Connect with us

International

ಕಲಾಪದ ವೇಳೆ ಅಳುತ್ತಿದ್ದ ಸಂಸದರ ಮಗುವಿಗೆ ಹಾಲು ಉಣಿಸಿದ ಸ್ಪೀಕರ್

Published

on

ವೆಲ್ಲಿಂಗ್ಟನ್: ಕಲಾಪದ ವೇಳೆ ಅಳುತ್ತಿದ್ದ ಸಂಸದರ ಮಗುವಿಗೆ ಸ್ಪೀಕರ್ ಒಬ್ಬರು ಬಾಟಲ್ ಹಾಲು ಉಣಿಸಿದ ಪ್ರಸಂಗ ನ್ಯೂಜಿಲೆಂಡ್‍ನ ಪಾರ್ಲಿಮೆಂಟ್‍ನಲ್ಲಿ ನಡೆದಿದೆ.

ನ್ಯೂಜಿಲೆಂಡ್‍ನ ಸಂಸದೆ ತಮೆತಿ ಕೋಫೆ ಅವರು ತಮ್ಮ ನವಜಾತ ಶಿಶುವಿನೊಂದಿಗೆ ಬುಧವಾರ ಸಂಸತ್ತಿಗೆ ಬಂದ್ದರು. ಚರ್ಚೆಯ ವೇಳೆ ಕೋಫೆ ಅವರ ಮಗು ಅಳುವುದನ್ನು ಸ್ಪೀಕರ್ ಟ್ರೆವರ್ ಮಲ್ಲಾರ್ಡ್ ಕೇಳಿಸಿಕೊಂಡರು. ಇದರಿಂದಾಗಿ ಚರ್ಚೆಗೆ ತೊಂದರೆ ಉಂಟಾಗಬಾದರು ಎಂದು ಮಗುವನ್ನು ಕೋಫೆ ಅವರಿಂದ ಪಡೆದರು. ಬಳಿಕ ಬಾಟಲ್‍ನಲ್ಲಿದ್ದ ಹಾಲನ್ನು ಕುಡಿಸುತ್ತಾ ಮಗುವನ್ನು ಸಮಾಧಾನಪಡಿಸಿ ಚರ್ಚೆಯನ್ನು ಆಲಿಸಿದರು.

ನ್ಯೂಜಿಲೆಂಡ್ ಪಾರ್ಲಿಮೆಂಟ್ ಹೌಸ್ ನಲ್ಲಿ ನಡೆದ ಈ ಪ್ರಸಂಗದ ಫೋಟೋ ಹಾಗೂ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಸಖತ್ ವೈರಲ್ ಆಗಿವೆ. ಟ್ವಿಟ್ಟಿಗರು ವಿಡಿಯೋ ಹಾಗೂ ಫೋಟೋಗಳನ್ನು ನೋಡಿ ತಮ್ಮ ಅಭಿಪ್ರಾಯ ಹಂಚಿಕೊಂಡಿದ್ದಾರೆ.

ಈ ಕುರಿತು ಫೋಟೋಗಳನ್ನು ಟ್ವೀಟ್ ಮಾಡಿರುವ ಸ್ಪೀಕರ್ ಟ್ರೆವರ್ ಮಲ್ಲಾರ್ಡ್ ಅವರು, ಸಾಮಾನ್ಯವಾಗಿ ಸ್ಪೀಕರ್ ಖುರ್ಚಿ ಮೇಲೆ ನಿರ್ದಿಷ್ಟ ವ್ಯಕ್ತಿ ಮಾತ್ರ ಕೂರುತ್ತಾರೆ. ಆದರೆ ಇಂದು ಒಬ್ಬ ವಿಐಪಿ ನನ್ನೊಂದಿಗೆ ಸ್ಥಾನವನ್ನು ಹಂಚಿಕೊಂಡಿದ್ದಾರೆ. ತಮೆತಿ ಕೋಫೆ ಹಾಗೂ ತಿಮ್ ಕುಟುಂಬದ ಹೊಸ ಸದಸ್ಯರಿಗೆ ಅಭಿನಂದನೆ ಎಂದು ಬರೆದುಕೊಂಡಿದ್ದಾರೆ.