Connect with us

Bengaluru City

`ಶಿವ-ರಾಜ-ಕುಮಾರ’ನನ್ನು ವರ್ಣಿಸಿ ಹುಟ್ಟುಹಬ್ಬಕ್ಕೆ ಶುಭಕೋರಿದ ಜಗ್ಗೇಶ್

Published

on

ಬೆಂಗಳೂರು: ಇಂದು ಹ್ಯಾಟ್ರಿಕ್ ಹೀರೋ ಶಿವರಾಜ್‍ಕುಮಾರ್ ಅವರು ತಮ್ಮ 57ನೇ ಹುಟ್ಟುಹಬ್ಬದ ಸಂಭ್ರಮದಲ್ಲಿ ಇದ್ದಾರೆ. ಈ ಮಧ್ಯೆ ನವರಸ ನಾಯಕ ಜಗ್ಗೇಶ್ ಅವರು ಶಿವರಾಜ್‍ಕುಮಾರ್ ಹೆಸರಿನ ಅರ್ಥ ವರ್ಣಿಸಿ ಪ್ರೀತಿಯಿಂದ ವಿಶ್ ಮಾಡಿದ್ದಾರೆ.

ಶಿವರಾಜ್‍ಕುಮಾರ್ ಅವರ ಹೆಸರಿನ ಅರ್ಥವನ್ನು ಬಣ್ಣಿಸಿ ಜಗ್ಗೇಶ್ ಅವರು ಇನ್‍ಸ್ಟಾಗ್ರಾಮ್ ಹಾಗೂ ಟ್ವಿಟ್ಟರ್ ನಲ್ಲಿ ಶುಭಕೋರಿದ್ದಾರೆ. ಹಾಗೆಯೇ ಅವರು ಬೇಗ ಗುಣಮುಖರಾಗಿ ಬಂದು ಕನ್ನಡಿಗರನ್ನು ರಂಜಿಸಿ, ನಿಮ್ಮ ಅಭಿಮಾನಿಗಳಂತೆ ನಾನು ನಿಮ್ಮ ಹೊಸಚಿತ್ರಕ್ಕೆ ಕಾಯುತ್ತಿರುವೆ ಎಂದು ಶಿವರಾಜ್‍ಕುಮಾರ್ ಹಾಗೂ ಪುನೀತ್ ರಾಜ್‍ಕುಮಾರ್ ಅವರೊಟ್ಟಿಗೆ ತಾವು ಹಾಗೂ ತಮ್ಮ ಪತ್ನಿ ಪರಿಮಳ ಅವರು ಇರುವ ಫೋಟೋವನ್ನು ಹಾಕಿ ಅಪ್ಲೋಡ್ ಮಾಡಿದ್ದಾರೆ.

ಪೋಸ್ಟ್ ನಲ್ಲಿ ಏನಿದೆ?
ನಲ್ಮೆಯ ಸಹೋದರ ಶಿವರಾಜಕುಮಾರ ಹುಟ್ಟುಹಬ್ಬಕ್ಕೆ ನನ್ನ ಕುಟುಂಬವರ್ಗದ ಆತ್ಮೀಯ ಶುಭಹಾರೈಕೆ. ಬೇಗ ಗುಣಮುಖರಾಗಿ ಬಂದು ಕನ್ನಡಿಗರ ರಂಜಿಸಲು ಅಣಿಯಾಗಿ. ನಿಮ್ಮ ಅಭಿಮಾನಿಗಳಂತೆ ನಾನು ನಿಮ್ಮ ಹೊಸಚಿತ್ರಕ್ಕೆ ಕಾಯುತ್ತಿರುವೆ. ನಿಮ್ಮ ದೈಹಿಕ ಬಾದೆ ಕ್ಷಣಿಕ! ಎಲ್ಲಾ ನೋವು ಗೆಲ್ಲುವ ಆತ್ಮವಿಶ್ವಾಸ ನಿಮಗಿದೆ ಕಾರಣ. ನಿಮ್ಮ ಹೆಸರಲ್ಲೇ ಲಯಕಾರಕ ‘ಶಿವ’ಇದ್ದಾನೆ. ಎಲ್ಲರ ಗೆಲ್ಲುವ ಗುಣದ ‘ರಾಜ’ಇದ್ದಾನೆ. ಶತ್ರುಗಳ ಪ್ರೀತಿಯನ್ನು ಪಡೆಯುವ ಶಕ್ತಿಕೊಡುವ ‘ಕುಮಾರ’ ಶಿವನ ಎರಡನೇ ಪುತ್ರ ಶತ್ರುಸಂಹಾರಕ ಸ್ಕಂದನು ಇದ್ದಾನೆ. ಒಟ್ಟಾರೆ #ಶಿವ-ರಾಜ-ಕುಮಾರ ಕನ್ನಡದ ಆಸ್ತಿ. ಶುಭಮಸ್ತು, ಲವ್ ಯು ಸಹೋದರ ಎಂದು ಬರೆದು ಪೋಸ್ಟ್ ಮಾಡಿ ಶುಭಕೋರಿದ್ದಾರೆ.

ಶಿವಣ್ಣ ಅವರು ಕಳೆದ ಆರು ತಿಂಗಳಿನಿಂದ ಭುಜದ ನೋವಿನಿಂದ ಬಳಲುತ್ತಿದ್ದರು. ಹೀಗಾಗಿ ಕೆಲ ದಿನಗಳ ಹಿಂದೆಯಷ್ಟೇ ಶಸ್ತ್ರ ಚಿಕಿತ್ಸೆಗಾಗಿ ಲಂಡನ್‍ಗೆ ತೆರಳಿದ್ದರು. ಗುರುವಾರ ಅವರ ಶಸ್ತ್ರಚಿಕಿತ್ಸೆ ಯಶ್ವಸಿಯಾಗಿ ನಡೆದಿತ್ತು. ಶಿವಣ್ಣ ಅವರ ಜೊತೆ ಪತ್ನಿ ಗೀತಾ ಶಿವರಾಜ್ ಕುಮಾರ್, ಪುತ್ರಿ ನಿವೇದಿತಾ ಕೂಡ ಲಂಡನ್‍ಗೆ ತೆರಳಿದ್ದಾರೆ. ಪುನೀತ್ ರಾಜಕುಮಾರ್ ಅವರು ಕೂಡ ಲಂಡನ್‍ಗೆ ತೆರಳಿ ಅವರ ಆರೋಗ್ಯವನ್ನು ನೋಡಿಕೊಳ್ಳುತ್ತಿದ್ದಾರೆ.

ಶಿವರಾಜ್‍ಕುಮಾರ್ ಕೇಕ್ ಕತ್ತರಿಸುವ ಮೂಲಕ ತಮ್ಮ ಕುಟುಂಬದ ಜೊತೆ ಹುಟ್ಟುಹಬ್ಬ ಆಚರಿಸಿಕೊಂಡಿದ್ದಾರೆ. ಈ ವೇಳೆ ನಟ ಪುನೀತ್ ರಾಜ್‍ಕುಮಾರ್ ಅವರು ಕೂಡ ತಮ್ಮ ಅಣ್ಣನ ಹುಟ್ಟುಹಬ್ಬದ ಸಂಭ್ರಮದಲ್ಲಿ ಭಾಗಿಯಾಗಿದ್ದಾರೆ. ವಿಶೇಷ ಎಂದರೆ ಈ ಹುಟ್ಟುಹಬ್ಬದಂದು ಶಿವಣ್ಣ ಅಧಿಕೃತವಾಗಿ ಫೇಸ್‍ಬುಕ್ ಹಾಗೂ ಟ್ವಿಟ್ಟರ್ ಖಾತೆಯನ್ನು ತೆರೆದಿದ್ದಾರೆ. ಈ ಬಗ್ಗೆ ಅವರು ಇನ್‍ಸ್ಟಾಗ್ರಾಮ್ ನಲ್ಲಿ ಪೋಸ್ಟ್ ಹಾಕುವ ಮೂಲಕ ಅಭಿಮಾನಿಗಳಿಗೆ ತಿಳಿಸಿದ್ದಾರೆ.

View this post on Instagram

ನಲ್ಮೆಯ ಸಹೋದರ #ಶಿವರಾಜಕುಮಾರ ಹುಟ್ಟುಹಬ್ಬಕ್ಕೆ ನನ್ನ ಕುಟುಂಬವರ್ಗದ ಆತ್ಮೀಯ ಶುಭಹಾರೈಕೆ… ಬೇಗ ಗುಣಮುಖರಾಗಿ ಬಂದು ಕನ್ನಡಿಗರ ರಂಜಿಸಲು ಅಣಿಯಾಗಿ.. ನಿಮ್ಮ ಅಭಿಮಾನಿಗಳಂತೆ ನಾನು ನಿಮ್ಮ ಹೊಸಚಿತ್ರಕ್ಕೆ ಕಾಯುತ್ತಿರುವೆ.. ನಿಮ್ಮ ದೈಹಿಕ ಬಾದೆ ಕ್ಷಣಿಕ! ಎಲ್ಲಾ ನೋವು ಗೆಲ್ಲುವ ಆತ್ಮವಿಶ್ವಾಸ ನಿಮಗಿದೆ ಕಾರಣ ನಿಮ್ಮ ಹೆಸರಲ್ಲೆ ಲಯಕಾರಕ "ಶಿವ"ಇದ್ದಾನೆ.. ಎಲ್ಲರ ಗೆಲ್ಲುವ ಗುಣದ "ರಾಜ"ಇದ್ದಾನೆ.. ಶತೃಗಳ ಪ್ರೀತಿಯನ್ನು ಪಡೆವ ಶಕ್ತಿಕೊಡುವ "ಕುಮಾರ" ಶಿವನ ಎರಡನೆ ಪುತ್ರ ಶತೃಸಂಹಾರಕ ಸ್ಕಂದನು ಇದ್ದಾನೆ.. ಒಟ್ಟಾರೆ #ಶಿವ-ರಾಜ-ಕುಮಾರ..ಕನ್ನಡದ ಆಸ್ತಿ..ಶುಭಮಸ್ತು…love you ಸಹೋದರ.

A post shared by 𝐉𝐀𝐆𝐆𝐄𝐒𝐇 𝐒𝐇𝐈𝐕𝐀𝐋𝐈𝐍𝐆𝐀𝐏𝐏𝐀 (@actor_jaggesh) on