Connect with us

Latest

ಮದ್ವೆ ನಂತ್ರ ಪ್ರಿಯಕರನ ಜೊತೆ ಎಸ್ಕೇಪ್ – ರಾಜಿಯಾದ ಮೇಲೂ ಮತ್ತೆ ಹೋಟೆಲ್‍ನಲ್ಲಿ ಸಿಕ್ಕಿಬಿದ್ಳು

Published

on

ಚಂಡೀಗಢ: ಮಹಿಳೆಯೊಬ್ಬಳು ತನ್ನ ಪ್ರಿಯಕರನ ಜೊತೆ ಇದ್ದಾಗಲೇ ಪತಿಯ ಕೈಗೆ ರೆಡ್ ಹ್ಯಾಂಡಾಗಿ ಸಿಕ್ಕಿಬಿದ್ದಿದ್ದು, ಇಬ್ಬರಿಗೂ ವ್ಯಕ್ತಿ ಹಿಗ್ಗಾಮುಗ್ಗ ಥಳಿಸಿರುವ ಘಟನೆ ಹರಿಯಾಣದ ಫರಿದಾಬಾದ್‍ನ ಹೋಟೆಲ್‍ವೊಂದರಲ್ಲಿ ನಡೆದಿದೆ.

ಪತಿ ಮತ್ತು ಆತನ ಕಿರಿಯ ಸಹೋದರ ಅವರು ಇರುವ ಸ್ಥಳವನ್ನು ತಿಳಿದುಕೊಂಡು ಹೋಗಿ ರೆಡ್ ಹ್ಯಾಂಡಾಗಿ ಹಿಡಿದಿದ್ದಾರೆ. ನಂತರ ಇಬ್ಬರಿಗೂ ಸಾರ್ವಜನಿಕವಾಗಿಯೇ ಥಳಿಸಿದ್ದಾರೆ. ಇದರಿಂದ ಜನರು ಸ್ಥಳದಲ್ಲಿ ಜಮಾಯಿಸಿದ್ದರು. ಈ ಬಗ್ಗೆ ಮಾಹಿತಿ ಪಡೆದ ಪೊಲೀಸರು ಸ್ಥಳಕ್ಕೆ ಬಂದಿದ್ದಾರೆ. ಆಗ ವ್ಯಕ್ತಿ ತನ್ನ ಹೆಂಡತಿ ಮತ್ತು ಆಕೆಯ ಪ್ರಿಯಕರನನ್ನು ಪೊಲೀಸರಿಗೆ ಒಪ್ಪಿಸಿದ್ದಾನೆ.

ಏನಿದು ಪ್ರಕರಣ?
ದಂಪತಿ ಮೂರು ವರ್ಷಗಳ ಹಿಂದೆ ಮದುವೆಯಾಗಿದ್ದಾರೆ. ಪತಿ ಪಾಲ್ವಾಲ್‍ನ ಅಸಾವತಿ ಗ್ರಾಮದ ನಿವಾಸಿಯಾಗಿದ್ದರೆ, ಪತ್ನಿ ಫಿರೋಜ್‍ಪುರ್ ಕಲಾನ್ ಗ್ರಾಮದವಳು. ಮಹಿಳೆ ಮದುವೆಗೂ ಮುನ್ನ ವ್ಯಕ್ತಿಯೊಂದಿಗೆ ಸಂಬಂಧ ಹೊಂದಿದ್ದಳು. ಇದೇ ವಿಚಾರಕ್ಕೆ ಮದುವೆಯ ನಂತರ ದಂಪತಿಯ ನಡುವೆ ಆಗಾಗ ಜಗಳವಾಗುತ್ತಿತ್ತು ಎಂದು ತಿಳಿದು ಬಂದಿದೆ.

ಮದುವೆಯಾದ ನಂತರ ನನ್ನ ಪತ್ನಿ ಪ್ರಿಯಕರನ ಜೊತೆ ಸಿಕ್ಕಿಬಿದ್ದಿರುವುದು ಇದೇ ಮೊದಲಲ್ಲ ಎಂದು ಪತಿ ಆರೋಪಿಸಿದ್ದಾನೆ. ಈ ಹಿಂದೆಯೂ ಕೂಡ ವಿವಾಹವಾದ ನಂತರ ತನ್ನ ಪ್ರಿಯಕರನ ಜೊತೆ ಮಹಿಳೆ ಓಡಿಹೋಗಿದ್ದಳು. ಆಗ ವಾಪಸ್ ಬಂದ ಪತ್ನಿಯನ್ನು ಪತಿ ಸ್ವೀಕರಿಸಲು ನಿರಾಕರಿಸಿದ್ದನು. ಆದರೆ ಎರಡು ಕುಟುಂಬದವರು ಮಾತನಾಡಿ ರಾಜೀ ಮಾಡಿಸಿದ್ದರು.

ಮೂರು ದಿನಗಳ ಹಿಂದೆ ಮಹಿಳೆ ತನ್ನ ತಂದೆ ಕಾಲಿಗೆ ಪೆಟ್ಟಾಗಿದೆ ಎಂದು ತಾಯಿಯ ಮನೆಗೆ ಹೋಗಿದ್ದಳು. ಇತ್ತ ಪತಿ ತನ್ನ ಬಾಮೈದನನ್ನು ಕರೆದು ಮಾವನ ಆರೋಗ್ಯದ ಬಗ್ಗೆ ವಿಚಾರಿಸಿದ್ದಾನೆ. ಇದೇ ವೇಳೆ ತನ್ನ ಹೆಂಡತಿಯ ಬಗ್ಗೆಯೂ ಕೇಳಿದ್ದಾನೆ. ಆಗ ಬಾಮೈದ ತಾಯಿಯೊಂದಿಗೆ ಬಲ್ಲಭಗಢ್‍ಗೆ ಶಾಪಿಂಗ್ ಮಾಡಲು ಹೋಗಿದ್ದಾಳೆ ಎಂದು ತಿಳಿಸಿದ್ದನು. ಕಾಕತಾಳೀಯವಾಗಿ ಬಲ್ಲಭಗಢ್‍ನಲ್ಲಿರುವ ಪತಿಯ ಸಂಬಂಧಿ ಸ್ವಲ್ಪ ಸಮಯದ ನಂತರ ಫೋನ್ ಮಾಡಿ, ನಿನ್ನ ಹೆಂಡತಿ ಯಾರೊಂದಿಗೋ ಸುತ್ತಾಡುತ್ತಿರುವುದನ್ನು ನೋಡಿದೆನೆಂದು ತಿಳಿಸಿದ್ದಾನೆ.

ಪತಿ ತಕ್ಷಣ ಅನುಮಾನಗೊಂಡು ಹೆಂಡತಿಯನ್ನು ಹುಡುಕಲು ಬಲ್ಲಭಗಢ್‍ಗೆ ಹೋಗಿದ್ದಾನೆ. ಪತ್ನಿ ಮತ್ತು ಆತನ ಸಹೋದರ ಆ ಪ್ರದೇಶದಲ್ಲಿ ಹುಡುಕಿದ್ದಾರೆ, ಸುತ್ತಮುತ್ತಲಿನ ಜನರನ್ನು ಕೇಳಿದ್ದಾರೆ. ಕೊನೆಗೆ ಅವರಿಬ್ಬರನ್ನು ಹೋಟೆಲ್‍ನಲ್ಲಿ ಪತ್ತೆ ಮಾಡಿದ್ದಾರೆ. ಈ ವೇಳೆ ಕೋಪಗೊಂಡ ಪತಿ ಸಾರ್ವಜನಿಕವಾಗಿಯೇ ಇಬ್ಬರನ್ನು ಥಳಿಸಿದ್ದಾನೆ.

ಸದ್ಯಕ್ಕೆ ಸ್ಥಳೀಯ ಪೊಲೀಸರು ಮಹಿಳೆ ಮತ್ತು ಆತನ ಪ್ರಿಯಕರನನ್ನು ಪೊಲೀಸ್ ಠಾಣೆಗೆ ಕರೆದುಕೊಂಡು ಹೋಗಿದ್ದಾರೆ. ಜೊತೆಗೆ ಅವರ ಕುಟುಂಬ ಸದಸ್ಯರನ್ನು ಠಾಣೆಗೆ ಕರೆಸಿದ್ದಾರೆ. ಈ ಬಗ್ಗೆ ದೂರು ಬಂದರೆ ತನಿಖೆ ಆರಂಭಿಸುವುದಾಗಿ ಪೊಲೀಸರು ತಿಳಿಸಿದ್ದಾರೆ.

Click to comment

Leave a Reply

Your email address will not be published. Required fields are marked *