Connect with us

Districts

18 ಗಂಟೆಯಲ್ಲಿ 25.54 ಕಿ.ಮೀ ರಸ್ತೆ ನಿರ್ಮಾಣ- ಸಾಧನೆಯನ್ನು ಅಭಿನಂದಿಸಿದ ನಿತಿನ್ ಗಡ್ಕರಿ

Published

on

ವಿಜಯಪುರ: ಕೇವಲ 18 ಗಂಟೆಯಲ್ಲಿ ವಿಜಾಪುರ ಮತ್ತು ಸೋಲಾಪುರ ನಡುವೆ ಬರೋಬ್ಬರಿ 25.54 ಕಿಲೋಮೀಟರ್ ಸಿಂಗಲ್ ರಸ್ತೆ ನಿರ್ಮಿಸಿ ಲಿಮ್ಕಾ ದಾಖಲೆಗೆ ಸೇರ್ಪಡೆಯಾಗಲಿರುವುದನ್ನು ಕೇಂದ್ರ ಸಚಿವ ನಿತಿನ್ ಗಡ್ಕರಿ ಅಭಿನಂದಿಸಿ ಟ್ವೀಟ್ ಮಾಡಿದ್ದಾರೆ.

ವಿಜಯಪುರ ಮತ್ತು ಸೋಲಾಪುರ ನಡುವೆ ಬರೋಬ್ಬರಿ 25.54 ಕಿಲೋಮೀಟರ್ ಸಿಂಗಲ್ ರಸ್ತೆಯನ್ನು 18 ಗಂಟೆಗಳಲ್ಲಿ ನಿರ್ಮಿಸಲಾಗಿದೆ. ವಿಜಯಪುರ ಹಾಗೂ ಸೋಲಾಪುರ ನಡುವೆ 110 ಕಿಮೀ ಉದ್ದದ 4 ಪಥಗಳ ರಸ್ತೆ ಕಾಮಗಾರಿ ನಡೆಯುತ್ತಿದ್ದು, ಅತ್ಯಾಧುನಿಕ ಉಪಕರಣಗಳ ಮೂಲಕ ಕೇವಲ 18 ಗಂಟೆಯಲ್ಲೇ 25.54 ಕಿಲೋಮೀಟರ್ ಉದ್ದದ ಒಂದು ಪಥದ ರಸ್ತೆಯನ್ನು ನಿರ್ಮಾಣ ಮಾಡಲಾಗಿದೆ ಎಂದಿದ್ದಾರೆ.

ಇದಕ್ಕಾಗಿ ಗುತ್ತಿಗೆದಾರ ಕಂಪನಿಯ 500 ಉದ್ಯೋಗಿಗಳು ಶ್ರಮಿಸಿದ್ದಾರೆ. ಆ ನೌಕರರು ಸೇರಿದಂತೆ ಯೋಜನಾ ನಿರ್ದೇಶಕರು, ಅಧಿಕಾರಿಗಳು, ಗುತ್ತಿಗೆದಾರ ಕಂಪನಿ ಪ್ರತಿನಿಧಿಗಳು ಮತ್ತು ರಾಷ್ಟ್ರೀಯ ಹೆದ್ದಾರಿ ಪ್ರಾಧಿಕಾರದ ಯೋಜನಾ ಅಧಿಕಾರಿಗಳನ್ನು ನಾನು ಅಭಿನಂದಿಸುತ್ತೇನೆ ಎಂದು ಟ್ವೀಟ್ ಮಾಡಿ ಕೆಲವು ಫೋಟೋಗಳನ್ನು ಹಂಚಿಕೊಂಡಿದ್ದಾರೆ.

ಪ್ರಸ್ತುತ ಸೋಲಾಪುರ-ವಿಜಯಪುರ ಹೆದ್ದಾರಿಯ 110 ಕಿ.ಮೀ ಪ್ರಗತಿಯಲ್ಲಿದೆ. ಇದು ಅಕ್ಟೋಬರ್ 2021ರೊಳಗೆ ಪೂರ್ಣಗೊಳ್ಳಲಿದೆ. 18 ಗಂಟೆಗಳಲ್ಲಿ ಬರೋಬ್ಬರಿ 25.54 ಕಿಲೋಮೀಟರ್ ಸಿಂಗಲ್ ರಸ್ತೆ ನಿರ್ಮಾಣ ಮಾಡಿರುವುದು ಇದು ಲಿಮ್ಕಾ ದಾಖಲೆಗೆ ಸೇರ್ಪಡೆಯಾಗಲಿದೆ. ಇನ್ನು ಕಾರ್ಮಿಕರ ಈ ಸಾಧನೆಯನ್ನ ಕೇಂದ್ರ ಸಚಿವ ನಿತಿನ್ ಗಡ್ಕರಿ ಅಭಿನಂದಿಸಿ ಶ್ಲಾಘನೆ ವ್ಯಕ್ತಪಡಿಸಿದ್ದಾರೆ.

Click to comment

Leave a Reply

Your email address will not be published. Required fields are marked *