್ಟನ್ ಆಗಿದ್ದಕ್ಕೆ ಅವರ ಅಕ್ಕ ಸೀಮಾರಿಂದ ಸಂದೇಶ ಬಂದಿದೆ. ನಿನ್ನ ನೋಡಿ ತುಂಬ ಖುಷಿಯಾಯ್ತು. ಚಿಕ್ಕವನಿದ್ದಾಗ ನಿನಗೆ ಚೆನ್ನಾಗಿ ಅಭ್ಯಾಸ ಮಾಡಲೇ ಮಂಗ್ಯ ಅಂತ ಹೇಳುತ್ತಿದ್ದೆ. ಬಿಗ್ ಬಾಸ್‍ನಲ್ಲಿ ಸಿಕ್ಕ ಜನಪ್ರಿಯತೆಯನ್ನು ನೀನು ಒಳ್ಳೆಯ ಕೆಲಸಕ್ಕೆ ಬಳಸಿಕೊಳ್ತೀಯಾ ಅಂತ ನಂಬಿದ್ದೇನೆ. ಈಗ ಬಿಗ್ ಬಾಸ್‍ನಲ್ಲಿ ಆಡಿ ಗೆಲ್ಲೋ ಮಂಗ್ಯ ಅಂತ ಹೇಳ್ತೀನಿ, ನಿನ್ನ ಪ್ರೀತಿಯ ಅಕ್ಕ ಸೀಮಾ ಎಂದು ಹೇಳಿದ್ದಾರೆ.

ಸೀಮಾ ಮಾತು ಕೇಳಿ ಪ್ರಶಾಂತ್ ಸಂಬರ್ಗಿ ಭಾವುಕರಾಗಿ ಕಣ್ಣೀರು ಹಾಕಿದ್ದಾರೆ. ಬಿಗ್ ಬಾಸ್ ಧನ್ಯವಾದಗಳು. ಈ ವಾರ ಬಿಗ್ ಬಾಸ್ ಮನೆಯ ಕ್ಯಾಪ್ಟನ್ ಆಗಿದ್ದೇನೆ. ನನ್ನ ಪ್ರೀತಿಯ ಅಕ್ಕನ ಧ್ವನಿ ಕೇಳಿ ಸಂತೋಷವಾಯಿತ್ತು. ನನಗೆ ಮಾತು ಬರ್ತಿಲ್ಲ, ಕಣ್ಣೀರು ಬರ್ತಿದೆ. ಅಕ್ಕನ ಹಾರೈಕೆ, ಆಶೀರ್ವಾದ, ಮಾರ್ಗದರ್ಶನ, ಬೆಂಬಲ ಎಲ್ಲವೂ ನನಗೆ ಬೇಕು ಎಂದು ಪ್ರಶಾಂತ್ ಸಂಬರ್ಗಿ ಅವರು ಬಿಗ್ ಬಾಸ್ ಕ್ಯಾಮರಾ ಮುಂದೆ ಬಂದು ಹೇಳಿದ್ದಾರೆ.

 ಮಾವ ಕ್ಯಾಪ್ಟನ್ ಆದ್ರು. ಕ್ಯಾಪ್ಟನ್ ಆಗಿರೋದಕ್ಕೆ ಮಾವ ಅಂತ ಕೂಡ ಕರೆಯೋಹಾಗಿಲ್ಲ. ಮಾವನ ಆರ್ಭಟ ಶುರು ಎಂದು ಹೇಳಿದ್ದಾರೆ. ಬಿಗ್‍ಬಾಸ್ ಮನೆಯ ಮಾವ ಯಾವ ರೀತಿಯ ಆಟ ಮಾಡಲಿದ್ದಾರೆ. ಎಲೇಲ್ಲೂ ಡ್ರಾಮಗಳು ಮನೆಯಲ್ಲಿ ಈ ವಾರ ನಡೆಯಲಿದೆ ಎನ್ನುವ ಕುತುಹೊಲ ಹೆಚ್ಚಾಗಿದೆ. ಪ್ರಶಾಂತ್ ಅವರ ಮುಂದಾಳತ್ವದಲ್ಲಿ ಏನೆಲ್ಲಾ ನಡೆಯಲಿದೆ ಎನ್ನುವುದನ್ನು ಕಾದು ನೋಡಬೇಕಿದೆ.

Click to comment

Leave a Reply

Your email address will not be published. Required fields are marked *