Connect with us

Cinema

ಸಂಬರಗಿ ಒಬ್ಬ ದಡ್ಡ: ನಿಧಿ ಸುಬ್ಬಯ್ಯ

Published

on

ಬೆಂಗಳೂರು: ನಾಲ್ಕನೇ ವಾರದಲ್ಲಿ ಸ್ಪರ್ಧಿಗಳಿಗೆ ಯಾರು ಹೇಗೆ ಅನ್ನೋ ಲೆಕ್ಕ ಸಿಕ್ಕಂತೆ ಕಾಣುತ್ತಿದ್ದು, ಯಾರು ತಮ್ಮ ಹಿತೈಶಿಗಳು ಮತ್ತು ಯಾರ ಜೊತೆ ಕಂಫರ್ಟ್ ಝೋನ್ ಅಂತ ಅನ್ನೋದು ಅರ್ಥ ಆದಂತೆ ಆಗಿದೆ. ಅಡುಗೆ ಮನೆಯಲ್ಲಿ ನಿಧಿ ಸುಬ್ಬಯ್ಯ, ಶುಭಾ ಪೂಂಜಾ ಮತ್ತು ರಘು ಮೂವರು ಪ್ರಶಾಂತ್ ಸಂಬರಗಿಯ ಆಟದ ಬಗ್ಗೆ ಮಾತನಾಡುತ್ತಿದ್ದರು. ಈ ವೇಳೆ ಸಂಬರಗಿ ಒಬ್ಬ ದಡ್ಡ, ಕೊನೆಯಲ್ಲಿ ಬಂದು ನಾನು ಮಾಡಿದೆ ಅಂತ ಹೇಳಿಕೊಳ್ಳುವ ಜಾಯಮಾನದ ವ್ಯಕ್ತಿ ಎಂದರು.

ಇದಕ್ಕೂ ಮೊದಲು ನಾನು ಅಮ್ಮನ ಡೆತ್ ಆ್ಯನಿವರ್ಸರಿ ವಿಷಯ ಹೇಳಿದಾಗ, ನನ್ನ ಬಳಿ ಬಂದ ಸಂಬರಗಿ ಸಾಂತ್ವಾನದ ಮಾತುಗಳನ್ನಾಡಿದರು. ರಘು ತಬ್ಬಲಿ ಅಂತ ಹೇಳಿಕೊಳ್ಳುತ್ತಿರುತ್ತಾರೆ. ಅವನು ತಬ್ಬಲಿ ಅಲ್ಲ, ನಾವೆಲ್ಲ ಅವನೊಂದಿಗೆ ಇದ್ದೇವೆ ಅಂದ್ರು. ಆದ್ರೆ ಯಾರಿಗೂ ನಾನು ತಬ್ಬಲಿ ಅಂತ ಹೇಳಿಕೊಂಡು ಸಿಂಪಥಿ ಕ್ರಿಯೇಟ್ ತೆಗೆದುಕೊಳ್ಳಲು ಟ್ರೈ ಮಾಡಿಲ್ಲ. ಆದ್ರೆ ಸಂಬರಗಿ ಯಾಕೆ ಹಾಗೆ ಹೇಳಿದ್ರು ಅಂತ ಇವಾಗೂ ನನಗೆ ತಿಳಿಯುತ್ತಿಲ್ಲ ಎಂದು ಹೇಳಿದರು.

ನೀನು ವೀಕ್ ಅನ್ನೋ ಸುಳ್ಳನ್ನ ಹತ್ತು ಬಾರಿ ಹೇಳಿದಾಗ ಅದನ್ನ ನಂಬೋಕೆ ಹೋಗ್ತೀವಿ. ಎಲ್ಲರನ್ನ ಹೀಗೆ ವೀಕ್ ಮಾಡೋದು ಸಂಬರಗಿ ಆಟದ ಪ್ಲಾನ್ ಅಂತ ರಘುಗೆ ನಿಧಿ ಸಮಜಾಯಿಸಿ ಕೊಟ್ರು. ಇನ್ನೊಮ್ಮೆ ಆ ರೀತಿ ಮಾತಾಡಿದ್ರೆ ಮುಚ್ಕೊಂಡು ಹೋಗಿ ಎಂದು ಮುಖಕ್ಕೆ ನೇರವಾಗಿ ಹೇಳಿ ಎಂದು ರಘುಗೆ ಸಲಹೆ ನೀಡಿದ್ರು ನಿಧಿ.

ದಿವ್ಯ ಉರುಡುಗಳ ಕೆಲ ಘಟನೆಗಳು ನೋಡಿದೆ. ಆಕೆ ಪ್ರಶಾಂತ್ ಸಂಬರಗಿಗಿಂತ ಹೆಚ್ಚು ನಾಟಕ ಮಾಡ್ತಾಳೆ. ಕೆಲವೇ ಕ್ಷಣಗಳಲ್ಲಿ ಹೇಗೆ ಚೇಂಜ್ ಆಗ್ತಾಳೆ ಅನ್ನೋದು ಗೊತ್ತಾಯ್ತು. ಆದ್ರೆ ಪ್ರಶಾಂತ್ ಸಂಬರಗಿ ಒಬ್ಬ ದಡ್ಡ. ಅವನಿಗೆ ಅದನ್ನೆಲ್ಲ ಕ್ಯಾಚ್ ಮಾಡೋಕೆ ಸಾಧ್ಯವಿಲ್ಲ ಎಂದು ಸಂಬರಗಿ ಬಗ್ಗೆ ಶುಭಾ, ನಿಧಿ ಮತ್ತು ರಘು ಮಾತಾಡಿಕೊಂಡ್ರು.

Click to comment

Leave a Reply

Your email address will not be published. Required fields are marked *