Wednesday, 17th July 2019

Recent News

ರಶೀದ್ ಖಾನ್ ಕಾಲೆಳೆದ ಐಸ್ಲ್ಯಾಂಡ್ – ಬೆಂಬಲಕ್ಕೆ ನಿಂತ ಆಟಗಾರರು

ಲಂಡನ್: ವಿಶ್ವಕಪ್ ಕ್ರಿಕೆಟ್ ಭಾಗವಾಗಿ ನಡೆದ ಇಂಗ್ಲೆಂಡ್ ವಿರುದ್ಧದ ಪಂದ್ಯದಲ್ಲಿ ಅಫ್ಘಾನಿಸ್ತಾನ ಬೌಲರ್ ರಶೀದ್ ಖಾನ್ 110 ರನ್‍ಗಳನ್ನು ನೀಡಿ ಕೆಟ್ಟ ದಾಖಲೆಯನ್ನು ಬರೆದಿದ್ದರು. ಸದ್ಯ ಈ ಬಗ್ಗೆ ಟ್ವೀಟ್ ಮಾಡಿರುವ ಐಸ್ಲ್ಯಾಂಡ್ ಕ್ರಿಕೆಟ್, ರಶೀದ್ ಖಾನ್ ಕಾಲೆಳೆದಿದೆ.

ವಿಶ್ವಕಪ್ ಕ್ರಿಕೆಟ್ ಸರಣಿಗೂ ಮುನ್ನ ಭರವಸೆ ಆಟಗಾರ ಎನಿಸಿಕೊಂಡಿದ್ದ ರಶೀದ್ ಖಾನ್, ಇಂಗ್ಲೆಂಡ್ ವಿರುದ್ಧ ಪಂದ್ಯದಲ್ಲಿ ದುಬಾರಿಯಾಗಿ ಪರಿಣಮಿಸಿದ್ದರು. ಪಂದ್ಯದ ಮೊದಲ 4 ಓವರ್ ಗಳಲ್ಲಿ 29 ರನ್ ಮಾತ್ರ ನೀಡಿದ್ದ ರಶೀದ್ ಖಾನ್, ತಮ್ಮ ಸ್ಪೆಲ್‍ನ ಅಂತಿಮ 5 ಓವರ್ ಗಳಲ್ಲಿ 81 ರನ್ ನೀಡಿದರು. ಪರಿಣಾಮ 9 ಓವರ್ ಗಳಲ್ಲಿ 150 ಬಿಟ್ಟುಕೊಟ್ಟು ವಿಶ್ವಕಪ್ ಇತಿಹಾಸದಲ್ಲಿ ಅತಿ ಹೆಚ್ಚು ರನ್ ಬೌಲರ್ ಎನಿಸಿಕೊಂಡರು. ಅಲ್ಲದೇ ಏಕದಿನ ಕ್ರಿಕೆಟ್ ಪಂದ್ಯದಲ್ಲಿ 100ಪ್ಲಸ್ ರನ್ ಕೊಟ್ಟ ಸಿನ್ನರ್ ಎಂಬ ಅಪಖ್ಯಾತಿಯನ್ನು ಪಡೆದರು.

ಇತ್ತ ರಶೀದ್ ಖಾನ್ ಸ್ಪೆಲ್ ಕುರಿತು ಸಾಮಾಜಿಕ ಜಾಲತಾಣದಲ್ಲಿ ಹಲವರು ಕಮೆಂಟ್ ಮಾಡಿ ಕಾಲೆಳೆದಿದ್ದರು. ಅಲ್ಲದೇ ಹಲವು ಮಿಮ್ಸ್ ಕೂಡ ಹರಿದಾಡಿತ್ತು. ಈ ಸಂದರ್ಭದಲ್ಲಿಯೇ ಟ್ವೀಟ್ ಮಾಡಿರುವ ಐಸ್ಲ್ಯಾಂಡ್ ತಂಡ, ನಾವು ಈಗಷ್ಟೇ ರಶೀದ್ ಖಾನ್ ವಿಶ್ವಕಪ್ ಕ್ರಿಕೆಟಿನಲ್ಲಿ 56 ರನ್ ಗಳಿಗೆ 110 ರನ್ ನೀಡಿ ಶತಕ ಸಿಡಿಸಿದ್ದಾರೆ ಎಂಬ ಮಾಹಿತಿ ಪಡೆದಿದ್ದೇವೆ. ಉತ್ತಮ ಬ್ಯಾಟಿಂಗ್ ಮ್ಯಾನ್ ಎಂದು ತಿಳಿಸಿತ್ತು.

ಕ್ರಿಕೆಟ್ ಸಂಸ್ಥೆಯ ಈ ಟ್ವೀಟಿಗೆ ಕಿಡಿಕಾರಿರುವ ಹಲವು ಹಿರಿಯ ಆಟಗಾರರು, ರಶೀದ್ ಖಾನ್ ಪರ ಬ್ಯಾಟ್ ಮಾಡಿ ಬೆಂಬಲ ಸೂಚಿಸಿದ್ದಾರೆ. ರಶೀದ್ ಖಾನ್ ವಿಶ್ವ ಮಟ್ಟದ ಬೌಲರ್ ಆಗಿದ್ದು, ಎಲ್ಲಾ ಆಟಗಾರರ ಜೀವನದಲ್ಲೂ ಇಂತಹ ಒಂದು ಸಂದರ್ಭ ಎದುರಾಗುತ್ತದೆ ಎಂದು ಬರೆದುಕೊಂಡಿದ್ದಾರೆ. ಅಂದಹಾಗೇ ಈ ಹಿಂದೆ ಅಫ್ಘಾನಿಸ್ತಾನ ಬೌಲರ್ ಸೈಬ್ 101 ರನ್ ನೀಡಿದ್ದರು. ರಶೀದ್ ಖಾನ್ ಬೌಲಿಂಗ್ ನಲ್ಲಿ ಇಂಗ್ಲೆಂಡ್ ತಂಡದ ಆಟಗಾರರು 11 ಸಿಕ್ಸರ್ ಗಳನ್ನು ಸಿಡಿಸಿದ್ದರು.

Leave a Reply

Your email address will not be published. Required fields are marked *