Connect with us

Food

ಮನೆಯಲ್ಲೇ ಈರುಳ್ಳಿ ಚಿಕನ್ ಸ್ಪೆಷಲ್ ಗ್ರೇವಿ ಮಾಡಿ ತಿನ್ನಿ

Published

on

Share this

ಮಾಂಸಾಹಾರ ಸೇವಿಸುವವರಿಗೆ ವಾರದಲ್ಲಿ ಒಮ್ಮೆಯಾದರೂ ಮಾಂಸದ ಅಡುಗೆ ಸೇವಿಸಲೇಬೇಕು. ಅನ್ನದೊಡನೆ ಬೇಯಿಸಿ ಬಿರಿಯಾನಿಯ ಸವಿ ಒಂದಾದರೆ ತೆಳುವಾದ ಅಕ್ಕಿರೊಟ್ಟಿ ಅಥವಾ ನೀರು ದೋಸೆಯೊಂದಿಗೆ ಖಾರವಾದ ಕೋಳಿಮಾಂಸದ ಸಾರು ಅಥವಾ ಗ್ರೇವಿ ನೆನೆಸಿಕೊಂಡು ಸವಿಯುವುದು ಕರಾವಳಿಯ ಜನರಿಗೆ ಹೆಚ್ಚು ಇಷ್ಟಪಡುತ್ತಾರೆ. ಹೀಗಿರುವಾಗ ಇಂದು ನೀವು ಮನೆಯಲ್ಲಿ ಈರುಳ್ಳಿ ಚಿಕನ್ ಸ್ಪೆಷಲ್ ಗ್ರೇವಿ ಮಾಡಿ ತಿನ್ನಿ

ಬೇಕಾಗುವ ಸಾಮಗ್ರಿಗಳು:
* ಕೋಳಿಮಾಂಸ- 1 ಕೆಜಿ
* ಈರುಳ್ಳಿ – 4
* ಟೊಮಾಟೊ: 4
* ಶುಂಠಿ ಬೆಳ್ಳುಳ್ಳಿ ಪೇಸ್ಟ್- 2 ಟೀ ಸ್ಪೂನ್
* ಹಸಿಮೆಣಸು- 5 ರಿಂದ 6
* ಮೊಸರು- 1 ಕಪ್
* ಕೆಂಪು ಮೆಣಸಿನ ಪುಡಿ- 2 ಟೀ ಸ್ಪೂನ್
* ಅಡುಗೆ ಎಣ್ಣೆ- 1 ಕಪ್
* ರುಚಿಗೆ ತಕ್ಕಷ್ಟು ಉಪ್ಪು

ಮಾಡುವ ವಿಧಾನ:

* ಒಂದು ಬಾಣಲೆಯಲ್ಲಿ ಕೊಂಚ ಎಣ್ಣೆ ಹಾಕಿ ಇದಕ್ಕೆ ಈರುಳ್ಳಿ ಹಾಕಿ ಮಧ್ಯಮ ಉರಿಯಲ್ಲಿ ಕಂದುಬಣ್ಣಬರುವವರೆಗೆ ಹುರಿಯಿರಿ.
* ಇದಕ್ಕೆ ಕೊಂಚ ನೀರು ಹಾಕಿ (ಈರುಳ್ಳಿ ಮುಳುಗುವಷ್ಟು ಸಾಕು) ಸುಮಾರು ಐದರಿಂದ ಹತ್ತು ನಿಮಿಷ ಬೇಯಿಸಿ.

* ಈಗ ಟೊಮೇಟೊ, ಶುಂಠಿ ಬೆಳ್ಳುಳ್ಳಿ ಪೇಸ್ಟ್, ಹಸಿಮೆಣಸು, ಉಪ್ಪು ಹಾಕಿ ಸುಮಾರು ಹತ್ತು ನಿಮಿಷ ಬೇಯಲು ಬಿಡಿ

* ಇನ್ನೊಂದು ಪಾತ್ರೆ ಅಥವಾ ಬಾಣಲೆಯಲ್ಲಿ ಕೊಂಚ ಎಣ್ಣೆ ಹಾಕಿ ಕೋಳಿಯ ಮಾಂಸವನ್ನು ಹಾಕಿ ಚೆನ್ನಾಗಿ ಫ್ರೈ ಮಾಡಿ.
* ಈರುಳ್ಳಿ, ಚಿಕನ್ ಒಂದೇ ಪಾತ್ರೆಗೆ ಹಾಕಿ ಫ್ರೈ ಮಾಡಿ. ಅಗತ್ಯಕ್ಕೆ ತಕ್ಕಷ್ಟು ನೀರು, ಮೊಸರು ಹಾಕಿ ಕೊಂಚ ತಿರುವಿ ಉರಿ ಹೆಚ್ಚಿಸಿ ಬೇಯಿಸಿದರೆ ಈರುಳ್ಳಿ ಚಿಕನ್ ಸ್ಪೆಷಲ್ ಗ್ರೇವಿ ಸಿದ್ಧವಾಗುತ್ತದೆ.

Click to comment

Leave a Reply

Your email address will not be published. Required fields are marked *

Advertisement