Connect with us

Latest

ನವೆಂಬರಿನಲ್ಲಿ 4 ಯುದ್ಧ ವಿಮಾನ ಸೇರ್ಪಡೆ – ವಾಯುಸೇನೆಯಲ್ಲಿ ಹೆಚ್ಚಲಿದೆ ರಫೇಲ್ ಬಲ

Published

on

ನವದೆಹಲಿ: ಭಾರತ ಮತ್ತು ಚೀನಾ ನಡುವೆ ಪೂರ್ವ ಲಡಾಕ್ ಗಡಿಯಲ್ಲಿ ಉದ್ವಿಗ್ನ ಪರಿಸ್ಥಿತಿ ನಿರ್ಮಾಣವಾಗಿರುವ ಹೊತ್ತಲ್ಲಿ ಭಾರತೀಯ ವಾಯು ಸೇನೆಗೆ ಮತ್ತಷ್ಟು ಬಲ ಬರುವ ಲಕ್ಷಣಗಳು ಗೋಚರಿಸುತ್ತಿದೆ.

ನವೆಂಬರ್ ಮೊದಲ ವಾರದಲ್ಲಿ ಎರಡನೇ ಹಂತದಲ್ಲಿ ಭಾರತಕ್ಕೆ 3-4 ರಫೇಲ್ ಯುದ್ಧ ವಿಮಾನಗಳು ಬರುವ ಸಾಧ್ಯತೆಗಳಿದೆ. ಮೊದಲ ಹಂತದಲ್ಲಿ ಐದು ವಿಮಾನಗಳು ಭಾರತೀಯ ವಾಯು ಸೇನೆ ಸೇರಿದ್ದು, ಎರಡನೇ ಹಂತದಲ್ಲಿ 3-4 ವಿಮಾನಗಳು ಹರಿಯಾಣದ ಅಂಬಾಲ ವಾಯು ನೆಲೆಗೆ ಬಂದಿಳಿಯಲಿದೆ.

ಎರಡನೇ ಹಂತದಲ್ಲಿ ನಾಲ್ಕು ರಫೇಲ್ ಯುದ್ಧ ವಿಮಾನಗಳನ್ನು ಸೇರ್ಪಡೆ ಹಿನ್ನೆಲೆ ಭಾರತದ ಅಧಿಕಾರಿಗಳ ತಂಡ ಫ್ರಾನ್ಸ್ ಗೆ ತೆರಳಿದೆ. ಅಲ್ಲಿ ಸೇಂಟ್-ಡಿಜಿಯರ್ ವಾಯುನೆಲೆಯ ತರಬೇತಿ ಕೇಂದ್ರಕ್ಕೆ ಭೇಟಿ ನೀಡಲಿದ್ದು, ಯುದ್ಧ ವಿಮಾನಗಳ ತಯಾರಿ ಪರಿಶೀಲನೆ ಮಾಡಲಿದೆ.

ಕಳೆದ ಜುಲೈ 28ರಂದು ಐದು ರಫೇಲ್ ಯುದ್ಧ ವಿಮಾನಗಳು ಭಾರತಕ್ಕೆ ಮೊದಲ ಹಂತದಲ್ಲಿ ಬಂದಿಳಿದ್ದವು ತರಬೇತಿ ಬಳಿಕ ಸೆಪ್ಟೆಂಬರ್ 10ರಂದು ವಾಯುಸೇನೆಗೆ ಅಧಿಕೃತವಾಗಿ ಸೇರ್ಪಡೆ ಮಾಡಲಾಗಿತ್ತು. 2023ರ ವೇಳೆಗೆ ಒಪ್ಪಂದದಂತೆ ಎಲ್ಲಾ 36 ರಫೇಲ್ ವಿಮಾನಗಳು ಭಾರತದಲ್ಲಿರಲಿವೆ.

Click to comment

Leave a Reply

Your email address will not be published. Required fields are marked *