Connect with us

Latest

ಟೀಂ ಇಂಡಿಯಾ ಆಟಗಾರರ ಬಿಲ್ ಪಾವತಿಸಿದ ಫ್ಯಾನ್- ವಿಡಿಯೋ ಫುಲ್ ವೈರಲ್

Published

on

ಮೆಲ್ಬರ್ನ್: ಆಸ್ಟ್ರೇಲಿಯಾದ ವಿರುದ್ಧದ ಟೆಸ್ಟ್ ಸರಣಿಗೆಂದು ಹೋಗಿರುವ ಭಾರತೀಯ ಆಟಗಾರರ ಊಟದ ಬಿಲ್ ಪಾವತಿಸುವ ಮೂಲಕ ಅಭಿಮಾನಿಯೊಬ್ಬ ತನ್ನ ಅಭಿಮಾನವನ್ನು ಮೆರೆದಿದ್ದಾನೆ.

ತಮ್ಮ ನೆಚ್ಚಿನ ಆಟಗಾರರ ಹತ್ತಿರ ಒಂದು ಆಟೋಗ್ರಾಫ್ ತೆಗೆದುಕೊಳ್ಳುವುದು ಇತ್ತೀಚೆಗೆ ಕಷ್ಟವಾಗಿದೆ. ಆದ್ರೆ ಅಭಿಮಾನಿ ನವಲ್‌ದೀಪ್‌ ಸಿಂಗ್‌  ಆಟಗಾರರ ಹೋಟೆಲ್ ಬಿಲ್ ಪಾವತಿಸುವುದರ ಜೊತೆಗೆ ಸುಲಭವಾಗಿ ಫೋಟೊವನ್ನು ಕ್ಲಿಕ್ಕಿಸಿಕೊಂಡಿದ್ದಾನೆ. ಜೊತೆಗೆ ಅವರು ಕುಳಿತು ವಿಶ್ರಾಂತಿ ಪಡೆಯುತ್ತಿರುವ ಪುಟ್ಟ ವಿಡಿಯೋ ತುಣುಕನ್ನು ಸೋಷಿಯಲ್ ಮೀಡಿಯಾದಲ್ಲಿ ಶೇರ್ ಮಾಡಿಕೊಂಡಿದ್ದಾನೆ.

ಟೆಸ್ಟ್ ಪಂದ್ಯಕ್ಕಾಗಿ ಆಸ್ಟ್ರೇಲಿಯಾದ ಮೆಲ್ಬರ್ನ್‍ಗೆ ಹೋಗಿರುವ ಭಾರತೀಯ ಆಟಗಾರರು ಅಲ್ಲಿನ ರೆಸ್ಟೋರೆಂಟ್ ಒಂದಕ್ಕೆ ಭೇಟಿ ನೀಡಿದ ಸಂದರ್ಭದಲ್ಲಿ ಅಲ್ಲಿಗೆ ಪತ್ನಿ ಜೊತೆ ಅಭಿಮಾನಿ ನವ್‍ದೀಪ್ ಸಿಂಗ್ ಬಂದಿದ್ದಾರೆ.

ತಮ್ಮ ಮುಂದಿನ ಟೇಬಲ್‍ನಲ್ಲಿ ಕುಳಿತ್ತಿದ್ದ ರೋಹಿತ್ ಶರ್ಮಾ, ನವ್‍ದೀಪ್ ಸೈನಿ, ರಿಷಬ್ ಪಂತ್ ಮತ್ತು ಶುಭ್‍ಮನ್ ಗಿಲ್‍ನನ್ನು ಗುರುತಿಸಿ ಸಂತಸಗೊಂಡಿದ್ದಾರೆ. ಅವರ ಮುಂದಿನ ಟೇಬಲ್‍ನಲ್ಲಿಯೇ ಕ್ರಿಕೆಟ್ ತಾರೆಯರು ಕುಳಿತಿರುವುದನ್ನು ನೋಡಿ ಹೊಟ್ಟೆ ಹಸಿವಿಲ್ಲದಿದ್ದರೂ ಏನಾದರೂ ಆರ್ಡರ್ ಮಾಡಿ ಕುಳಿತುಕೊಂಡು ಕ್ರಿಕೆಟ್ ತಾರೆಯನ್ನು ನೋಡಿ ಕಣ್ತುಂಬಿಕೊಂಡಿದ್ದಾರೆ.

ಆಟಗಾರರು ಆರ್ಡರ್ ಮಾಡಿದ್ದ ಫುಡ್ ಬಿಲ್‍ನನ್ನು ಕೂಡ ನವಲ್‌ದೀಪ್‌  ಪಾವತಿಸಿದ್ದಾನೆ. ನಂತರ ರೋಹಿತ್ ಶರ್ಮಾ ರೆಸ್ಟೋರೆಂಟ್‍ನವರ ಬಳಿ ಬಿಲ್ ಕೇಳಿದಾಗ ಅಭಿಮಾನಿಯೊಬ್ಬರು ಈಗಾಗಲೇ ಬಿಲ್ ಪಾವತಿಸಿರುವುದಾಗಿ ತಿಳಿಸಿದ್ದಾರೆ.

ಯಾರು ಎಂದು ತಿಳಿದ ರೋಹಿತ್ ಮತ್ತು ಕ್ರಿಕೆಟಿಗರು ಸಂಕೋಚದಿಂದ ಹಣವನ್ನು ಅಭಿಮಾನಿ ನವಲ್‌ದೀಪ್‌ ಹಿಂತಿರುಗಿಸಲು ಹೋದಾಗ ನವಲ್‌ದೀಪ್‌,  ಬೇಡ ಸರ್ ಇದು ಅಭಿಮಾನಿಯ ಅಭಿಮಾನದ ಪ್ರೀತಿ ನಿರಾಕರಿಸಬೇಡಿ ಎಂದು ಮನವಿ ಮಾಡಿದ್ದಾರೆ.

ಲಂಚ್ ಕೊಡಿಸಿದ್ದಕ್ಕೆ ಥ್ಯಾಂಕ್ಸ್ ಬಾಬಿ ಎಂದು ಪಂತ್ ಹೇಳಿದ್ದಾರೆ. ಜೊತೆಗೆ ಕ್ರಿಕೆಟಿಗರ ಜೊತೆ ನಿಂತು ನವಲ್‌ದೀಪ್‌ ಫೋಟೋ ಕ್ಲಿಕ್ಕಿಸಿಕೊಂಡಿದ್ದು, ಪಾವತಿಸಿದ ಬಿಲ್, ಫುಡ್, ಫೋಟೋ ಮತ್ತು ಸಣ್ಣ ವಿಡಿಯೋವನ್ನು ಸೋಷಿಯಲ್ ಮೀಡಿಯಾನಲ್ಲಿ ಶೇರ್ ಮಾಡಿ ಸಂತಸ ವ್ಯಕ್ತಪಡಿಸಿದ್ದಾರೆ.

Click to comment

Leave a Reply

Your email address will not be published. Required fields are marked *

www.publictv.in