Connect with us

Latest

7 ರನ್‌ಗಳಿಗೆ 4 ವಿಕೆಟ್‌ ಪತನ – ಭರ್ಜರಿ ಜಯದೊಂದಿಗೆ ಪ್ಲೇ ಆಫ್‌ ಪ್ರವೇಶಿಸಿದ ಮುಂಬೈ

Published

on

– ಪಡಿಕಲ್‌ ಅರ್ಧಶತಕ ವ್ಯರ್ಥ
– ಬುಮ್ರಾ ಬೌಲಿಂಗ್‌ಗೆ ತತ್ತರಿಸಿದ ಆರ್‌ಸಿಬಿ

ಅಬುಧಾಬಿ: ರಾಯಲ್‌ ಚಾಲೆಂಜರ್ಸ್‌ ಬೆಂಗಳೂರು ವಿರುದ್ಧ 5 ವಿಕೆಟ್‌ಗಳ ಜಯ ಸಾಧಿಸಿ 16 ಅಂಕ ಪಡೆದ ಮುಂಬೈ ಇಂಡಿಯನ್ಸ್‌ ಪ್ಲೇ ಆಫ್‌ ಪ್ರವೇಶಿಸಿದೆ. ಈ ಮೂಲಕ ಡ್ರಿಮ್ಸ್‌ ಇಲೆವನ್‌ ಐಪಿಎಲ್‌ನಲ್ಲಿ 48 ಪಂದ್ಯದ ಬಳಿಕ ಮೊದಲ ತಂಡ ಪ್ಲೇ ಆಫ್‌ ಪ್ರವೇಶಿಸಿದಂತಾಯಿತು.

ಗೆಲ್ಲಲು 165 ರನ್‌ಗಳ ಸವಾಲನ್ನು ಪಡೆದ ಮುಂಬೈ 19.1 ಓವರ್‌ಗಳಲ್ಲಿ 5 ವಿಕೆಟ್‌ ನಷ್ಟಕ್ಕೆ 166 ರನ್‌ ಹೊಡೆಯಿತು. ಆರಂಭಿಕ ಆಟಗಾರ ಕ್ವಿಂಟನ್‌ ಡಿ ಕಾಕ್‌ 18 ರನ್‌(19 ಎಸೆತ, 1 ಸಿಕ್ಸರ್‌) ಇಶಾನ್‌ ಕಿಶನ್‌ 25 ರನ್‌(19 ಎಸೆತ, 3 ಬೌಂಡರಿ, 1 ಸಿಕ್ಸರ್‌) ಹೊಡೆದು ಔಟಾದರು. ನಂತರ ಬಂದ ಸೂರ್ಯಕುಮಾರ್‌ ಯಾದವ್‌ ಸ್ಫೋಟಕ ಬ್ಯಾಟಿಂಗ್‌ ಮಾಡಿ ಮುಂಬೈ ತಂಡವನ್ನು ಗೆಲುವಿನ ದಡ ಸೇರಿಸಿದರು.

ಸೂರ್ಯಕುಮಾರ್‌ ಯಾದವ್‌ ಅಜೇಯ 79 ರನ್‌ (43 ಎಸೆತ, 10 ಬೌಂಡರಿ, 3 ಸಿಕ್ಸರ್‌), ಹಾರ್ದಿಕ್‌ ಪಾಂಡ್ಯ 17 ರನ್‌ ಹೊಡೆದು ಔಟಾದರು. ಡೇಲ್‌ ಸ್ಟೇನ್‌ 43 ರನ್‌ ನೀಡಿದರೆ ಮೋರಿಸ್‌ 36 ರನ್‌ ನೀಡಿದರು.

ದಿಢೀರ್‌ ಕುಸಿತ : ಟಾಸ್‌ ಸೋತು ಬ್ಯಾಟಿಂಗ್‌ ಆರಂಭಿಸಿದ ಆರ್‌ಸಿಬಿಯ ಆರಂಭ ಉತ್ತಮವಾಗಿತ್ತು. ಫಿಲಿಪ್‌ ಮತ್ತು ಪಡಿಕಲ್‌ ಮೊದಲ ವಿಕೆಟಿಗೆ 7.5 ಓವರ್‌ಗಳಲ್ಲಿ 71 ರನ್‌ ಹೊಡೆದರು. ಫಿಲಿಪ್‌ 33 ರನ್‌(24 ಎಸೆತ, 4 ಬೌಂಡರಿ, 1 ಸಿಕ್ಸರ್‌) ಹೊಡೆದು ಸ್ಟಂಪ್‌ ಔಟಾದರು. 16.5 ಓವರ್‌ ಗಳ ಕಾಲ ಕ್ರೀಸಿನಲ್ಲಿದ್ದ ಪಡಿಕಲ್‌ 74 ರನ್‌( 45 ಎಸೆತ, 12 ಬೌಂಡರಿ, 1 ಸಿಕ್ಸರ್)‌ ಹೊಡೆದು ಔಟಾದರು.

131 ರನ್‌ಗಳಿಗೆ 2 ವಿಕೆಟ್‌ ಕಳೆದುಕೊಂಡು ಉತ್ತಮ ಸ್ಥಿತಿಯಲ್ಲಿದ್ದ ಆರ್‌ಸಿಬಿ 7 ರನ್‌ ಗಳಿಸುವಷ್ಟರಲ್ಲಿ ಅಮೂಲ್ಯವಾದ 4 ವಿಕೆಟ್‌ ಕಳೆದುಕೊಂಡಿತು.

ಎಬಿಡಿ, ಶಿವಂ ದುಬೆ, ಪಡಿಕಲ್‌ ಅವರನ್ನು ಬುಮ್ರಾ ಔಟ್‌ ಮಾಡಿದರೆ ಮೋರಿಸ್‌ ಅವರನ್ನು ಬೌಲ್ಟ್‌ ಪೆವಿಲಿಯನ್‌ಗೆ ಕಳುಹಿಸಿದರು. ಎಬಿಡಿ 15 ರನ್‌, ಗುರುಕೀರತ್‌ ಸಿಂಗ್‌ 10, ವಾಷಿಂಗ್ಟನ್‌ ಸುಂದರ್‌ 10 ರನ್‌ ಹೊಡೆದರು.

4 ಓವರ್‌ನಲ್ಲಿ 1 ಮೇಡನ್‌ ಮಾಡಿ 3 ವಿಕೆಟ್‌ ಕಿತ್ತು 14 ರನ್‌ ನೀಡಿದ ಬುಮ್ರಾ ಆರ್‌ಸಿಬಿ ರನ್‌ ವೇಗಕ್ಕೆ ಕಡಿವಾಣ ಹಾಕಿದರು.

 

Click to comment

Leave a Reply

Your email address will not be published. Required fields are marked *