Connect with us

Crime

ಕತ್ತು ಸೀಳಿ ಕೊಲೆಗೈದು ಅಜ್ಜಿಯ ಅಂಗಾಂಗಗಳನ್ನು ರೂಮಿನಲ್ಲಿ ಹರಡಿದ ಪಾಪಿ!

Published

on

– ತಂದೆ-ತಾಯಿಗೆ ಕರೆ ಮಾಡಿ ತಿಳಿಸಿದ
– ಮನೆಯಲ್ಲೇ ರಕ್ತದ ಮಡುವಿನಲ್ಲಿ ಕುಳಿತಿದ್ದ

ಮುಂಬೈ: 25 ವರ್ಷದ ಪಾಪಿ ಮೊಮ್ಮಗನೊಬ್ಬ ತನ್ನ ಅಜ್ಜಿಯ ಕತ್ತು ಸೀಳಿ ಕೊಲೆ ಮಾಡಿದ್ದಲ್ಲದೇ ಆಕೆಯ ದೇಹದ ಅಂಗಾಂಗಗಳನ್ನು ಕೋಣೆಯ ತುಂಬಾ ಹರಡಿ ವಿಕೃತಿ ಮೆರೆದ ಘಟನೆಯೊಂದು ಮುಂಬೈನಲ್ಲಿ ನಡೆದಿದೆ.

ಆರೋಪಿಯನ್ನು ಕ್ರಿಸ್ಟೋಫರ್ ಡಯಾಸ್ ಎಂದು ಗುರುತಿಸಲಾಗಿದೆ. ಈತ ಸೋಮವಾರ ಪುನರ್ವಸತಿ ಕೇಂದ್ರದಿಂದ ಹಿಂದಿರುಗಿದ ಬಳಿಕ ತನ್ನ ಅಜ್ಜಿಯನ್ನು ಕೊಲೆ ಮಾಡಿದ್ದಾನೆ ಎಂದು ಪೊಲೀಸರು ತಿಳಿಸಿದ್ದಾರೆ. ಕ್ರಿಸ್ಟೋಫರ್ ಪೋಷಕರು ಇಸ್ರೆಲ್ ನಲ್ಲಿ ನೆಲೆಸಿದ್ದಾರೆ. ಈತ ಪುನರ್ವಸತಿ ಕೇಂದ್ರದಿಂದ ವಾಪಸ್ಸಾದ ಬಳಿಕ ಅಜ್ಜಿ ಜೊತೆ ವಾಸವಾಗಿದ್ದನು ಎಂಬುದಾಗಿ ವರದಿಯಾಗಿದೆ.

80 ವರ್ಷದ ರೋಸಿ, ಊಟಕ್ಕೆ ಬಂದಿದ್ದ ತನ್ನ ಸಂಬಂಧಿಕರಲ್ಲಿ ಡಯಾಸ್ ಜೊತೆ ಮಾತನಾಡಬಾರದೆಂದು ಹೇಳಿದ್ದಾರೆ. ಬಹುಶಃ ಡಯಾಸ್ ಡ್ರಗ್ಸ್ ವ್ಯಸನಿಯಾಗಿದ್ದರಿಂದ ರೋಸಿ ಈ ರೀತಿ ಹೇಳಿರಬಹುದು. ಊಟ ಮುಗಿಸಿ ಮಲಗಿದ್ದ ವೇಳೆ ಮಧ್ಯರಾತ್ರಿ ಸುಮಾರಿಗೆ ಡಯಾಸ್ ಚಾಕುವಿನಿಂದ ಅಜ್ಜಿಯ ಶಿರಚ್ಚೇದ ಮಾಡಿದ್ದಾನೆ. ಆಕೆಯ ದೇಹ ಅಂಗಾಂಗಗಳನ್ನು ಕೋಣೆಯಾದ್ಯಂತ ಹರಡಿದ್ದಾನೆ. ನಂತರ ಗೋವಾ ಭೇಟಿಯಲ್ಲಿದ್ದ ತನ್ನ ಪೋಷಕರಿಗೆ ಕರೆ ಮಾಡಿ ಅಜ್ಜಿಯನ್ನು ಹತ್ಯೆ ಮಾಡಿರುವ ಬಗ್ಗೆ ತಿಳಿಸಿದ್ದಾನೆ.

ಕೂಡಲೇ ಆತನ ತಂದೆ ಮುಂಬೈಗೆ ದೌಡಾಯಿಸಿದ್ದಾರೆ. ಈ ವೇಳೆ ಮನೆಯಲ್ಲಿಯೇ ಆರೋಪಿ ಡಯಾಸ್ ರಕ್ತದ ಮಡುವಿನಲ್ಲಿ ಕುಳಿತಿದ್ದನು. ಕೂಡಲೇ ನೆರೆಮನೆಯವರು ಪೊಲೀಸರಿಗೆ ಕರೆ ಮಾಡಿ ಮಾಹಿತಿ ನೀಡಿದ್ದಾರೆ. ಅಂತೆಯೇ ವಿಚಾರ ಅರಿತ ಕೂಡಲೇ ಪೊಲೀಸರು ಕೂಡ 10.15ರ ಸುಮಾರಿಗೆ ಘಟನಾ ಸ್ಥಳಕ್ಕೆ ತೆರಳಿದ್ದಾರೆ.

ಘಟನೆ ಸಂಬಂಧ ಕ್ರಸ್ಟೋಫರ್ ಡಯಾಸ್ ವಿರುದ್ಧ ಕೊಲೆ ಕೊಲೆ ಪ್ರಕರಣ ದಾಖಲಿಸಲಾಗಿದ್ದು, ತನಿಖೆ ನಡೆಸಲಾಗುತ್ತಿದೆ.

Click to comment

Leave a Reply

Your email address will not be published. Required fields are marked *