Connect with us

ಮದರ್ಸ್ ಡೇ ಪ್ರಯುಕ್ತ ಕಿರಿಯ ಮಗನ ಫೋಟೋ ರಿವೀಲ್ ಮಾಡಿದ ಕರೀನಾ ಕಪೂರ್

ಮದರ್ಸ್ ಡೇ ಪ್ರಯುಕ್ತ ಕಿರಿಯ ಮಗನ ಫೋಟೋ ರಿವೀಲ್ ಮಾಡಿದ ಕರೀನಾ ಕಪೂರ್

ಮುಂಬೈ: ಕರೀನಾ ಕಪೂರ್ ಹಾಗೂ ಸೈಫ್ ಅಲಿ ಖಾನ್ ತಮ್ಮ ಎರಡನೇ ಮಗುವನ್ನು ಫೆಬ್ರವರಿ 21ರಂದು ವೆಲ್‍ಕಮ್ ಮಾಡಿದ್ದರು. ಇಷ್ಟು ದಿನ ಅಭಿಮಾನಿಗಳು ಕೂಡ ಈ ಜೋಡಿಯ ಎರಡನೇ ಮಗುವನ್ನು ನೋಡಲು ಕಾತುರದಿಂದ ಕಾಯುತ್ತಿದ್ದರು. ಇದೀಗ ಮದರ್ಸ್ ಡೇ ದಿನದಂದು ಕರೀನಾ ಕಪೂರ್ ತಮ್ಮ ಎರಡನೇ ಮಗನ ಫೋಟೋವನ್ನು ರೀವಿಲ್ ಮಾಡಿದ್ದಾರೆ. ಫೋಟೋದಲ್ಲಿ ತೈಮೂರ್ ಅಲಿ ಖಾನ್ ತನ್ನ ಪುಟ್ಟ ಸಹೋದರನನ್ನು ಕೈನಲ್ಲಿ ಎತ್ತಿಕೊಂಡಿರುವುದನ್ನು ಕಾಣಬಹುದಾಗಿದೆ.

ಕರೀನಾ ಕಪೂರ್ ತಮ್ಮ ಇನ್‍ಸ್ಟಾಗ್ರಾಮ್ ಖಾತೆಯಲ್ಲಿ, ತೈಮೂರ್ ಹಾಗೂ ಕಿರಿಯ ಮಗನ ಮುದ್ದಾದ ಬ್ಲಾಕ್ ಆ್ಯಂಡ್ ವೈಟ್ ಫೋಟೋವನ್ನು ಶೇರ್ ಮಾಡಿಕೊಂಡಿದ್ದು, ಇಂದು ಜಗತ್ತು ಭರವಸೆಯ ಮೇಲೆ ಚಲಿಸುತ್ತಿದೆ. ಇವರಿಬ್ಬರು ನನಗೆ ಭರವಸೆ ನೀಡಿದ್ದಾರೆ. ನಾಳೆಯ ಒಳ್ಳೆಯ ದಿನಗಳೊಂದಿಗೆ ಎಲ್ಲರಿಗೂ ಹ್ಯಾಪಿ ಮದರ್ಸ್ ಡೇ ಎಂದು ಕ್ಯಾಪ್ಷನ್‍ನಲ್ಲಿ ಬರೆಯುವ ಮೂಲಕ ವಿಶ್ ಮಾಡಿದ್ದಾರೆ.

ವಿಶ್ವದ ತಾಯಂದಿರ ದಿನದಂದು ಕರೀನಾ ಕಪೂರ್ ತಮ್ಮ ಇನ್‍ಸ್ಟಾಗ್ರಾಮ್ ಖಾತೆಯಲ್ಲಿ ತಮ್ಮ ಮುದ್ದಾದ ಮಕ್ಕಳ ಬ್ಲಾಕ್ ಆ್ಯಂಡ್ ವೈಟ್ ಫೋಟವನ್ನು ಶೇರ್ ಮಾಡಿಕೊಳ್ಳುವುದರ ಜೊತೆಗೆ ಮಹಿಳೆಯರಿಗೆ ಬಲವಾದ ಸಂದೇಶವನ್ನು ಸಾರಿದ್ದಾರೆ.

Advertisement
Advertisement