Connect with us

Districts

ರಾಜ್ಯದಲ್ಲಿ ಆ್ಯಕ್ಟಿವ್ ಆಗಿದೆ ಆನ್ ಲೈನ್ ವೇಶ್ಯಾವಾಟಿಕೆ ವಂಚನೆ ದಂಧೆ

Published

on

– ಹೇಗೆ ವಂಚಿಸುತ್ತಾರೆ ಗೊತ್ತಾ?

ಕಲಬುರಗಿ: ಇಷ್ಟು ದಿನ ಆನ್‍ಲೈನ್‍ನಲ್ಲಿ ಹಣ ಡಬಲ್ ನೀಡುವುದಾಗಿ ಇಲ್ಲ, ನಿಮಗೆ ಬಹುಮಾನ ಸಿಕ್ಕಿದೆ ಅಂತ ವಂಚಿಸಲಾಗುತ್ತಿತ್ತು. ಆದರೆ ಇದೀಗ ಬಣ್ಣ ಬಣ್ಣದ ಚಿಟ್ಟೆಯಂತಹ ಹುಡುಗಿಯರ ಫೋಟೋವನ್ನು ಯುವಕರಿಗೆ ತೋರಿಸಿ ಡೆಟಿಂಗ್ ಹೆಸರಲ್ಲಿ ವಂಚಿಸುವ ಜಾಲ ಸಕ್ರೀಯವಾಗಿದೆ. ಈ ಜಾಲದ ಬಗ್ಗೆ ಹಲವು ಯುವಕರು ಲಾಗಿನ್ ಆಗಿ ಹಣವನ್ನು ಸಹ ಕಳೆದುಕೊಂಡಿದ್ದಾರೆ. ಹೀಗಿದ್ದರು ಸಹ ಈ ಆನ್‍ಲೈನ್ ವೇಶ್ಯಾವಾಟಿಕೆ ಬಲೆಗೆ ಬೀಳುವ ಯುವಕರ ಸಂಖ್ಯೆ ದಿನದಿಂದ ದಿನಕ್ಕೆ ಹೆಚ್ಚಾಗುತ್ತಿದೆ.

ಯುವಕರನ್ನೇ ಟಾರ್ಗೆಟ್ ಮಾಡುವ ಈ ಆನ್‍ಲೈನ್, ಕಾಲ್‍ಗರ್ಲ್ಸ್ ಅಂದ- ಚೆಂದದ ಯುವತಿಯರ ಫೋಟೋಗಳನ್ನೇ ಕಳುಹಿಸುತ್ತಾರೆ. ಈ ಮೂಲಕ ಯುವಕರ ವೀಕ್‍ನೆಸ್ ಎನ್‍ಕ್ಯಾಶ್ ಮಾಡಿಕೊಂಡ ಆನ್ ಲೈನ್ ಖದೀಮರು ಲೊಕೆಂಟೋ, ಚಾಯ್ಸ್ ಆಫ್ ಲವ್ ಸೇರಿದಂತೆ ಹಲವು ಆ್ಯಪ್‍ಗಳನ್ನು ಕ್ರಿಯೇಟ್ ಮಾಡಿದ್ದಾರೆ. ಆ ಆ್ಯಪ್‍ನಲ್ಲಿ ಹೋಗಿ ನೀವು ಡೆಟಿಂಗ್ ಸಲುವಾಗಿ ಲಾಗಿನ್ ಆದ ಕೂಡಲೇ ನಿಮ್ಮ ಮೊಬೈಲ್‍ಗೆ ಕಾಲ್ ಬರುತ್ತದೆ. ಅದಾದ ಬಳಿಕ ನಿಮ್ಮ ವಾಟ್ಸಪ್‍ಗೆ ಒಂದಕ್ಕಿಂತ-ಒಂದು ಸುಂದರವಾದ ಹುಡುಗಿಯರ ಫೋಟೋಗಳನ್ನು ಕಳುಹಿಸುತ್ತಾರೆ. ನಂತರ ನೀವು ಯಾವ ಜಿಲ್ಲೆ ಅಂತೀರಿ ಅಲ್ಲೇ ಸರ್ವಿಸ್ ನೀಡುವುದಾಗಿ ಹೇಳಿ ನಿಮ್ಮಿಂದ ಆನ್‍ಲೈನ್‍ನಲ್ಲಿ ಹಣ ಪಡೆಯುತ್ತಾರೆ. ಹೀಗೆ ನಿಮ್ಮ ಮೊಬೈಲ್‍ಗೇ ಬಂದ ಈ ರಂಬೆ-ಮೆನಕೆಯರಂತಹ ಫೋಟೋಗಳು ನೋಡಿ ನೀವು ಯಾಮಾರಿದ್ರೆ ನಿಮಗೆ ಮೂರು ನಾಮ ಬಿಳುವುದು ಮಾತ್ರ ಗ್ಯಾರಂಟಿಯಾಗಿದೆ.

ಯುವಕರನ್ನೇ ನೈಸಾಗಿ ವಂಚಿಸಲೆಂದು ಈ ಆನ್ ಲೈನ್ ದಂಧೆಕೋರರು ಕಾಲ್‍ಗರ್ಲ್ಸ್ ಗಳನ್ನು ನೇಮಕ ಮಾಡಿಕೊಂಡಿದ್ದಾರೆ. ನೀವು ಒಂದು ಸಲ ಅಲ್ಲಿ ಲಾಗಿನ್ ಆಗುತ್ತಿದ್ದಂತೆ ಕಾಲ್‍ಗರ್ಲ್ ಗಳು ನೀವು ನೀಡಿರುವ ನಂಬರಿಗೆ ಕರೆ ಮಾಡಿ ಯುವಕರನ್ನು ಬುಟ್ಟಿಗೆ ಹಾಕಿಕೊಳ್ಳುತ್ತಾರೆ. ಬಳಿಕ ನಿಮ್ಮ ನಂಬರಿಗೆ ಅವರ ಅಕೌಂಟ್ ನಂಬರ್ ಮೆಸೇಜ್ ಹಾಕುತ್ತಾರೆ. ಅಲ್ಲಿಂದ ನೀವು ಎಲ್ಲಿತನಕ ಅವರು ನೀಡಿದ ಅಕೌಂಟ್‍ಗೇ ಹಣ ಹಾಕುವುದಿಲ್ಲವೋ ಅಲ್ಲಿಯವರೆಗೆ ಪದೇ ಪದೇ ಕಾಲ್ ಮಾಡುತ್ತಾನೆ ಇರುತ್ತಾರೆ.

ಅದೇ ರೀತಿ ಫ್ರೀ ವೀಡಿಯೋ ಚಾಟ್ ಸಹ ಈ ಆ್ಯಪ್‍ನಲ್ಲಿದೆ. ಅಲ್ಲಿ ಸಹ ಹಲವು ನಂಬರ್ ಗಳನ್ನು ನೀಡಿದ್ದು ನೀವು ಅವರಿಗೆ ವಾಟ್ಸಪ್ ಮೆಸೇಜ್ ಹಾಕುತ್ತಿದ್ದಂತೆಯೇ ಅಲ್ಲಿ ಮೊದಲು ಹಣ ಪಡೆಯಲಾಗುತ್ತದೆ. ಈ ಕಾಲ್‍ಗರ್ಲ್ ಮಾತಿಗೆ ಮರಳಾಗಿ ಈ ಸುಂದರ ಯುವತಿಯರ ಫೋಟೋ ನೋಡಿ ನೀವೆನಾದರೂ ಯಾಮಾರಿ ಅವರ ಅಕೌಂಟ್‍ಗೆ ಹಣ ಹಾಕಿದರೆ ಕೂಡಲೇ ನಿಮ್ಮ ನಂಬರ್ ಅನ್ನು ಬ್ಲ್ಯಾಕ್‍ಲಿಸ್ಟ್ ಗೆ ಹಾಕುತ್ತಾರೆ. ನೀವು ಬೇರೆ ಮೊಬೈಲ್ ಬಳಸಿ ಅವರಿಗೇ ಕಾಲ್ ಮಾಡಿದರೂ ಆ ನಂಬರ್ ನಾಟ್ ರಿಚೆಬಲ್ ಎಂದು ಬರುತ್ತದೆ.

ಸದ್ಯ ಈ ಜಾಲ ದೂರದ ಮುಂಬೈ-ದೆಹಲಿ ಸೇರಿದಂತೆ ಹಲವೆಡೆ ತಮ್ಮ ಕಚೇರಿಯನ್ನು ಹೊಂದಿದ್ದು, ಅಲ್ಲಿಂದಲೇ ಚೆಂದುಳ್ಳಿ ಚೆಲುವೆಯರ ಫೋಟೋ ತೋರಿಸಿ ಯುವಕರಿಗೆ ವಂಚಿಸುತ್ತಿರುವುದು ಬೆಳಕಿಗೆ ಬಂದಿದೆ.