Connect with us

International

ಫೇಸ್‍ಬುಕ್ ಫ್ರೆಂಡ್ ರಿಕ್ವೆಸ್ಟ್ ನಿರ್ಲಕ್ಷಿಸಿದ ಮಾಜಿ ಬಾಸ್‍ಗೆ ಕೊಲೆ ಬೆದರಿಕೆ ಹಾಕಿದ..!

Published

on

ವಾಷಿಂಗ್ಟನ್: ಕೆಲವೊಂದು ಬಾರಿ ನಮ್ಮ ಮೇಲೆ ಯಾರಿಗಾದರೂ ಬೇಜಾರಿದ್ದರೆ ಅಂಥವರು ನಮ್ಮ ಫ್ರೆಂಡ್ ರಿಕ್ವೆಸ್ಟ್ ಸ್ವೀಕರಿಸಲ್ಲ. ಆದರೆ ಇಲ್ಲೊಬ್ಬ ವ್ಯಕ್ತಿ ತನ್ನ ಫೇಸ್‍ಬುಕ್ ಫ್ರೆಂಡ್ ರಿಕ್ವೆಸ್ಟ್ ನಿರ್ಲಕ್ಷಿಸಿದ ಮಾಜಿ ಬಾಸ್‍ಗೆ ಕೊಲೆ ಬೆದರಿಕೆ ಹಾಕಿದ್ದಾನೆ.

ಈ ವಿಚಿತ್ರ ಘಟನೆ ಅಮೆರಿಕದ ಉತ್ತರ ಡಕೋಟಾದಲ್ಲಿ ನಡೆದಿದೆ. ಬೆದರಿಕೆ ಹಾಕಿದ ವ್ಯಕ್ತಿಯನ್ನು ಕ್ಯಾಲೆಬ್ ಬರ್ಸಿಕ್(29) ಎಂದು ಗುರುತಿಸಲಾಗಿದೆ. ಈತ 2 ದಿನಗಳಲ್ಲಿ ತನ್ನ ಫ್ರೆಂಡ್ ರಿಕ್ವೆಸ್ಟ್ ನಿರ್ಲಕ್ಷಿಸಿದ ಮಾಜಿ ಬಾಸ್ ನನ್ನು ಕೊಲೆ ಮಾಡುವುದಾಗಿ ಬೆದರಿಕೆ ಹಾಕಿದ್ದಾನೆ.

2020ರ ಡಿಸೆಂಬರ್ 24ರಮದು ಕ್ಯಾಲೆಬ್ ತನ್ನ ಮಾಜಿ ಬಾಸ್ ಗೆ ಫೇಸ್ ಬುಕ್ ನಲ್ಲಿ ಫ್ರೆಂಡ್ ರಿಕ್ವೆಸ್ಟ್ ಕಳುಹಿಸಿದ್ದಾನೆ. ಆದರೆ ಅವರು ಯಾವುದೋ ಕೆಲಸದ ಒತ್ತಡದಿಂದ ಅಥವಾ ಇನ್ನೇನೋ ಕಾರಣದಿಂದ ಆತನ ಫ್ರೆಂಡ್ ರಿಕ್ವೆಸ್ಟ್ ಸ್ವೀಕರಿಸಲಿಲ್ಲ. ಕೆಲ ಸಮಯ ಕಾದರೂ ಯಾವುದೇ ಪ್ರತಿಕ್ರಿಯೆ ವ್ಯಕ್ತವಾಗದಿದ್ದರಿಂದ ಸಿಟ್ಟುಗೊಂಡ ಕ್ಯಾಲೆಬ್, ಒಂದಾ ನನ್ನ ಫ್ರೆಂಡ್ ರಿಕ್ವೆಸ್ಟ್ ಸ್ವೀಕರಿಸು, ಇಲ್ಲವೆಂದಲ್ಲಿ ನಿನ್ನೆ ಕೊಲೆ ಮಾಡುವುದಾಗಿ ಬೆದರಿಕೆ ಹಾಕಿದ್ದಾನೆ.

ಇಷೆಲ್ಲಾ ಆದ ನಂತರ ಮತ್ತೆ 2 ದಿನಗಳ ಕಾಲ ಕ್ಯಾಲೆಬ್ ಕಾದು ಕುಳಿತಿದ್ದಾನೆ. ಈ ವೇಳೆಯೂ ಮಾಜಿ ಬಾಸ್ ನಿಂದ ಯಾವುದೇ ಪ್ರತಿಕ್ರಿಯೆ ಕಂಡಿಲ್ಲ. ಇದರಿಂದ ಮತ್ತೆ ರೊಚ್ಚಿಗೆದ್ದ ಕ್ಯಾಲೆಬ್, ನೇರವಾಗಿ ಮಾಜಿ ಬಾಸ್ ಮನೆಗೆ ತೆರಳಿ ತನ್ನ ಕಾಲಿನಿಂದ ಬಾಗಿಲನ್ನು ಒದ್ದಿದ್ದಾನೆ. ಅಲ್ಲದೆ ಇತರ ಸಾಮಾಜಿಕ ಜಾಲತಾಣಗಳಲ್ಲಿ ಕೂಡ ಫೋಟೋದೊಂದಿಗೆ ಬೆದರಿಕೆ ಮೇಲೆ ಬೆದರಿಕೆ ಹಾಕಲು ಆರಂಭಿಸಿದ್ದಾನೆ.

ಸದ್ಯ ಘಟನೆಗೆ ಸಂಬಂಧಿಸಿದಂತೆ ಕ್ಯಾಲೆಬ್ ವಿರುದ್ಧ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದು, ಶೀಘ್ರವೇ ನ್ಯಾಯಾಲಯಕ್ಕೆ ಹಾಜರುಪಡಿಸಲಿದ್ದಾರೆ.

Click to comment

Leave a Reply

Your email address will not be published. Required fields are marked *

www.publictv.in