Connect with us

Crime

ಫೋನ್ ಚೆಕ್ ಮಾಡಿ ಪ್ರಶ್ನೆ ಮಾಡಿದ್ದಕ್ಕೆ ಹಿಗ್ಗಾಮುಗ್ಗ ಥಳಿಸಿದ – ಪತಿಯ ವಿರುದ್ಧ ಪತ್ನಿ ದೂರು

Published

on

– ಮುಂಜಾನೆ ಗಂಡನ ಮೊಬೈಲ್‍ಗೆ ಬಂತು ಮೆಸೇಜ್
– ಬೇರೆ ಮಹಿಳೆಯೊಂದಿಗೆ ಪತಿ ಚಾಟಿಂಗ್

ಗಾಂಧಿನಗರ: ವ್ಯಕ್ತಿಯೊಬ್ಬ ಫೋನ್ ಪರಿಶೀಲನೆ ಮಾಡಿದ್ದಕ್ಕೆ ಪತ್ನಿಗೆ ಹಿಗ್ಗಾಮುಗ್ಗ ಥಳಿಸಿದ್ದು, ಇದೀಗ ಆಕೆ ಪತಿಯ ವಿರುದ್ಧವೇ ದೂರು ದಾಖಲಿಸಿರುವ ಘಟನೆ ಗುಜರಾತ್‍ನ ಅಹಮದಾಬಾದ್‍ನಲ್ಲಿ ನಡೆದಿದೆ.

ಸಬರಮತಿಯ ಡಿ-ಕ್ಯಾಬಿನ್ ಪ್ರದೇಶದ ನಿವಾಸಿ ವೈಶಾಲಿ ಪಟೇಲ್ (30) ಪತಿಯಿಂದ ಹಲ್ಲೆಗೊಳಗಾದ ಮಹಿಳೆ. ನನ್ನ ಪತಿ ಫೋನ್ ಮೂಲಕ ಇನ್ನೊಬ್ಬ ಮಹಿಳೆಯೊಂದಿಗೆ ಚಾಟ್ ಮಾಡುತ್ತಿದ್ದನು. ಈ ಬಗ್ಗೆ ಪ್ರಶ್ನೆ ಮಾಡಿದ್ದಕ್ಕೆ ಥಳಿಸಿದ್ದಾನೆ ಎಂದು ಪೊಲೀಸರಿಗೆ ಮಹಿಳೆ ನೀಡಿದ್ದಾರೆ.

ವೈಶಾಲ್ ಪಟೇಲ್ 10 ವರ್ಷಗಳ ಹಿಂದೆ ಪ್ರೀತೇಶ್ ಪಟೇಲ್ ಜೊತೆ ಮದುವೆಯಾಗಿದ್ದರು. ಈ ದಂಪತಿಗೆ ಏಳು ವರ್ಷದ ಮಗಳಿದ್ದಾಳೆ. ಗುರುವಾರ ಮುಂಜಾನೆ ಸುಮಾರು 4 ಗಂಟೆಯ ಪತಿಯ ಫೋನ್‍ಗೆ ಮೆಸೇಜ್ ಬಂದಿತ್ತು. ಆಗ ವೈಶಾಲಿ ನಿದ್ದೆಯಿಂದ ಎಚ್ಚರವಾಗಿದ್ದು, ನಂತರ ಪತಿಯ ಸೆಲ್‍ಫೋನ್ ಪರಿಶೀಲಿಸಿದ್ದಾರೆ. ಆಗ ನೀಲಂ ಸೋನಿ ಹೆಸರಿನ ಮಹಿಳೆ ಸಂದೇಶ ಕಳುಹಿಸಿದ್ದನ್ನು ನೋಡಿದ್ದಾರೆ ಎಂದು ಸಬರಮತಿ ಪೊಲೀಸರು ತಿಳಿಸಿದ್ದಾರೆ.

ಮಹಿಳೆಯೊಂದಿಗೆ ನನ್ನ ಪತಿ ಮಾಡಿದ್ದ ಚಾಟ್ ಓದಲು ಪ್ರಾರಂಭಿಸಿದೆ. ಜೊತೆಗೆ ಪತಿಯ ಫೋನ್ ಅನ್ನು ಮತ್ತಷ್ಟು ಪರಿಶೀಲಿಸಿದ್ದು, ಆಗ ಪತಿಯ ಫೋನ್ ರೆಕಾರ್ಡಿಂಗ್‍ಗಳನ್ನು ಕೇಳಿಸಿಕೊಳ್ಳುತ್ತಿದ್ದೆ. ಈ ವೇಳೆ ಪತಿ ಅಲ್ಲಿಗೆ ಬಂದಿದ್ದು, ಮಹಿಳೆಯ ಬಗ್ಗೆ ಪ್ರಶ್ನೆ ಮಾಡಿದೆ. ಇದರಿಂದ ಕೋಪಗೊಂಡು ಪತಿ ನನಗೆ ಹಿಗ್ಗಾಮುಗ್ಗ ಥಳಿಸಿದ್ದಾನೆ ಎಂದು ವೈಶಾಲಿ ಎಫ್ಐಆರ್‌ನಲ್ಲಿ ಉಲ್ಲೇಖಿಸಿದ್ದಾರೆ.

ಸದ್ಯಕ್ಕೆ ಪತಿಯಿಂದ ಹಲ್ಲೆಗೊಳಗಾದ ವೈಶಾಲಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದು, ಈ ಕುರಿತು ಪೊಲೀಸರು ಪ್ರಕರಣ ದಾಖಲಿಸಿಕೊಂಡು ತನಿಖೆ ಶುರು ಮಾಡಿದ್ದಾರೆ.

Click to comment

Leave a Reply

Your email address will not be published. Required fields are marked *