Connect with us

Cricket

‘ರಾಹುಲ್, ನಾಮ್ ತೋ ಸುನಾ ಹೋಗಾ’- ತ್ರಿಪಾಠಿಗೆ ಶಾರುಖ್ ಖಾನ್ ಮೆಚ್ಚುಗೆ

Published

on

ಅಬುಧಾಬಿ: ಕೋಲ್ಕತ್ತಾ ನೈಟ್ ರೈಡರ್ಸ್ ಸಹ ಮಾಲೀಕ ಶಾರುಖ್ ಖಾನ್ ತಮ್ಮ ತಂಡ ಚೆನ್ನೈ ಸೂಪರ್ ಕಿಂಗ್ಸ್ ವಿರುದ್ಧ ಪಡೆದ 10 ರನ್ ಗಳ ಜಯವನ್ನು ಸಿನಿಮಾ ಡೈಲಾಗ್ ಹೇಳುವ ಮೂಲಕ ಸಂಭ್ರಮಿಸಿದ್ದಾರೆ.

ಪಂದ್ಯದಲ್ಲಿ 81 ರನ್ ಸಿಡಿಸಿ ಪಂದ್ಯ ಶ್ರೇಷ್ಠ ಪ್ರಶಸ್ತಿಯನ್ನು ಪಡೆದ ರಾಹುಲ್ ತ್ರಿಪಾಠಿಗೆ ಮೆಚ್ಚುಗೆ ಸೂಚಿಸಿದ ಶಾರುಖ್ ಕಾನ್, ಕುಚ್ ಕುಚ್ ಹೋತಾ ಹೈ ಸಿನಿಮಾದ ನಾಮ್ ತೋ ಸುನಾ ಹೋಗಾ ಎಂಬ ಡೈಲಾಗ್ ಹೇಳುವ ಮೂಲಕ ಶಹಭಾಸ್ ಗಿರಿ ನೀಡಿದ್ದಾರೆ.

ರಾಹುಲ್ ಹೆಸರು ಶಾರುಖ್ ಖಾನ್ ಅವರ ಚಲನಚಿತ್ರ ವೃತ್ತಿಜೀವನದಲ್ಲಿ ಹಲವು ಸಿನಿಮಾಗಳಲ್ಲಿ ಬಳಸಿದ ಸ್ಕ್ರೀನ್ ನೇಮ್‍ಗಳಲ್ಲಿ ಒಂದು. 1197 ರಲ್ಲಿ ತೆರೆಕಂಡಿದ್ದ ‘ದಿಲ್ ತೋ ಪಾಗಲ್ ಹೈ’ ಸಿನಿಮಾದಲ್ಲಿ ಮೊದಲ ಬಾರಿಗೆ ರಾಹುಲ್ ಹೆಸರು ಬಳಸಲಾಗಿತ್ತು.

ಇತ್ತ ನಿನ್ನೆಯ ಪಂದ್ಯದಲ್ಲಿ ಕೋಲ್ಕತ್ತಾ ನೈಟ್ ರೈಡರ್ಸ್ ತಂಡ ಶುಭ್‍ಮನ್ ಗಿಲ್ ಅವರೊಂದಿಗೆ ರಾಹುಲ್ ತ್ರಿಪಾಠಿರನ್ನು ಕಣಕ್ಕಿಳಿಸುವ ಮೂಲಕ ಹೊಸ ಆರಂಭಿಕ ಜೋಡಿಗೆ ಅವಕಾಶ ನೀಡಿತ್ತು. ಸಿಕ್ಕ ಅವಕಾಶವನ್ನು ಜವಾಬ್ದಾರಿಯುತವಾಗಿ ಬಳಿಸಿಕೊಂಡ ತ್ರಿಪಾಠಿ ತಂಡದ ಗೆಲುವಿಗೆ ಪ್ರಮುಖ ಕೊಡುಗೆ ನೀಡಿದ್ದರು. 51 ಎಸೆತಗಳಲ್ಲಿ 81 ಸಿಡಿಸಿ ಮಿಂಚಿದ 29 ವರ್ಷದ ತ್ರಿಪಾಠಿ ಪಂದ್ಯ ಶ್ರೇಷ್ಠ ಪ್ರಶಸ್ತಿಯನ್ನು ಪಡೆದರು. ಇದುವರೆಗೂ ರಾಹುಲ್ ತ್ರಿಪಾಠಿ 20 ಪಂದ್ಯಗಳಲ್ಲಿ ಆರಂಭಿಕರಾಗಿ ಕಣಕ್ಕೆ ಇಳಿದಿದ್ದು, 34.61ರ ಸರಾಸರಿಯಲ್ಲಿ 650 ಪ್ಲಸ್ ರನ್ ಗಳಿಸಿದ್ದಾರೆ.

Click to comment

Leave a Reply

Your email address will not be published. Required fields are marked *