Connect with us

Latest

ಕೂದಲೆಳೆಯ ಅಂತರದಲ್ಲಿ ತಪ್ಪಿತು ಭಾರೀ ಅನಾಹುತ- ಎದೆ ಝಲ್ ಎನ್ನಿಸುತ್ತೆ ವಿಡಿಯೋ

Published

on

– ವೇಗವಾಗಿ ಬಂದ ವಾಹನದಿಂದ ವ್ಯಕ್ತಿ ಪಾರು
– ವಾಹನದ ವೇಗ ನೋಡಿ ಒಂದು ಕ್ಷಣ ನಿಬ್ಬೆರಗಾದ ಪಾದಚಾರಿ

ತಿರುವನಂತಪುರಂ: ನಿತ್ಯ ಹಲವು ಅಪಘಾತಗಳನ್ನು ನೋಡುತ್ತೇವೆ. ಆದರೆ ಇಲ್ಲೊಬ್ಬ ವ್ಯಕ್ತಿ ವೇಗವಾಗಿ ಬರುತ್ತಿದ್ದ ವಾಹನದಿಂದ ಕೂದಲೆಳೆಯ ಅಂತರದಲ್ಲಿ ತಪ್ಪಿಸಿಕೊಂಡಿದ್ದು, ಎದೆ ಝಲ್ ಎನಿಸುವ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ.

ಕೇರಳದ ಕೊಲ್ಲಂ ಜಿಲ್ಲೆಯಲ್ಲಿ ಘಟನೆ ನಡೆದಿದ್ದು, ಸಿಸಿಟಿವಿ ಕ್ಯಾಮೆರಾದಲ್ಲಿ ದೃಶ್ಯ ಸೆರೆಯಾಗಿದೆ. 22 ಸೆಕೆಂಡ್ ಈ ವಿಡಿಯೋ ಕೆಲ ದಿನಗಳಿಂದ ಸಾಮಾಜಿಕ ಜಾಲತಾಣಗಳಲ್ಲಿ ಭಾರೀ ಸದ್ದು ಮಾಡುತ್ತಿದ್ದು, ವಿಡಿಯೋ ನೋಡಿದ ಪ್ರತಿಯೊಬ್ಬರ ಎದೆ ಝಲ್ ಅನ್ನುತ್ತದೆ.

ಪಾದಚಾರಿ ರಸ್ತೆ ಬದಿಯಲ್ಲಿ ನಡೆದುಕೊಂಡು ಹೋಗುತ್ತಿದ್ದು, ಈ ಹಿಂದಿನಿಂದ ವೇಗವಾಗಿ ಬಂದ ವಾಹನ ಅವನ ಪಕ್ಕದಲ್ಲೇ ಕ್ಷಣಮಾತ್ರದಲ್ಲಿ ಕಾಣದ ಹಾಗೆ ತೆರಳುತ್ತದೆ. ವ್ಯಕ್ತಿಗೆ ಡಿಕ್ಕಿ ಹೊಡೆಯುವುದನ್ನು ತಪ್ಪಿಸಿ ವಾಹನ ಚಾಲಕ ಭಾರೀ ವೇಗವಾಗಿ ಪಾದಚಾರಿ ಪಕ್ಕದಲ್ಲಿ ಪಾಸ್ ಆಗುತ್ತದೆ. ವಾಹನ ವೇಗವಾಗಿ ಸಾಗಿದ್ದನ್ನು ನೋಡಿದ ವ್ಯಕ್ತಿ ಒಂದು ಕ್ಷಣ ನಿಬ್ಬರಗಾಗುತ್ತಾನೆ. ವಿಚಲಿತನಾಗಿ ಹಿಂದಕ್ಕೆ ನಡೆದು ಬರಲು ಆರಂಭಿಸುತ್ತಾನೆ. ಈ ವೇಳೆ ಅವನಿಗೆ ಅರಿವಾಗಿ ತುಂಬಾ ಅದೃಷ್ಟವೆಂಬಂತೆ ಪಾರಾದೆ ಎಂದು ಸಮಾಧಾನಪಟ್ಟುಕೊಳ್ಳುತ್ತಾನೆ.

ಟ್ವಿಟ್ಟರ್ ಬಳಕೆದಾರರೊಬ್ಬರು ಈ ವಿಡಿಯೋವನ್ನು ಹಂಚಿಕೊಂಡು ‘ತಿಂಗಳ ಅದೃಷ್ಟಶಾಲಿ ಅವಾರ್ಡ್ ಈ ವ್ಯಕ್ತಿಗೆ ಲಭಿಸಿದೆ’ ಎಂದು ಬರೆದು ವಿಡಿಯೋ ಟ್ವೀಟ್ ಮಾಡಿದ್ದಾರೆ. ಸಾವಿರಾರು ಜನ ಈ ವಿಡಿಯೋ ನೋಡಿದ್ದು, ಸಾಮಾಜಿಕ ಜಾಲತಾಣಗಳಲ್ಲಿ ಸಖತ್ ವೈರಲ್ ಆಗಿದೆ.

Click to comment

Leave a Reply

Your email address will not be published. Required fields are marked *