Thursday, 17th October 2019

Recent News

ಅಕ್ರಮ ಸೀಮೆಎಣ್ಣೆ ಮಾರಾಟ- ಸತ್ತವರ ಮೇಲೆ ಕೇಸ್ ದಾಖಲು

– ಅಕ್ರಮ ಸಾಗಾಟ ಬಯಲಿಗೆಳೆದಿದ್ದ ಪಬ್ಲಿಕ್ ಟಿವಿ

ಕೊಪ್ಪಳ: ಸತ್ತವರು ಎದ್ದು ಬರೋದನ್ನು ನಾವು ಅಗಾಗ ಕೇಳಿದ್ದೇವೆ, ನೋಡಿದ್ದೇವೆ. ಆದರೆ ಕಳೆದ ಹಲವು ವರ್ಷಗಳ ಹಿಂದೆ ಸತ್ತವರ ಮೇಲೂ ಕೇಸ್ ದಾಖಲಾಗೋದನ್ನು ನೀವು ಎಂದು ಕೇಳಿರಲಿಕ್ಕಿಲ್ಲ. ಆದರೆ ಗಂಗಾವತಿಯಲ್ಲಿ ಸತ್ತವರ ಮೇಲೂ ಕೇಸ್ ದಾಖಲಾಗಿದೆ. ಆಹಾರ ಅಧಿಕಾರಿಗಳ ನೀಡಿದ ವರದಿಯ ಆಧಾರದ ಮೇಲೆ ಪೊಲೀಸರು ಪ್ರಕರಣ ದಾಖಲಿಸಿದ್ದಾರೆ. ಪೊಲೀಸರು ತನಿಖೆಯ ನಂತರ ಸತ್ತ ವ್ಯಕ್ತಿಯ ಮೇಲೆ ಪ್ರಕರಣ ದಾಖಲಾಗಿರುವುದು ಬೆಳಕಿಗೆ ಬಂದಿದೆ.

ಬರೋಬ್ಬರಿ 3 ತಿಂಗಳ ಹಿಂದೆ ಕೊಪ್ಪಳದ ಗಂಗಾವತಿಯಲ್ಲಿ ಒಂದು ಘಟನೆ ನಡೆದಿತ್ತು. ಪಬ್ಲಿಕ್ ಟಿವಿ ಅಕ್ರಮ ಸೀಮೆ ಎಣ್ಣೆ ಮಾರಾಟ ಬಗ್ಗೆ ರಿಯಾಲಿಟಿ ಚೆಕ್ ಮಾಡಿ, ಅಕ್ರಮ ನಡೆಸುತ್ತಿದ್ದವರ ಬಗ್ಗೆ ವರದಿ ಮಾಡಿತ್ತು. ರೇಷನ್ ಪಡೆಯುವ ಬಡವರ ಮನೆ ಸೇರಬೇಕಿದ್ದ ಸೀಮೆ ಎಣ್ಣೆಯನ್ನು ಕದ್ದು ರಾತ್ರೋರಾತ್ರಿ ಅಕ್ರಮ ಮಾರಟ ಮಾಡಲಾಗುತ್ತಿತ್ತು. ಇದನ್ನ ಬೆನ್ನಟ್ಟಿ ಅಕ್ರಮದ ಬಗ್ಗೆ ಆಹಾರ ಇಲಾಖೆ ಗಮನಕ್ಕೆ ಪಬ್ಲಿಕ್ ಟಿವಿ ಮಾಹಿತಿ ನೀಡಿತ್ತು.

ಅಕ್ರಮ ವಾಸನೆ ಹಿಡಿದು ಬಂದ ಅಧಿಕಾರಿಗಳು ಕೊಪ್ಪಳದ ಗಂಗಾವತಿಯ ಅಂಗಡಿ ಸಂಗಣ್ಣನ ಕ್ಯಾಂಪ್ ಅಲ್ಲಿ ದಾಳಿ ನಡೆಸಿದರು. ಮನೆಯಲ್ಲಿ ಅಕ್ರಮವಾಗಿ ಸಂಗ್ರಹಿಸಿಟ್ಟಿದ್ದ 200 ಲೀಟರ್ ಸೀಮೆಎಣ್ಣೆ ತುಂಬಿದ ಬ್ಯಾರಲ್‍ಗಳು ಸಿಕ್ಕಿದ್ದು, ಖಾಲಿ ಬ್ಯಾರಲ್‍ಗಳನ್ನು ವಶಕ್ಕೆ ಪಡೆದು ಪ್ರಕರಣ ದಾಖಲಿಸಿದರು. ಆದರೆ ಇದರಲ್ಲಿ ಅಧಿಕಾರಿಗಳು ತಮ್ಮ ಜಾಣ್ಮೆ ಪ್ರದರ್ಶಿಸಿ ಅಕ್ರಮ ಮಾಡ್ತಿದ್ದವರನ್ನು ಬಿಟ್ಟು ಮನೆ ಬಾಡಿಗೆ ಕೊಟ್ಟಿದ್ದ ಅಮಾಯಕರ ಮೇಲೆ ಪ್ರಕರಣ ದಾಖಲಿಸಿದ್ದಾರೆ. ನಂತರದ ದಾಳಿಯಲ್ಲಿ ಅಕ್ರಮ ಸೀಮೆಎಣ್ಣೆಯ ಕಿಂಗ್ ಪಿನ್ ಶೇಖ್‍ನಭಿ ಮೇಲೆ ಪ್ರಕರಣ ದಾಖಲಾಗಿಲ್ಲ. ಇದರ ಜೊತೆಗೆ 4 ವರ್ಷದ ಹಿಂದೆಯ ಸತ್ತಿದ್ದ ಒಬ್ಬ ಮಹಿಳೆಯ ಮೇಲೂ ಪ್ರಕರಣವನ್ನು ದಾಖಲಿಸಿ ಅಕ್ರಮಕ್ಕೆ ಅಧಿಕಾರಿಗಳು ಯಾವ ರೀತಿ ಬೆನ್ನೆಲುಬಾಗಿ ನಿಂತಿದ್ದಾರೆ ಎನ್ನುವುದು ಎತ್ತಿ ತೋರಿಸುತ್ತಿದೆ.

ಸೀಮೆಎಣ್ಣೆಯ ಅಕ್ರಮದ ಕಿಂಗ್ ಪಿನ್ ಮಾಜಿ ಗಂಗಾವತಿ ನಗರ ಸಭೆಯ ಸದಸ್ಯ ಶೇಖ್‍ನಭಿ ಮತ್ತು ಸಹೋದರ ಮೊದಲು ಜೆಡಿಎಸ್ ಪಕ್ಷದಲ್ಲಿದ್ದರು. ಅಕ್ರಮ ಬಯಲಾಗುತ್ತಿದ್ದಂತೆ ಗಂಗಾವತಿ ಮಾಜಿ ಶಾಸಕ ಇಕ್ಬಾಲ್ ಅನ್ಸಾರಿ ಜೊತೆ ಕೈ ಜೊಡಿಸಿದ್ದಾರೆ. ಅಕ್ರಮದ ರೂವಾರಿಗಳನ್ನು ಇಕ್ಬಾಲ್ ಅನ್ಸಾರಿ ಜೆಡಿಎಸ್ ನಿಂದ ಕಾಂಗ್ರೆಸ್ ಪಕ್ಷಕ್ಕೆ ಸೇರ್ಪಡೆ ಮಾಡಿ ಆರೋಪಿಗಳಿಗೆ ಬೆಂಗಾವಲಾಗಿ ನಿಂತಿದ್ದಾರೆ. ಬಡವರ ಬಗ್ಗೆ ಕಾಳಜಿ ತೋರಿಸಬೇಕಾಗಿದ್ದ ಒಬ್ಬ ಮಾಜಿ ಶಾಸಕರು ಆರೋಪಿಗಳನ್ನು ಪಕ್ಷಕ್ಕೆ ಸೇರಿಸಿಕೊಂಡು ಅಕ್ರಮಕ್ಕೆ ತಾವೇ ಬೆನ್ನೆಲುಬಾಗಿದ್ದಾರೆ ಎಂದು ಸಾರ್ವಜನಿಕರು ಆರೋಪಿಸುತ್ತಿದ್ದಾರೆ.

ಆಹಾರ ಇಲಾಖೆ ಅವರು ಸತ್ತವರ ಮೇಲೆ ಪ್ರಕರಣ ನೀಡಿದ್ದಾರೆ. ಇವರ ಮೇಲೆ ಗಂಗಾವತಿ ನಗರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

[wonderplugin_video iframe=”https://www.youtube.com/watch?v=7Z2BzrhFEKQ” lightbox=0 lightboxsize=1 lightboxwidth=960 lightboxheight=540 autoopen=0 autoopendelay=0 autoclose=0 lightboxtitle=”” lightboxgroup=”” lightboxshownavigation=0 showimage=”” lightboxoptions=”” videowidth=600 videoheight=400 keepaspectratio=1 autoplay=1 loop=1 videocss=”position:relative;display:block;background-color:#000;overflow:hidden;max-width:100%;margin:0 auto;” playbutton=”https://publictv.in/wp-content/plugins/wonderplugin-video-embed/engine/playvideo-64-64-0.png”]

Leave a Reply

Your email address will not be published. Required fields are marked *