ರಾಷ್ಟ್ರ ಪ್ರಶಸ್ತಿ ವಿಜೇತ ಕಂಗನಾ ರಣಾವತ್ ನಟನೆಯ ಧಾಕಡ್ ಸಿನಿಮಾ ಬಾಕ್ಸ್ ಆಫೀಸಿನಲ್ಲಿ ಮಕಾಡೆ ಮಲಗಿದೆ. ಈ ಸಿನಿಮಾವನ್ನು ಜನರಿಗೆ ತೋರಿಸಲು ಚಿತ್ರತಂಡ ಏನೆಲ್ಲ ಹರಸಾಹಸ ಮಾಡುತ್ತಿದೆ. ಆದರೆ, ಕೆಲವರು ಮಾತ್ರ ಕಂಗನಾ ಸಿನಿಮಾ ಸೋತಿದ್ದಕ್ಕೆ ಪಾರ್ಟಿ ಮಾಡುತ್ತಿದ್ದಾರಂತೆ. ಸೋಲನ್ನು ಸಂಭ್ರಮಿಸುತ್ತಿದ್ದಾರಂತೆ. ಅದನ್ನು ಬಹಿರಂಗವಾಗಿಯೂ ಹೇಳಿಕೊಂಡಿದ್ದಾರೆ ನಟಿ ಪಾಯಲ್ ರೋಹಟ್ಗಿ. ಇದನ್ನೂ ಓದಿ : ‘ಧಾಕಡ್’ ಸೋಲಿಗೆ ಕಂಗೆಟ್ಟ ಕಂಗನಾ ರಣಾವತ್ : ವೀಕೆಂಡ್ ನಲ್ಲೂ ವೀಕ್ ಕಲೆಕ್ಷನ್
ಹಲವು ಸಿನಿಮಾ ಮತ್ತು ಧಾರಾವಾಹಿಗಳಲ್ಲಿ ನಟಿಸಿರುವ ಪಾಯಲ್ ರೋಹಟ್ಗಿ ಅವರು, ಕಂಗನಾ ರಣಾವತ್ ನಡೆಸಿಕೊಡುತ್ತಿದ್ದ ಲಾಕ್ ಅಪ್ ರಿಯಾಲಿಟಿ ಶೋನಲ್ಲಿ ಭಾಗಿಯಾಗಿದ್ದರು. ಈ ಸ್ಪರ್ಧೆಯಲ್ಲಿ ಅವರು ಬೇಗನೆ ಆಚೆ ಬಂದರು. ಅದಕ್ಕೆ ಕಾರಣ ಕಂಗನಾ ಅನ್ನುವುದು ಅವರ ಅನಿಸಿಕೆ. ಹೀಗಾಗಿಯೇ ಧಾಕಡ್ ಸಿನಿಮಾ ರಿಲೀಸ್ ಸಂದರ್ಭದಲ್ಲೇ ಪಾಯಲ್, ಈ ಸಿನಿಮಾ ಸೋಲಲಿ ಎಂದು ಸೋಷಿಯಲ್ ಮೀಡಿಯಾದಲ್ಲಿ ಬರೆದುಕೊಂಡಿದ್ದರು. ಇದನ್ನೂ ಓದಿ : ಶೀಘ್ರದಲ್ಲೇ ಶಿವರಾಜ್ ಕುಮಾರ್ ಮತ್ತು ಪ್ರಭುದೇವ ಸಿನಿಮಾ ಶುರು : ಯೋಗರಾಜ್ ಭಟ್ ನಿರ್ದೇಶಕ
ಮೂರು ದಿನಗಳ ಹಿಂದೆಯಷ್ಟೇ ಕಂಗನಾ ರಣಾವತ್ ನಟನೆಯ ಧಾಕಡ್ ಸಿನಿಮಾ ರಿಲೀಸ್ ಆಗಿದೆ. ಬಾಕ್ಸ್ ಆಫೀಸಿನಲ್ಲಿ ಮುಗ್ಗರಿಸಿದೆ. ಮೂರು ದಿನಗಳ ಒಟ್ಟು ಕಲೆಕ್ಷನ್ ಒಂದು ಕೋಟಿ ಕೂಡ ಆಗಿಲ್ಲ ಎನ್ನುತ್ತಿವೆ ಬಾಕ್ಸ್ ಆಫೀಸ್ ಮೂಲಗಳು. ಇದನ್ನು ತಿಳಿದುಕೊಂಡಿರುವ ಪಾಯಲ್, ಮತ್ತೆ ಇನ್ಸಸ್ಟಾ ಗ್ರಾಮ್ ನಲ್ಲಿ ಸೋತಿರುವ ಸಿನಿಮಾದ ಕುರಿತು ಬರೆದಿದ್ದಾರೆ. ಈ ಸಿನಿಮಾ ಸೋತಿದ್ದು, ನನಗೆ ಹಾಲು ಕುಡಿದಷ್ಟೇ ಖುಷಿಯಾಗಿದೆ ಎಂದು ಬರೆದುಕೊಂಡಿದ್ದಾರೆ. ಇದನ್ನೂ ಓದಿ: ವೀಲ್ಚೇರ್ ರೋಮಿಯೋಗೆ ಮಯೂರಿ ಜೂಲಿಯಟ್ – ‘ಆ’ ಸವಾಲಿನ ಪಾತ್ರ ಒಪ್ಪಿಕೊಂಡಿದ್ದರ ಹಿಂದಿದೆ ಒಂದು ಕಥಾನಕ!
ಲಾಕ್ ಅಪ್ ಶೋ ನಲ್ಲಿ ಗೆದ್ದಿರುವ ಮುನಾವರ್ ಬಗ್ಗೆಯೂ ಗೇಲಿ ಮಾಡಿರುವ ಪಾಯಲ್, 18 ಲಕ್ಷ ವೋಟು ಪಡೆದುಕೊಂಡು ಗೆದ್ದವರು ಕೂಡ ಈ ಸಿನಿಮಾದ ಪ್ರಚಾರ ಮಾಡಲಿಲ್ಲ. ಯಾರದೋ ಮನೆಗೆ ಪಾರ್ಟಿಗೆ ಹೋಗಿ ಬಂದ ನಂತರ ಕಂಗನಾ ಅವರು ಆ ಹುಡುಗನನ್ನು ಗೆಲ್ಲಿಸಿ ಬಿಟ್ಟರು. ಪಾರ್ಟಿಗೆ ಕರೆಯಿಸಿಕೊಂಡವರು ಕೂಡ ಸಿನಿಮಾ ಪ್ರಚಾರಕ್ಕೆ ಬರಲಿಲ್ಲ ಎಂದು ಗೇಲಿ ಮಾಡಿದ್ದಾರೆ.