Connect with us

Chikkaballapur

ಸ್ಕೂಟಿಯಲ್ಲಿ ಹೋಗುತ್ತಿದ್ದವನನ್ನು ಹಿಂಬಾಲಿಸಿ ಹಿಂದಿನಿಂದಲೇ ಕೊಚ್ಚಿ ಕೊಂದ್ರು

Published

on

– ಮಾರಕಾಸ್ತ್ರಗಳ ಹೊಡೆತಕ್ಕೆ ತಲೆ ನಜ್ಜುಗುಜ್ಜು

ಚಿಕ್ಕಬಳ್ಳಾಪುರ: ಸ್ಕೂಟಿಯಲ್ಲಿ ಹೋಗುತ್ತಿದ್ದವನನ್ನು ಹಿಂಬಾಲಿಸಿ ಹಿಂದೆಯಿಂದಲೇ ಮಾರಕಾಸ್ತ್ರಗಳಿಂದ ಕೊಚ್ಚಿ ಕೊಲೆ ಮಾಡಲಾಗಿದೆ.

ಜಿಲ್ಲೆಯ ಗುಡಿಬಂಡೆ ತಾಲೂಕಿನ ಭೋಗೇಪಲ್ಲಿ ಬಳಿ ಘಟನೆ ನಡೆದಿದೆ. ಸುಮಾರು 45 ವರ್ಷದ ನರಸಿಂಹಪ್ಪ ಕೊಲೆಯಾದ ವ್ಯಕ್ತಿ. ಭೋಗೇಪಲ್ಲಿಯಿಂದ ವರದಯ್ಯಗಾರಪಲ್ಲಿಗೆ ತೆರಳುವ ಮಾರ್ಗ ಮಧ್ಯೆ ಈ ಕೊಲೆ ನಡೆದಿದೆ.

ಸ್ಕೂಟಿಯಲ್ಲಿ ತೆರಳುತ್ತಿದ್ದ ನರಸಿಂಹಯ್ಯನನ್ನು ಹಿಂಬಾಲಿಸಿದ ಆಗಂತುಕರು, ಹಿಂಬದಿಯಿಂದಲೇ ಮಾರಕಾಸ್ತ್ರದಿಂದ ನರಸಿಂಹಯ್ಯ ತಲೆಗೆ ಬಲವಾಗಿ ಹೊಡೆದಿದ್ದು, ತಲೆ ಎರಡು ಹೋಳಿನ ತರ ಆಗಿದೆ. ನರಸಿಂಹಯ್ಯ ಸ್ಕೂಟಿಯ ಮೇಲೆ ಕುಸಿದುಬಿದ್ದು ಸ್ಥಳದಲ್ಲೇ ಸಾವನ್ನಪ್ಪಿದ್ದಾರೆ.

ಈ ಸಂಬಂಧ ಗುಡಿಬಂಡೆ ಪೊಲೀಸರು ಸ್ಥಳಕ್ಕೆ ಭೇಟಿ ನೀಡಿ ಪ್ರಕರಣ ದಾಖಲಿಸಿಕೊಂಡು ತನಿಖೆ ನಡೆಸಿದ್ದಾರೆ. ಮೇಲ್ನೋಟಕ್ಕೆ ಕೊಲೆಗೆ ಗ್ರಾಮ ಪಂಚಾಯಿತಿ ಚುನಾವಣಾ ವೈಷಮ್ಯವೇ ಕಾರಣ ಎಂಬ ವಾಸನೆ ಬಡಿದಿದ್ದು, ಪೊಲೀಸರ ತನಿಖೆಯಿಂದ ಕೊಲೆಗಾರರು ಪತ್ತೆಯಾಗಬೇಕಿದೆ.

Click to comment

Leave a Reply

Your email address will not be published. Required fields are marked *