Connect with us

Food

ಗರಿ ಗರಿಯಾದ ಈರುಳ್ಳಿ ಬೋಂಡಾ ಮಾಡುವ ವಿಧಾನ

Published

on

ಸಂಜೆಯಾದ್ರೆ ತಂಪು ಗಾಳಿ, ಚುಮು ಚುಮು ಚಳಿ. ಖಾರ ಖಾರ ತಿಂಡಿ ಜೊತೆ ಗರಂ ಚಹಾ ಸೇವಿಸುವ ಖುಷಿ ಮುಂದೆ ಮತ್ತೊಂದಿಲ್ಲ. ಚಹಾ ಜೊತೆ ಖಾರ ಖಾರವಾಗಿ ತಿಂಡಿಗೆ ಏನ್ ಮಾಡೋದು ಅನ್ನೋ ಪ್ರಶ್ನೆಗೆ ಗೃಹಿಣಿಯರು ಪ್ರತಿನಿತ್ಯ ಹೊಸ ಉತ್ತರ ಕಂಡುಕೊಳ್ಳಲೇಬೇಕು. ಮಾಡುವ ತಿಂಡಿ ರುಚಿಕರ ಜೊತೆ ಆರೋಗ್ಯಕ್ಕೂ ಹಿತವಾಗಿರಬೇಕು. ಚಟಾಪಟ್ ಅಂತ ಈರುಳ್ಳಿ ಬೋಂಡಾ ಮಾಡುವ ವಿಧಾನ ಇಲ್ಲಿದೆ.

ಬೇಕಾಗುವ ಸಾಮಾಗ್ರಿಗಳು
* ಈರುಳ್ಳಿ- 3 (ಮಧ್ಯಮ ಗಾತ್ರದ್ದು)
* ಹಸಿ ಮೆಣಸಿನಕಾಯಿ-2 ರಿಂದ 3
* ಹುರಿಗಡಲೆ ಹಿಟ್ಟು- ಮುಕ್ಕಾಲು ಕಪ್ (ಪುಟಾಣಿ ಹಿಟ್ಟು)
* ಅಕ್ಕಿ ಹಿಟ್ಟು- ಅರ್ಧ ಕಪ್
* ಕಡಲೆ ಹಿಟ್ಟು- ಅರ್ಧ ಕಪ್
* ಕರಿಬೇವು- 4 ರಿಂದ 5 ದಳ
* ಹಸಿ ಶುಂಠಿ- 1 ಇಂಚು
* ಅಡುಗೆ ಸೋಡಾ- ಚಿಟಿಕೆ
* ಕೋತಂಬರಿ ಸೊಪ್ಪ
* ಎಣ್ಣೆ – ಕರಿಯಲು
* ಉಪ್ಪು- ರುಚಿಗೆ ತಕ್ಕಷ್ಟು.

ಮಾಡುವ ವಿಧಾನ
* ಮೊದಲಿಗೆ ಈರುಳ್ಳಿಯ್ನು ಸಾಧ್ಯವಾದಷ್ಟು ತೆಳ್ಳಗೆ ಉದ್ದವಾಗಿ ಕತ್ತರಿಸಿಕೊಳ್ಳಬೇಕು. ಕತ್ತರಿಸಿದ ಈರುಳ್ಳಿಯನ್ನು ಬಿಡಿ ಬಿಡಿಯಾಗಿ ಮಾಡಿಕೊಂಡು, ಹುರಿಗಡಲೆ ಹಿಟ್ಟು, ಅಕ್ಕಿ ಹಿಟ್ಟು ಮತ್ತು ಕಡಲೆ ಹಿಟ್ಟು ಸೇರಿಸಿ ಚೆನ್ನಾಗಿ ಮಿಕ್ಸ್ ಮಾಡಿಕೊಳ್ಳಿ.
* ನಂತ್ರ ಇದೇ ಮಿಶ್ರಣಕ್ಕೆ ಸಣ್ಣದಾಗಿ ಕತ್ತರಿಸಿದ ಹಸಿ ಮೆಣಸಿನಕಾಯಿ, ಹಸಿ ಶುಂಠಿ, ಕರಿಬೇವು ಮತ್ತು ಕೋತಂಬರಿ ಸೊಪ್ಪು ಸೇರಿಸಿ. ನಂತ್ರ ಉಪ್ಪು, ಅಡುಗೆ ಸೋಡಾ ಸೇರಿಸಿ. ಎರಡರಿಂದ ಮೂರು ಸ್ಪೂನ್ ನಷ್ಟು ಬಿಸಿ ಮಾಡಿದ ಅಡುಗೆ ಎಣ್ಣೆ ಮಿಕ್ಸ್ ಮಾಡಬೇಕು.
* ಎಣ್ಣೆ ತಣ್ಣಗಾಗುತ್ತಿದ್ದಂತೆ ಸ್ವಲ್ಪ ಸ್ವಲ್ಪ ನೀರು ಸೇರಿಸಿ ಹಿಟ್ಟನ್ನು ಕಲಿಸಿಕೊಳ್ಳಬೇಕು. ಬಜ್ಜಿ ಹಿಟ್ಟಿನ ಹದಕ್ಕೆ ಬರುತ್ತಿದ್ದಂತೆ ಚಿಕ್ಕ ಚಿಕ್ಕ ಉಂಡೆಗಳನ್ನಾಗಿ ಮಾಡಿಕೊಳ್ಳಿ.
* ಒಂದು ಪಾತ್ರೆ ಸ್ಟೌವ್ ಮೇಲಿಟ್ಟು ಎಣ್ಣೆ ಹಾಕಿ ಬಿಸಿ ಮಾಡಿ. ಎಣ್ಣೆ ಬಿಸಿಯಾಗ್ತಿದ್ದಂತೆ ಮಾಡಿಟ್ಟುಕೊಂಡಿರುವ ಉಂಡೆಗಳನ್ನು ಸಣ್ಣ ಉರಿಯಲ್ಲಿ ಫ್ರೈ ಮಾಡಬೇಕು. ಬೋಂಡಾವನ್ನು ಆಗಾಗ ಪ್ಲಿಪ್ ಮಾಡುತ್ತಿರಬೇಕು. ಬೋಂಡಾ ಹೊಂಬಣ್ಣಕ್ಕೆ ಬಂದ ಕೂಡಲೇ ತೆಗೆದ್ರೆ ಗರಂ ಗರಂ ಈರುಳ್ಳಿ ಬೋಂಡಾ ರೆಡಿ

Click to comment

Leave a Reply

Your email address will not be published. Required fields are marked *