Connect with us

Food

ಸುಲಭವಾಗಿ ಮಾಡಿ ಈರುಳ್ಳಿ ಸಮೋಸಾ

Published

on

ವೀಕೆಂಡ್ ರಜೆಯಲ್ಲಿ ಮನೆಯಲ್ಲಿ ಕಾಲ ಕಳೆಯುವವರು ಹೆಚ್ಚು. ಏನನ್ನಾದರೂ ತಿನ್ನ ಬೇಕು ಎಂದು ನಾಲಿಗೆ ರುಚಿ ರುಚಿಯಾದ ತಿಂಡಿಯನ್ನು ಬಯಸುತ್ತದೆ. ಹೀಗಿರುವಾಗ ರುಚಿಯಾದ ಮತ್ತು ಆರೋಗ್ಯಕರವಾದ ಈರುಳ್ಳಿ ಸಮೋಸವನ್ನು ಮನೆಯಲ್ಲಿಯೇ ಮಾಡಿ ಸವಿಯಿರಿ.

ಬೇಕಾಗುವ ಸಾಮಗ್ರಿಗಳು:
* ಮೈದಾ ಹಿಟ್ಟು- 1 ಕಪ್
* ಗೋಧಿ ಹಿಟ್ಟು -1 ಕಪ್
* ಎಣ್ಣೆ- 2 ಕಪ್
* ಅವಲಕ್ಕಿ_ ಅರ್ಧ ಕಪ್
* ಈರುಳ್ಳಿ- 2 ಕಪ್
* ಹಸಿಮೆಣಸು- 3 ರಿಂದ 4
* ಗರಂ ಮಸಾಲಾ- ಒಂದು
* ಜೀರಿಗೆ ಪೌಡರ್
* ಅರಿಶಿಣ- ಚಿಟಿಕೆ
* ಅಚ್ಚಖಾರದ ಪುಡಿ- 1 ಟೀ ಸ್ಪೂನ್
* ದನಿಯಾ ಪುಡಿ – ಅರ್ಧ ಟೀ ಸ್ಪೂನ್
* ಶುಂಠಿ ಬೆಳ್ಳುಳ್ಳಿ ಪೇಸ್ಟ್- 1 ಟೀ ಸ್ಪೂನ್
* ಕೊತ್ತಂಬರಿ
* ಉಪ್ಪು ರುಚಿಗೆ ತಕ್ಕಷ್ಟು

ಮಾಡುವ ವಿಧಾನ:
* ಒಂದು ಪಾತ್ರೆಗೆ ಮೈದಾ ಮತ್ತು ಗೋಧಿ ಹಿಟ್ಟು ಹಾಕಿ ಚೆನ್ನಾಗಿ ಮಿಶ್ರಣ ಮಾಡಿಕೊಳ್ಳಬೇಕು.
* ಈ ಹಿಟ್ಟಿನ ಮಿಶ್ರಣಕ್ಕೆ ಬಿಸಿ ಎಣ್ಣೆಯನ್ನು ಮೂರರಿಂದ ನಾಲ್ಕು ಟೀ ಸ್ಪೂನ್ ಹಾಕಿ ಚೆನ್ನಾಗಿ ಮಿಶ್ರಣ ಮಾಡಬೇಕು. ನಂತರ ನೀರನ್ನು ಹಾಕಿ ಹಿಟ್ಟನ್ನು ಮೃದುವಾಗಿ ಕಲಸಿಟ್ಟುಕೊಳ್ಳ ಬೇಕು. ಇದನ್ನು ಅರ್ಧ ಗಂಟೆಗಳ ಕಾಲ ಇಟ್ಟಿರಬೇಕು.

* ನಂತರ ಈ ಹಿಟ್ಟಿನಿಂದ ಚಪಾತಿ ಹಾಗೇ ತೆಳುವಾಗಿ ಮಾಡಿಕೊಳ್ಳಬೇಕು. ನಂತರ ಚಪಾತಿಯನ್ನು ಸಣ್ಣ ಉರಿಯ ಬೆಂಕಿಯಲ್ಲಿ ಸ್ವಲ್ಪ ಪ್ರಮಾಣದಲ್ಲಿ ಬೇಯಿಸಿಕೊಳ್ಳಬೇಕು. ನಂತರ ಇವುಗಳನ್ನು ಚೌಕಾಕಾರದಲ್ಲಿ ಕತ್ತರಿಸಿಟ್ಟುಕೊಳ್ಳಬೇಕು.

* ಒಂದು ಪಾತ್ರೆಗೆ ತೆಗೆದುಕೊಂಡು ಈರುಳ್ಳಿ, ಸಣ್ಣದಾಗಿ ಕತ್ತರಿಸಿದ ಹಸಿಮೆಣಸು ಹಾಗೂ ಜೊತೆಯಲ್ಲಿ ಗರಂ ಮಸಾಲಾ, ಜೀರಿಗೆ ಪೌಡರ್, ಚಿಟಿಕೆ ಅರಿಶಿಣ, ಅಚ್ಚಖಾರದ ಪುಡಿ, ದನಿಯಾ ಪುಡಿ, ಶುಂಠಿ ಬೆಳ್ಳುಳ್ಳಿ ಪೇಸ್ಟ್ ಹಾಗೂ ಕೊತ್ತಂಬರಿಯನ್ನು ಹಾಕಿ ಚೆನ್ನಾಗಿ ಮಿಶ್ರಣ ಮಾಡಬೇಕು.

* ನಂತರ ಮೊದಲೇ ತಯಾರಿಸಿಟ್ಟ ತ್ರಿಕೋನಾಕಾರದಲ್ಲಿ ಕತ್ತರಿಸಿದ ಚಪಾತಿಯ ಒಳಗೆ ಈ ಮಿಶ್ರಣವನ್ನು ಹಾಕಿ ಸಮೋಸ ತುಯಾರಿಸಿಟ್ಟುಕೊಳ್ಳಬೇಕು. ನಂತರ ಈ ಮೊದಲೇ ತಯಾರಿಸಿದ ಸಮೋಸವನ್ನು ಚೆನ್ನಾಗಿ ಕಾದಿರುವ ಎಣ್ಣೆಯಲ್ಲಿ ಬಿಟ್ಟು ಕೆಂಪು ಬಣ್ಣ ಬರುವವರೆಗೆ ಫ್ರೈ ಮಾಡಬೇಕು.

ಈಗ ಬಿಸಿಬಿಸಿಯಾದ ಮತ್ತು ರುಚಿಯಾದ ಸಮೋಸ ಸವಿಯಲು ಸಿದ್ಧವಾಗಿದೆ. ಜೊತೆಯಲ್ಲಿ ಟೋಮೆಟೋ ಸಾಸ್ ನೊಂದಿಗೆ ಸವಿಯಿರಿ

Click to comment

Leave a Reply

Your email address will not be published. Required fields are marked *

www.publictv.in