Connect with us

Bengaluru City

ಪ್ರಿಯಾಂಕಾ ಜೊತೆ ನನ್ನ ಮದುವೆ ಆಗಿದೆ: ಶೈನ್ ಶೆಟ್ಟಿ

Published

on

ಬೆಂಗಳೂರು: ಬಿಗ್ ಬಾಸ್ ಸೀಸನ್-7 ಸ್ಪರ್ಧಿ ಶೈನ್ ಶೆಟ್ಟಿ ನನ್ನ ಹಾಗೂ ಪ್ರಿಯಾಂಕಾ ಮದುವೆ ಆಗಿದೆ ಎಂಬ ಹೇಳಿಕೆಯೊಂದನ್ನು ನೀಡಿದ್ದಾರೆ.

ಬುಧವಾರ ಟಾಸ್ಕ್ ಮುಗಿದ ನಂತರ ಶೈನ್ ಶೆಟ್ಟಿ ಹಾಗೂ ಕುರಿ ಪ್ರತಾಪ್, ಪ್ರಿಯಾಂಕಾ ಜೊತೆ ಮಾತನಾಡುತ್ತಿದ್ದರು. ಈ ವೇಳೆ ಶೈನ್, ಪ್ರಿಯಾಂಕಾ ಜೊತೆ ನನ್ನ ಮದುವೆ ಆಗಿದ್ದು, ಮಗು ಕೂಡ ಇದೆ. ನಮ್ಮ ಮಗುವನ್ನು ನಮ್ಮ ತಾಯಿ ನೋಡಿಕೊಳ್ಳುತ್ತಿದ್ದಾರೆ ಎಂದು ಹೇಳಿದ್ದಾರೆ.

ಇದನ್ನು ಕೇಳಿಸಿಕೊಂಡ ಪ್ರಿಯಾಂಕಾ, ಶೈನ್ ಸುಳ್ಳು ಹೇಳುತ್ತಿದ್ದಾರೆ. ನಮ್ಮಿಬ್ಬರ ಮದುವೆ ಆಗಿಲ್ಲ ಎಂದು ಸ್ಪಷ್ಟನೆ ನೀಡಿದರು. ಸ್ವಲ್ಪ ಹೊತ್ತಿನ ನಂತರ ಮತ್ತೆ ಶೈನ್, ಪ್ರಿಯಾಂಕಾ ಅವರಿಗೆ ರೇಗಿಸಲು ಶುರು ಮಾಡಿದ್ದರು. ಈ ವೇಳೆ ಗಾಯಕ ವಾಸುಕಿ ವೈಭವ್ ಕೂಡ ಪ್ರಿಯಾಂಕಾಗೆ, ಶೈನ್ ಹೆಸರು ಹೇಳುವ ಮೂಲಕ ರ‍್ಯಾಗ್ ಮಾಡುತ್ತಿದ್ದರು.

ಶೈನ್ ಹಾಗೂ ವಾಸುಕಿ ರೇಗಿಸುವುದನ್ನು ಜಾಸ್ತಿ ಮಾಡಿದ್ದಾಗ ಪ್ರಿಯಾಂಕಾ ಕ್ಯಾಮೆರಾ ಮುಂದೆ ಹೋಗಿ ಬಿಗ್ ಬಾಸ್ ಮನೆ ಹೊರಗೆ ನನಗೊಂದು ಜೀವನ ಇದೆ. ಅದನ್ನು ಇವರು ಹಾಳು ಮಾಡುತ್ತಿದ್ದಾರೆ. ದಯವಿಟ್ಟು ಇದನ್ನು ನಿಲ್ಲಿಸಲು ಹೇಳಿ ಬಿಗ್ ಬಾಸ್ ಬಳಿಕ ಮನವಿ ಮಾಡಿಕೊಂಡಿದ್ದಾರೆ.

ಇದಾದ ಬಳಿಕವೂ ಶೈನ್, ಪ್ರಿಯಾಂಕಾ ಅವರನ್ನು ರೇಗಿಸಲು ಶುರು ಮಾಡಿದ್ದರು. ಆಗ ಪ್ರಿಯಾಂಕಾ, ಈಗ ಶೈನ್ ನನ್ನ ಅಣ್ಣ. ನಾನು ಅವರಿಗೆ ರಾಖಿ ಕಟ್ಟುತ್ತೇನೆ ಎಂದು ಹೇಳುವ ಮೂಲಕ ಕೈಯಲ್ಲಿದ್ದ ಬ್ಯಾಂಡ್ ಅನ್ನು ಶೈನ್‍ಗೆ ಕಟ್ಟಲು ಪ್ರಯತ್ನಿಸುತ್ತಾರೆ. ಆದರೆ ಶೈನ್ ರಾಖಿ ಕಟ್ಟಿಸಿಕೊಳ್ಳಲಿಲ್ಲ.

ಶೈನ್ ತಮಾಷೆಗಾಗಿ ಪ್ರಿಯಾಂಕಾ ಅವರ ಜೊತೆ ಮದುವೆ ಆಗಿದ್ದೇನೆ ಎಂದು ಹೇಳಿದ್ದಾರೆ. ಈ ಮೊದಲು ಪ್ರಿಯಾಂಕಾ ಸ್ನಾನಕ್ಕೆ ಹೋಗಬೇಕು ಎಂದಾಗ ಕುರಿ ಪ್ರತಾಪ್ ಹಾಗೂ ಶೈನ್ ಅವರಿಗೆ ಹೋಗಲು ಬಿಡದೇ ಸತಾಯಿಸುತ್ತಿದ್ದರು.