Thursday, 25th April 2019

ಪ್ರೇಮಿಗಳ ದಿನದಂದು ತೃತೀಯ ಲಿಂಗಿಯನ್ನು ಮದುವೆಯಾದ ಪ್ರೇಮಿ

ಇಂದೋರ್: ಮಧ್ಯಪ್ರದೇಶ ಪ್ರೇಮಿಯೊಬ್ಬ ತೃತೀಯ ಲಿಂಗಿಯನ್ನು ಪ್ರೀತಿಸಿ ಪ್ರೇಮಿಗಳ ದಿನದಂದು ಮದುವೆಯಾಗಿದ್ದಾನೆ.

ಇಂದೋರ್ ನ ಜುನೇದ್ ಖಾನ್ ತೃತೀಯ ಲಿಂಗಿ ಜಯ ಸಿಂಗ್ ಪರಮಾರ್ ರನ್ನು ಮದುವೆಯಾಗಿದ್ದಾನೆ. ಈ ಮದುವೆಗೆ ಜುನೇದ್ ಖಾನ್ ಅವರ ಪೋಷಕರು ವಿರೋಧಿಸಿದ್ದರು. ವಿರೋಧದ ನಡುವೆಯೂ ಈ ಜೋಡಿ ಪ್ರೇಮಿಗಳ ದಿನದಂದು ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದಾರೆ.

ಫೆಬ್ರವರಿ 14ರಂದು ಜುನೇದ್ ಹಾಗೂ ಜಯಾ ಸಿಂಗ್ ದೇವಸ್ಥಾನವೊಂದರಲ್ಲಿ ಹಿಂದೂ ಸಂಪ್ರದಾಯದಂತೆ ಮದುವೆ ಆಗಿದ್ದರು. ಬಳಿಕ ಮುಸ್ಲಿಂ ಸಂಪ್ರದಾಯದಂತೆ ನಿಕಾ ಮಾಡಿಕೊಳ್ಳಲು ಈ ಜೋಡಿ ನಿರ್ಧರಿಸಿತ್ತು.

2 ವರ್ಷಗಳ ಹಿಂದೆ ಜುನೇದ್‍ಗೆ ಜಯಾ ಸಿಂಗ್ ಮೇಲೆ ಪ್ರೀತಿ ಆಗಿದೆ. ಅಲ್ಲದೇ 15 ದಿನದ ಹಿಂದೆ ಆತ ಜಯಾ ಸಿಂಗ್‍ಗೆ ಪ್ರಪೋಸ್ ಮಾಡಿದ್ದಾನೆ. ಬಳಿಕ ಇಬ್ಬರು ಫೆ. 14ರಂದು ಮದುವೆ ಆಗಲು ನಿರ್ಧರಿಸಿದ್ದರು. ಈ ಜೋಡಿ ಈಗ ಮದುವೆ ಆಗಿದ್ದು, ಜುನೇದ್ ಕುಟುಂಬದವರು ತಮ್ಮ ಮದುವೆಯನ್ನು ಒಪ್ಪಿಕೊಳ್ಳಲಿ ಎಂದು ಇಬ್ಬರು ಇಚ್ಛಿಸುತ್ತಿದ್ದಾರೆ.

ನನ್ನ ಕುಟುಂಬದವರು ನಮ್ಮಿಬ್ಬರ ಮದುವೆಯನ್ನು ಒಪ್ಪಿಕೊಳ್ಳಬೇಕು. ಅವರು ಒಪ್ಪದಿದ್ದರೆ ನಾನು ಜಯಾ ಸಿಂಗ್ ಜೊತೆಯಲ್ಲಿಯೇ ಇರುತ್ತೇನೆ. ನಾನು ಆಕೆಯನ್ನು ತುಂಬಾ ಇಷ್ಟಪಟ್ಟಿದ್ದೇನೆ ಹಾಗೂ ಆಕೆಯನ್ನು ಯಾವಾಗಲೂ ಖುಷಿಯಾಗಿರುಸುತ್ತೇನೆ ಎಂದು ಮಾಧ್ಯಮಕ್ಕೆ ಹೇಳಿದ್ದಾನೆ.

ಜುನೇದ್ ಪೋಷಕರು ಈ ಮದುವೆಯನ್ನು ವಿರೋಧಿಸಿದರೂ ಕೂಡ ಅವರು ಅದನ್ನು ಯೋಚಿಸದೇ ನನ್ನನ್ನು ಮದುವೆ ಆಗಿದ್ದಾರೆ. ಜುನೇದ್ ಅವರ ಕುಟುಂಬ ಶೀಘ್ರದಲ್ಲೇ ನನ್ನನ್ನು ಒಪ್ಪಿಕೊಳ್ಳುತ್ತಾರೆ ಎಂಬ ನಂಬಿಕೆ ನನಗೆ ಇದೆ ಎಂದು ಜಯಾ ಸಿಂಗ್ ಹೇಳಿದ್ದಾಳೆ.

ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv , ಪಬ್ಲಿಕ್ ಟಿವಿ ಆ್ಯಪ್ ಡೌನ್‍ಲೋಡ್ ಮಾಡಿ: play.google.com/publictv

Leave a Reply

Your email address will not be published. Required fields are marked *